Ditët e fundit në media janë shtuar deklaratat fyese, diskriminuese dhe me baza gjuhën e urrejtjes së deputetit Kujtim Gjuzi ndaj pjesëtarit të komunitetit LGBTI+ Elton Ilirjani dhe komunitetit LGBTI+ në tërësi.
Aleanca kundër Diskriminimit LGBT dhe Pro-LGBT shprehin publikisht shqetësimin për deklaratat e bëra dhe kërkojnë nga autoritetet përgjegjëse dhe Kuvendi i Republikës së Shqipërisë marrjen e masave disiplinore ndaj zotit Gjuzi dhe ndjekjen e rastit sipas dizpozitave të ligjeve në fuqi.
Deklaratat diskriminuese dhe kërcënimet kanë nisur në emisionin 360 Gradë nga Artur Zheji, transmetuar në televionin Ora më datë 10.10.2019. Në lidhje me përmbajtjen e emisionit, Pro-LGBT ka depozituar një ankesë pranë Autoritetit të Mediave Audiovizive më datë 11 Nëntor. AMA ka dërguar kërkesë për paraqitjen e pretendimeve lidhur me ankesën tonë pranë Televizionit Ora, sipas shkresës bashkëngjitur.
Në pritje të vendimit të Autoritetit të Mediave Audivizive për shkeljen e Kodit të Transmetimit në emisionin 360 Gradë, mbetemi në komunikim të vazhdueshëm me instiucionet partnere për adresimin e mëtejshëm të rastit dhe marrjen e masave ligjore.
Bëjmë thirrje sërish për gazetarët, moderatorët e emisioneve televizive, personazhet publikë dhe përfaqësuesit e institucioneve që paguhen me taksat e të gjithë shqiptarëve, për të treguar përmbajtje e për tu distancuar nga gjuha e urrejtjes dhe diskriminimi ndaj personave të komunitetit LGBTI+ dhe secilit komunitet tjetër të margjinalizuar në vend.
Deklaratat e turpshme të zotit Gjuzi, kërcënimet, gjuha e urrejtjes dhe fyerjet nuk janë të denja për institucionin të cilin ai përfaqëson dhe detyrën e tij të deputetit.
Të drejtat e komunitetit LGBTI+ janë të drejta të pakontestueshme dhe të parevokueshme!
