Afati i fundit për aplikim: 1 Shtator 2019
“Historia Ime” shpall të hapur thirrjen për trajnerë për shkollën verore “Bashkimi Evropian, të drejtat e njeriut dhe aktivizmi”.
Këtë vit shkolla verore zhvillohet në periudhën 25 Shtator 2019– 29 Shtator 2019 në qytetin e Pogradecit dhe do të zgjerojë trajnimet në teori dhe praktikë, jo vetëm në fushën e të drejtave të njeriut por edhe në fushën e aktivizmit.
Temat që do të trajtohen janë Bashkimi Evropian, të drejtat e njeriut dhe aktivizmi.
“Shkolla Verore për BE-në, të drejtat e njeriut dhe aktivizmi 2019” do të ndërthurë teori mbi BE-në dhe koncepte mbi të drejtat e njeriut si dhe do të mësojë mbi aktivizmin qytetar.
Kush mund të aplikojë?
Në saj të projektit I Choose EU, Historia-ime po kërkon 3 (tre) trajnerë të fushave të mëposhtme:
-Bashkimin Evropian, organizimin dhe funksionet e tij, institucionet dhe mënyrën e veprimit të tyre, procesin e integrimit të Shqipërisë në BE dhe hapat që duhen ndjekur për vazhdimin e këtij procesi.
-Liria e medias dhe shtypit sipas standardeve evropiane, zbatimi i tyre nv praktikë, praktikat legjislative në BE për mbrojtjen e këtyre lirive, situata në Shqipëri mbi median, media dhe proceset integruese.
-Multimedia, gazetaria përmes medias jo konvencionale, aktivizmi online, aktivizmi përmes artit, vlerat e BE-së përmes artit, aktivizmi dhe proceset integruese.
Si mund të aplikosh?
Aplikimi duhet të dorëzohet pranë zyrave të Historia Ime, Rruga “Mine Peza”, Pallati.208, Shkalla 2, Ap.13, deri më datën 1 Shtator.
Aplikimi duhet të përmbajë:
– CV të aplikantit
Për më shumë informacion, na kontaktoni në adresën tonë të e-mail:
[email protected]
Në kuadër të iniciativës ‘’Mbështetja e shoqërisë civile për zbatimin e aktiviteteve të ngritjes së kapaciteteve për të rritur mbështetjen e shoqërisë civile në zhvillimin e politikave të dialogut dhe rritjen e ndërgjegjësimit në proceset e integrimit Evropian’’ i financuar nga Delegacioni i Bashkimit Evropian në Shqipëri dhe i zbatuar nga Ministria e Financave dhe Ekonomisë, Qendra Streha në bashkëpunim me ‘’Të Bashkuar Pro Kauzës LGBT (PRO LGBT) – ‘’Unë Zgjedh Bashkimin Evropian’’.
Historiaime.al është një zë i pavarur në mbrojtje të të drejtave të njeriut. Ne raportojmë si për shkeljet e të drejtave të njeriut ashtu edhe për histori njerëzore që i promovojnë këto të drejta. Ky projekt synon të ndryshojë qëndrimet jo fort etike karshi të drejtave të njeriut nga ana e medias kombëtare si ajo e shkruar, ashtu edhe ajo vizive dhe media e re online.