Më shumë se 100.000 gra dhe vajza, mund të mos kenë të ardhura për të mbështetur familjet e tyre, pasi shtëpitë e seksit në Bangladesh janë mbyllur në mes të krizës së koronavirusit, COVID-19.
Qeveria e Bangladeshit ka filluar dërgimin e ushqimit dhe ndihmës urgjente për dhjetëra mijëra gra që punojnë në industrinë tregtare të seksit në vend.
Për të kontrolluar përhapjen e virusit Covid-19, autoritetet kanë urdhëruar bllokimin e industrisë së seksit, duke mbyllur bordellon më të madh të vendit në Goalanda në Rrethin Rajbari të Dhaka, së bashku me shumë të tjerë në të gjithë vendin.
Mbylljet do të lënë shumë nga 100,000 gra dhe vajza që punojnë në bordello në Bangladesh pa asnjë mënyrë për të mbështetur veten ose fëmijët e tyre.
“Ne nuk fitojmë shumë këtu, unë bëj mjaft para për të mbijetuar dita ditës dhe shumica prej nesh janë në borxh,” -tha një grua 26-vjeçare që ka punuar në një bordello në Goalanda për më shumë se shtatë vjet.
Zyrtari i qeverisë lokale Rubayet Hayat, tha se ushqimi dhe ndihma financiare nga ministria e menaxhimit të fatkeqësive dhe ndihmave do të fillonin të shpërndahen deri në fund të kësaj jave.
“Ka rreth 1,800 punonjës të seksit në bordelet nën juridiksionin tonë. Ne kemi kërkuar 30 kg oriz dhe udhqime të tjera, për secilën prej punonjësve. ”-tha ai. “Ne kemi miratimin fillestar dhe shpresojmë se fondet do të sanksionohen deri në fund të kësaj jave.”
Punëtorët e kujdesit shëndetësor në një spital bamirësie pranë bordellos në Goalanda thanë se do të duhej më shumë ndihmë për të parandaluar një shpërthim të Covid-19 në bordello dhe rrethe me dritë të kuqe.
“Zona e bordellave është shumë e pisët dhe johigjenike. Dhomat janë çnjerëzore dhe të vogla. Pronarët e shtëpive i ndërtuan dhomat në mënyrë strategjike për më shumë fitim, në mënyrë që të mund të vendosnin më shumë dhoma në një zonë të vogël “-tha Zulfekar Ali, mjeku përgjegjës në spitalin bamirës të Gonoshasthaya Kendra. “Në të njëjtën dhomë të vogël, punëtorët e seksit jetojnë, punojnë dhe gatuajnë. Shumë kanë tualete të përbashkëta. “-shtoi ai.
Prostitucioni është legal në Bangladesh dhe qeveria vlerëson se rreth 100,000 gra janë duke punuar në industrinë e seksit. Një studim tregon se më pak se 10% e atyre që punojnë në prostitucion hynë në tregtinë e seksit vullnetarisht./ HistoriaIme
Trending Now
Historiaime.al është një zë i pavarur në mbrojtje të të drejtave të njeriut. Ne raportojmë si për shkeljet e të drejtave të njeriut ashtu edhe për histori njerëzore që i promovojnë këto të drejta. Ky projekt synon të ndryshojë qëndrimet jo fort etike karshi të drejtave të njeriut nga ana e medias kombëtare si ajo e shkruar, ashtu edhe ajo vizive dhe media e re online.