BE dhe kolosët teknologjikë kundër përhapjes të terrorizmit

Përgjigje e shpejtë kundër përhapjes virale në internet të ekstremizmit dhe terrorizmit të dhunshëm, është qëllimi i protokollit të krizave të BE-së, i aprovuar mes Komisionit të Bashkimi Europian dhe disa gjigantëve të teknologjisë së lartë si Twitter, Facebook, Microsoft dhe Dropbox, në forumin e pestë të internetit të Bashkimit Europian.

“Kemi arritur të ndërtojmë një marrëdhënie të fortë besimi me të platformat e internetit dhe më vjen mirë për progresin që po bëjmë dhe rezultatet e jashtëzakonshme që ne kemi arritur’’, nënvizoi komisioneri i BE për Çështjet e Brendshme, Dimitris Avramopoulos.

‘’Ne po bëjmë një hap përpara në bashkëpunim me një protokoll të BE-së, me të cilin do të jemi të gatshëm të veprojmë më shpejt, në mënyrë më efektive dhe më të koordinuar për të ndaluar përhapjen e përmbajtjeve terroriste në rrjet’’, shtoi ai./ atsh