Komisionerja e Lartë e Kombeve të Bashkuara për të Drejtat e Njeriut, Michelle Bachelet, ka reaguar ashpër dhe në mënyrë shqetësuese për masat që po marrin shtetet e ndryshme të botës, në emër të luftës ndaj koronavirusit.
“Vendet po minojnë sundimin e ligjit në emër të luftimit të pandemisë së koronavirusit duke shkaktuar një fatkeqësi për të drejtat e njeriut”, -ka thënë ajo.
“Masat urgjente nuk duhet të jenë një armë që qeveritë mund ta përdorin për të minuar kundërshtimin, pastaj për të kontrolluar popullatën dhe madje edhe të zgjasin kohën e tyre në pushtet. Ato duhet të përdoren për të përballuar në mënyrë efektive me pandeminë – asgjë më shumë, asgjë më pak”, shtoi Bachelet, teksa tha se -“Shtetet mund të kufizojnë disa të drejta për të mbrojtur shëndetin publik sipas ligjit të të drejtave të njeriut, dhe gjithashtu kanë disa fuqi shtesë nëse deklarohet publikisht një gjendje e jashtëzakonshme që kërcënon jetën e kombit. Në të dy rastet, kufizimet duhet të jenë të domosdoshme, proporcionale dhe jo-diskriminuese. Ato gjithashtu duhet të jenë të kufizuara në kohëzgjatje “
Disa të drejta, përfshirë të drejtën për jetën, ndalimin e torturës dhe keqtrajtimet e tjera, dhe e drejta për të mos u ndaluar ose arrestuar në mënyrë arbitrare duhet detyrimisht të zbatohen në të gjitha rrethanat. Për t’i ndihmuar shtetet në përgjigjen e tyre ndaj COVID-19, Zyra e KB për të Drejtat e Njeriut lëshoi të hënën udhëzime të reja politike ./ HistoriaIme
Sugjeriemt e OKB
https://www.ohchr.org/Documents/Events/EmergencyMeasures_COVID19.pdf
Historiaime.al është një zë i pavarur në mbrojtje të të drejtave të njeriut. Ne raportojmë si për shkeljet e të drejtave të njeriut ashtu edhe për histori njerëzore që i promovojnë këto të drejta. Ky projekt synon të ndryshojë qëndrimet jo fort etike karshi të drejtave të njeriut nga ana e medias kombëtare si ajo e shkruar, ashtu edhe ajo vizive dhe media e re online.