Sot është Dita Ndërkombëtare e Lirisë së Shtypit, ndërsa kjo ditë e e gjen Shqipërinë në një situatë të diskutueshme për lirinë e medias dhe gazetarëve në vend.
Pak ditë më parë “Reporterët pa Kufij” dhe Këshilli i Europës, kanë publikuar raporte për situatën e lirisë së mediave në mbarë botën, ndërsa Shqipëria qartasi ka bërë një regres, në krahasim me një vit më parë (2019).
Sipas Reporterëve ka Kufij, Shqipëria radhitet në vendin e 84-të në raportin e e këtij viti, dy vende më poshtë nga një vit më parë.
Në raport thuhet në vitin 2019, qeveria shtoi përpjekjet për të kontrolluar medien me arsyetimin e luftimit të lajmeve të rreme. Në dhjetor, shumica qeverisëse votoi në parlament një paketë “anti-shpifje” që shtrëngon rregullimin e medieve në internet.
“Duke kufizuar lirinë e shprehjes, informacionit dhe shtypit si dhe duke qenë në kundërshtim me praktikat më të mira ndërkombëtare, ligjet rrezikojnë të rrisin censurën dhe t’i bëjnë gazetarët më të brishtë përballë trysnisë së qeverisë”, thuhet në raport, duke theksuar se “megjithëse president i vendit ka vënë veto ndaj tyre, ligjet janë përsëri në parlament”.
“Viti 2019, thuhet në raport, shënoi gjithashtu abuzimin e një situate të krizës për frenimin e lirisë së shtypit. Në kohën e tërmetit shkatërrues, dy gazetarë dhe një aktivist u arrestuan për përhapjen e “lajmeve të rreme” dhe “shkaktimit të panikut”, ndërsa disa media online kritike për veprimet e qeverisë u mbyllën nga organet qeveritare.”-vijon më tej raporti.
Gjithashtu edhe Këshilli i Europës, në një raport të publikuar së fundmi, të hartuar nga organizatat partnere të KiE, thekson qartë se liria e medias në vendin tonë është përkeqësuar.
Sipas raportit në Shqipëri numërohen 11 sinjalizime aktive në platformën e KE-së, (7 prej të cilave janë dërguar në vitin 2019, krahasuar me vetëm 1 sinjalizim gjatë 2018) që pasqyrojnë dhunë ndaj gazetarëve apo pengim në ushtrimin e profesionit.
“Kjo rritje e dukshme sinjalizon një përkeqësim të kushteve të punës së gazetarëve në vend“, thuhet në raport.
“79 portalet lokale publikuan foto që akuzojnë gazetaren se ishte paguar dhe kishte lidhje me Federatën Ruse, dhe pretendonin se portali i saj ishte i lidhur me një parti opozitare”, thuhet në raport.
Vëmendje në këtë raport i kushtohet edhe mbylljes së emisioneve në televizionin Neës 24, përkatësisht emisionin “A Show”, të gazetarit Adi Krasta dhe emisionit “Të paekspozuarit”, të gazetarit Ylli Rakipi./ HistoriaIme
Trending Now
Historiaime.al është një zë i pavarur në mbrojtje të të drejtave të njeriut. Ne raportojmë si për shkeljet e të drejtave të njeriut ashtu edhe për histori njerëzore që i promovojnë këto të drejta. Ky projekt synon të ndryshojë qëndrimet jo fort etike karshi të drejtave të njeriut nga ana e medias kombëtare si ajo e shkruar, ashtu edhe ajo vizive dhe media e re online.