Kosta Rika, vendi në Amerikën Qendrore përfundimisht ka legalizuar zyrtarisht martesat e të njëjtit seks.
Me datën 26 maj, Regjistri Civil i vendit do të fillojë përpunimin e regjistrimeve në mënyrë që të krijohet praktikisht mundësia që çiftet e të njëjtit seks të martohen zyrtarisht.
“Regjistri Civil ka bërë përpjekje të konsiderueshme në rregullimin e të gjitha sistemeve kompjuterike në çështjet e gjendjes civile, me qëllim të administrimit të këtyre regjistrimeve në një kohë të shpejtë dhe të përpiktë, gjithmonë brenda kornizës së sigurisë së përshtatshme dhe efektive të regjistrit, si zakonisht nga institucioni ynë.”-ka thënë në një deklaratë zyrtari i lartë Luis Guillermo Chinchilla.
Kosta Rika ka një histori të gjatë të luftës për këtë të drejtë, ndërsa vetëm në vitin 2018, Gjykata Supreme e vendit vendosi se ishte jokushtetuese të ndalojë çiftet e të njëjtit seks të martohen./ HistoriaIme
Historiaime.al është një zë i pavarur në mbrojtje të të drejtave të njeriut. Ne raportojmë si për shkeljet e të drejtave të njeriut ashtu edhe për histori njerëzore që i promovojnë këto të drejta. Ky projekt synon të ndryshojë qëndrimet jo fort etike karshi të drejtave të njeriut nga ana e medias kombëtare si ajo e shkruar, ashtu edhe ajo vizive dhe media e re online.