Qendra për Pluralizëm dhe Liri Mediatike, që ka në fokus sistemin dhe lirinë e mediave në vendet anëtare dhe kandidate të Bashkimit Europian, në një raport të publikuar të martën, ka ngritur alarmin për përkeqësimin e situatës së mediave në Shqipëri gjatë dy viteve të fundit.
Studimi thekson se pushteti politik në vend është tejet influencues, duke rezultuar në media jo të pavarura apo mediume që mbështetin partinë në pushtet dhe kërcënojnë autonominë e vet. Me shkallën nga 0 në 100, rreziku për televizionet paraqitet i mesëm, ndërsa për portalet në internet, rreziku sipas konkluzioneve, rritet në shkallën sipërore për shkak të ndikimit më të fortë politik, mungesës së transparencës për sa i përket reklamave dhe kandidatëve politikë gjatë fushatave elektorale.
“për sa i përket mbrojtjes themelore të pluralizmit, mediat shqiptare paraqiten në rrezik të mesëm, apo 53%, rreziku i pluralizmit të tregut mediatik klasifikohet tepër i lartë në 80%”.-thotë ndër të tjera studimi.
“Shumica e mediave në Shqipëri nuk janë të pavarura dhe mbështesin partinë në pushtet – veçanërisht televizionet, të cilat rregullohen dhe konsiderohen burimi kryesor i informacionit. “-vijon më tej raporti.
“Treguesi Mbrojtja e lirisë së shprehjes fiton një rezultat të rrezikut mesatar 62%. Në Shqipëri ka rregullore masa mbrojtëse për mbrojtjen e lirisë së shprehjes. Kushtetuta shqiptare si dhe media kombëtare legjislacioni garanton lirinë e shprehjes. Sidoqoftë, këto garanci në praktikë nuk respektohen gjithmonë dhe shkeljet sistematike të lirisë së shprehjes gjatë dy viteve të fundit kanë çuar në një përkeqësim të lirisë së mediave në vend”-thotë raporti më tej./ HistoriaIme
Raporti i plote, ketu
