Kandidatja kryesore e opozitës në Bjellorusi ka thënë se ajo mori vendimin “absolutisht të pavarur” për të ikur nga vendi i saj për në Lituani, për mirëqenien e saj dhe për mirëqenien e fëmijëve të saj.
Duke publikuar një video të martën, ish mësuesja e anglishtes, Sviatlana Tsikhanouskaya tha se situata aktuale në Bjellorusi nuk “vlen për asnjë jetë”, pasi ajo iu referua protestave të dhunshme që kanë lënë një person të vdekur.
Ajo tha: “E dini, unë mendova se e gjithë kjo fushatë me të vërtetë më ashpërsoi dhe më fuqizoi aq shumë sa që unë t’i rezistoja gjithçkaje.
“Por me siguri, unë kam mbetur ajo grua e dobët që kam qenë fillimisht. Kam marrë një vendim shumë të vështirë për veten time, dhe e kam marrë atë absolutisht të pavarur – as miq, as të afërm, as zyra e fushatës, as Sergei [burri i saj i burgosur Sergei Tikhanovsky] nuk mund të ndikonte në një farë mënyre.”
“Dhe unë e di që shumë do të më kuptojnë, shumë do të më dënojnë dhe shumë do të më urrejnë.”
” Prandaj, njerëz, ju lutemi kujdesuni.”
“Ajo që po ndodh tani nuk vlen për asnjë jetë. Fëmijët janë gjëja më e rëndësishme që ne kemi në jetën tonë.”
Pamjet u publikuan vetëm një ditë pasi Tsikhanouskaya shkoi në Komisionin Zgjedhor në Bjellorusi për të kërkuar zyrtarisht një rinumërim të zgjedhjeve presidenciale të së Dielës, duke hedhur poshtë rezultatet që tregojnë se autoritari Aleksandër Lukashenko siguroi një fitore prej më shumë se 80% të votave.
Pas largimit nga zyra e Komisionit, ajo tha se kishte marrë gjithashtu “një vendim” për të qenë me fëmijët e saj – por nuk e sqaroi.
Të nesërmen në mëngjes, Ministri i Jashtëm i Lituanisë Linas Linkevicius konfirmoi që 37-vjeçarja tani ishte “e sigurtë” në vendin e tij.
Tsikhanouskaya, një rishtare politike që paraqiti kandidaturën e saj për president pasi burri i saj i kampit të opozitës u burgos, më parë u tha elektoratit që ajo kishte dëgjuar për një rezultat “absolutisht të kundërt” në votimet e së Dielës.
Ajo tha: “Ne po mbledhim prova të falsifikimeve.”
“Kemi njerëz që janë zyrtarisht të gatshëm të konfirmojnë falsifikimet në qendrat e votimit.
“Pra, ne kemi filluar të punojmë në mënyrë aktive për këtë dhe tani për tani unë jam duke shkuar në Komisionin Qendror të Zgjedhjeve për të thënë që ne nuk e pranojmë rezultatin e zgjedhjeve.”
Ndërkohë, oficerët e policisë u panë duke përdorur granata me goditje të fortë dhe plumba gome për të shtypur mijëra protestues që përmbytnin rrugët në të gjithë vendin për një ditë të dytë radhazi të hënën.
Sipas një zëdhënësi të ministrisë së brendshme, një burrë vdiq në demonstratën e fundit pasi një pajisje shpërthyese shpërtheu në duart e tij.
Dhjetra njerëz u plagosën, ndërsa 3.000 të tjerë u arrestuan – 1.000 në kryeqytetin Minsk.
Protestat, të cilat filluan në Minsk, Brest, Mogilev dhe Vitebsk, panë që njerëzit bërtisnin “liri!” dhe “Rroftë Bjellorusia!” ndërsa policia u zhvendos për t’i shpërndarë me dhunë.
Së bashku me shumë Bjellorusë të cilët kanë hedhur poshtë fitoren dërrmuese të Lukashenkos si një turp, gjithashtu, një numër i fuqive perëndimore gjithashtu kanë shprehur dyshime për rezultatin.
Ata gjithashtu kanë shprehur kritikë të ashpër për goditjen e policisë ndaj protestuesve.
Fitorja e Lukashenkos do të shënojë një mandat të gjashtë në detyrë për 65-vjeçarin, i cili ka sunduar ish-kombin Sovjetik me një dorë të hekurt për më shumë se një çerek shekulli.
Me nofkën “diktatori i fundit i Evropës”, ai paralajmëroi të hënën se nuk do të frikësohej të vazhdojë të përdorë forcën ndaj protestuesve – të cilët ai i quajti “dele”.
Ai tha: “Ne nuk do t’i lejojmë ata ta copëtojnë vendin”, pasi ai vazhdoi të pretendonte se opozita po drejtohej nga Polonia dhe Republika Ceke, së bashku me ndihmën e mundshme nga Ukraina dhe Rusia.
“Ata po drejtojnë selinë e [opozitës] ku ato dele nuk kuptojnë se çfarë duan prej tyre,” shtoi ai.
Ministri i Jashtëm çek Tomas Petricek e ka mohuar që të jetë përfshirë në zgjedhjet Bjelloruse.
Bjellorusia ka një histori të gjatë të goditjeve të dhunshme ndaj protestave, me protestuesit që u dhunuan fuqishëm pas zgjedhjeve të 2010, ku u arrestuan edhe gjashtë kandidatë për presidentë.
Ish-mësuesja e anglishtes mund të mos ketë ndonjë përvojë në politikë, por ajo ka arritur të bashkojë grupet e opozitës nën emrin e saj dhe të tërheqë dhjetëra mijëra njerëz në mitingjet e saj pasi u shfaq si një kandidat i mundur për t’i marrë puhstetin Lukashenkos./ HistoriaIme
Trending Now
Historiaime.al është një zë i pavarur në mbrojtje të të drejtave të njeriut. Ne raportojmë si për shkeljet e të drejtave të njeriut ashtu edhe për histori njerëzore që i promovojnë këto të drejta. Ky projekt synon të ndryshojë qëndrimet jo fort etike karshi të drejtave të njeriut nga ana e medias kombëtare si ajo e shkruar, ashtu edhe ajo vizive dhe media e re online.