Sarah McBride, e cila dikur bëri bujë në Kongresin Kombëtar Demokratik të vitit 2016, arriti një tjetër moment historik të martën duke fituar zgjedhjet në Delaware si një grua transgjinore dhe duke u bërë legjislatore shteti e rangut më të lartë në Shtetet e Bashkuara.
“U jam shumë mirënjohëse atyre qindra vullnetarëve që kanë bërë telefonata, dërguan mesazhe dhe biseduan me votuesit për tibashkuar fqinjët tanë,” tha McBride në një deklaratë. “Jam e përulur nga mbështetja e fqinjëve dhe jam e gatshme të punoj çdo ditë për të ndryshuar jetën e të gjithë banorëve të Qarkut të Parë të Senatit. Shpresoj që e sotshmja t’i tregojë një fëmije LGBTQ se demokracia jonë është mjaftueshëm e madhe edhe për ta.”
McBride, e cila po kandidonte për një vend në Senatin Shtetëror të Delaware pritej të fitonte Qarkun e Senatit të Parë që është “blu”, i cili përfshin pjesë të Wilmington. Fondi i Fitores LGBTQ (The LGBTQ Victory Fund), i cili përpiqet të zgjedhë personaLGBTQ në poste politike, deklaroi kandidimin e McBride menjëherë pasi votimet u mbyllën në orën 8 të pasdites.
Më parë, McBride punonte si sekretare kombëtare për shtyp për Fushatën e të Drejtave të Njeriut. Kur ajo drejtoi Konventën Kombëtare Demokratike në vitin 2016, ajo u bë personi i parë haptas transgjinor që foli në kongresin e partisë kryesore në Shtetet e Bashkuara.
Annise Parker, Drejtoreshë Ekzekutive e “The LGBTQ Victory Fund”, tha në një deklaratë se fitorja e McBride “është një dëshmi e fuqishme e rritjes së ndikimit të liderëve transgjinorë në politikën tonë dhe u jep shpresë personave të panumërt transgjinorë që kërkojnë një të ardhme më të ndritur”.
“Gjatë gjithë këtij cikli zgjedhor, Donald Trump dhe politikanë të tjerë cinikë u përpoqën ti përdorin njerëzit transgjinorë si një armë politike, duke besuar se mund të fitonin popullaritet duke nxitur frikë dhe urrejtje,” tha Parker. “Tani që Sara pati një arritje të tillë, në një vit kaq polarizues, kjo është një kujtesë e fuqishme që votuesit gjithnjë e më shumë po refuzojnë politikën e fanatikëve në favor të kandidatëve që qëndrojnë për drejtësi dhe barazi.”
Aktualisht, ka katër ligjvënës haptazi transgjinorë: Shteti i Virxhinias. Danica Roem (D-Va.), personi i parë trans që fitoi dhe shërbeu në një legjislaturë shteti, përfaqësuesja e Shtetit të Kolorados Brianna Titone dhe Përfaqësuese të Shtetit të NewHampshire Lisa Bunker dhe Gerri Cannon. Në Pensilvani, Rachel Levin është sekretare e shëndetësisë dhe dallon sepse ështëtransgjinorja zyrtare e rangut më të lartë në Shtetet e Bashkuara.
McBride ishte nga kandidatet transgjinore që pritej të bënte bujë të martën në mbrëmje duke fituar zgjedhjet historike.
Në Vermont, Taylor Small fitoi zgjedhjet për një vend në State House, duke e bërë personin e parë të hapur transgjinor të zgjedhur ndonjëherë në legjislaturën e Vermont.
Ndërkohë, Stephanie Byers pritej të bëhej legjislatorja e parë transgjinore e shtetit në Kansas dhe personi i parë transgjinor me ngjyrë i zgjedhur në një legjislaturë në Shtetet e Bashkuara. /A.A.
Burimi: washingtonblade.com
You may also like
Historiaime.al është një zë i pavarur në mbrojtje të të drejtave të njeriut. Ne raportojmë si për shkeljet e të drejtave të njeriut ashtu edhe për histori njerëzore që i promovojnë këto të drejta. Ky projekt synon të ndryshojë qëndrimet jo fort etike karshi të drejtave të njeriut nga ana e medias kombëtare si ajo e shkruar, ashtu edhe ajo vizive dhe media e re online.