Zgjedhja e Krasniqit në AMA, organizatat e huaja: Dënojmë arrogancën e pushtetit

Zgjedhja e Armela Krasniqit në krye të AMA-s, ka alarmuar organizatat ndërkombëtare.

Në një reagim të ashpër Reporterët pa Kufij shkruajnë: Partia e Kryeministrit edi rama ka emëruar ish-zëdhënësin e tij si kryetar të rregullatorit të medias që duhet të jetë i pavarur, pa pritur për seancën e re të parlamentit duke përfshirë partitë e opozitës.  @RSF_inter dënon një demonstrim arrogant të pushtetit që kërcënon lirinë e shtypit.

Menjëherë pas saj, 5 organizata të tjera të bashkuara në IPI, Instituti Ndërkombëtar për Lirinë e Shtypit( ARTICLE 19

European Centre for Press and Media Freedom (ECPMF)

European Federation of Journalists (EFJ)

International Press Institute (IPI)

Osservatorio Balcani Caucaso Transeuropa (OBCT)) dënuan gjithashtu zgjedhjen e Krasniqit në krye të AMA-s.

“(MFRR) shpreh sot shqetësim të thellë në lidhje me paanshmërinë dhe pavarësinë e ardhshme të Autoritetit të Mediave Audiovizive (AMA) në Shqipëri pas zgjedhjes së një bashkëpunëtori të ngushtë të Partisë Socialiste në pushtet për të kryesuar rregullatorin e medias. Në 7 korrik, qeveria  dhe aleatët e saj votuan pa praninë e ligjvënësve të opozitës në parlament për të caktuar Armela Krasniqi si kryetare e AMA, rregullatori me ndikim i vendit në TV dhe radio. Organizatat tona kanë shqetësime serioze mbi paanësinë e kryetarit të ri, i cili është një bashkëpunëtor i ngushtë i  Kryeministri Edi Rama dhe më parë ka punuar si drejtor i tij i komunikimit midis 2013 dhe 2017. “-thotë deklarata.

“Emërimi i një figure partizane me lidhje të gjata me partinë në pushtet, në mungesë të votave të opozitës në parlament, rrezikon të minojë seriozisht besueshmërinë dhe legjitimitetin e AMA-s, si dhe besimin më të gjerë në ekosistemin e medias shqiptare. “-vijon deklarata./ HistoriaIme