Historia Ime dëshiron të flasë me anëtarë të komunitetit transgjinor në Shqipëri, të cilët duan të ndajnë me ne përvojën e tyre të vështirë të tranzicionit dhe aksesin në sistemin shëndetësor gjatë këtij procesi.
Ne duam të mësojmë më shumë mbi eksperiencën tuaj personale gjatë këtij tranzicioni dhe vështirësitë që hasni për të siguruar trajtimin e nevojshëm psikologjik dhe mjekësor, medikamentet e duhura apo ndërhyrjet e sigurta kirurgjikale.
Çështjet kyçe që duam të dimë:
- Ku i merrni shërbimet e nevojshme mjekësore
- Si i siguroni medikamentet hormonale
- Përvojën tuaj personale me tranzicionin dhe ku drejtoheni për ndihmë
Ne duam t’u sigurojmë që të dhënat tuaja nuk do të përdoren pa marrë më parë miratimin tuaj dhe se qëllimi ynë është që të identifikojmë probleme sistemike me përjashtimin e komunitetit nga një e drejtë themelore siç është e drejta për shërbim shëndetësor.
Si të bëheni pjesë:
Për të ndarë përvojën tuaj me ne, lutemi që të plotësoni pyetësorin e mëposhtëm. Ju mund të na kontaktoni gjithashtu përmes emailit: [email protected]
Ose përmes rrjeteve tona sociale: facebook.com/historiaime
Përgjigjet tuaja i presim deri më 15 nëntor, ora 24:00.
Historiaime.al është një zë i pavarur në mbrojtje të të drejtave të njeriut. Ne raportojmë si për shkeljet e të drejtave të njeriut ashtu edhe për histori njerëzore që i promovojnë këto të drejta. Ky projekt synon të ndryshojë qëndrimet jo fort etike karshi të drejtave të njeriut nga ana e medias kombëtare si ajo e shkruar, ashtu edhe ajo vizive dhe media e re online.