Njëmbëdhjetë nxënës së shkollës “Shefqet Tançi” në Bulqizë, janë paraqitur në spital me marrje mendsh dhe të vjella, pas një ore mësimore në laborator. Nxënësit e klasës së gjashtë janë ndjerë keq pas një eksperimenti kimik me një substancë të llojit sapun.
Pas dërgimit në spital ato po trajtohen nga bluzat e bardha dhe gjendja e tyre shëndetësore duket e stabilizuar.
Rastet e helmimeve në shkollë janë një fenomen i përsëritur për shkak të mungesës së kushteve të sigurisë në shkolla, qoftë prej kushteve teknike apo dhe mungesës së praktikave për sigurimin e nxënësve gjatë orëve të laboratorit si në rastin e sotëm. Siguria në shkolla duhet të jetë një prioritet jo vetëm për institucionet arsimore, por edhe për individët dhe kompanitë që bashkëpunojnë me shkollat për mundësimin e orëve të laboratorit.
Autoritetet Arsimore nuk kanë reaguar ende mbi rastin në fjalë, i cili rrezikoi jetën e 11 nxënësve dhe stafit mësimor. /k.j
Trending Now
Marielle Franco, një shembull kokë e këmbë.
Historiaime.al është një zë i pavarur në mbrojtje të të drejtave të njeriut. Ne raportojmë si për shkeljet e të drejtave të njeriut ashtu edhe për histori njerëzore që i promovojnë këto të drejta. Ky projekt synon të ndryshojë qëndrimet jo fort etike karshi të drejtave të njeriut nga ana e medias kombëtare si ajo e shkruar, ashtu edhe ajo vizive dhe media e re online.