NASA përgatitet për një mision hapësinor vetëm me gra në ekuipazh

Një ekuipazh astronomësh i përbërë vetëm nga gra do të dalë jashtë Stacionit Hapësinor Ndërkombëtar (ISS) këtë javë, deklaroi NASA.
Astronautet, Christina Koch dhe Jessica Meir, do të dalin në hapësirë, për të zëvendësuar një kontrollues të energjisë që u prish gjatë fundjavës, njoftoi agjencia hapësinore amerikane.

Dalja në hapësirë, e para nga dy astronome gra, është planifikuar për të enjten ose të premten.

Njësia e prishur nuk ka ndikim në sigurinë e ekuipazhit, por nuk lejon një bateri të re jonike litium, e instaluar në fillim të këtij muaji, të sigurojë energji shtesë, shkroi NASA në një postim.

Megjithëse bateritë jonike nuk janë ende plotësisht funksionale, furnizimi i përgjithshëm me energji i stacionit, që bëhet nga katër grupe baterish dhe panelesh diellore, mbetet i mjaftueshëm për të gjitha operacionet.

NASA planifikon një konferencë për të zbuluar dy modele të reja kostumesh astronautësh për misionet e planifikuara në Hënë. Kostumet e veshur nga astronautët që dalin në hapësirë janë 40-vjeçarë dhe po bëhen gjithnjë e më të vështirë për t’u rregulluar.//ATSH