Fondi i Kombeve të Bashkuara për Fëmijët dhe Organizata Botërore e Shëndetësisë kanë publikuar së fundmi një raport mbi situatën në shkollat në disa vende të botës me fokus kryesor përballjen e tyre me COVID-19, raport në të cilin është përfshirë edhe vendi ynë.
Në shqipëri procesi mësimor ka nisur javën e kaluar me 14 shtator, ndërsa në kushtet e pandemisë globale procesi është bërë tejet i vështirë për shkak se shkollat duhet të kenë një higjienë të lartë dhe kushtet sanitare në nivelet e larta, për shkak të rrezikut të infektimit me koronavirusin e ri Covid-19.
Sipas raporti të UNICEF, Shqipëria përfshihet në grupin e vendeve që kanë përgjithësisht kushte mesatare.
Vendet ndahen në tre grupime të mëdha, që janë; Vende me kushte shumë të ulëta, kushtet të ulëta dhe mesatare.
Kështu sipas raportit të UNICEF:
- 71% e shkollave në Shqipëri kanë kushte bazike të higjienës.
- 83% e shkollave në Shqipëri kanë kushte bazike sanitare
- 56% e shkollave në Shqipëri kanë kushte bazike të ujit
- Vetëm 5% e shkollave në Shqipëri kanë adoptim bazik të infrastrukturës
- 50% e shkollave janë të pajisura me kompjuterë
- 47% e shkollave kanë akses në internet
- 94% e shkollave kanë energji elektrike
You may also like
Historiaime.al është një zë i pavarur në mbrojtje të të drejtave të njeriut. Ne raportojmë si për shkeljet e të drejtave të njeriut ashtu edhe për histori njerëzore që i promovojnë këto të drejta. Ky projekt synon të ndryshojë qëndrimet jo fort etike karshi të drejtave të njeriut nga ana e medias kombëtare si ajo e shkruar, ashtu edhe ajo vizive dhe media e re online.