Koronavirusi dhe puna e seksit. Këshilla për mbrojtjen nga COVID19

Punonjëset dhe punonjësit e seksit janë një pjesë tepër e rrezikuar e popullatës, për aq kohë sa vijojnë punën e tyre për arsye të ndryshme në kohën aktuale të pandemisë së krijuar nga koronavirusi. Për ta, këshillohet minimalisht marrja e të njëjtave masa paraprake si punëtorët në sistemin shëndetësor.

Këshillat e përpiluara nga SWOP Australia janë që punonjësit e seksit të marrin të njëjtat masa paraprake kundër infeksionit COVID-19 si punonjësit e kujdesit shëndetësor. Punëtorët e seksit, pasi janë në kontakt të ngushtë dhe të vazhdueshëm me klientët e tyre gjatë një periudhe të zgjatur, nevojiten të marrin masa paraprake shtesë kundër përhapjes së COVID-19.

Vetë natyra e punës dhe kërkesat e kontaktit fizik të ngushtë dhe shpesh shumë intime me klientët, e bëjnë të domosdoshëm kujdesin.

COVID-19 përhapet nga një person në tjetrin, kur
· Kur njerëzit janë në kontakt të ngushtë me njëri-tjetrin (brenda dy metrave).
· Personat e infektuar kolliten ose teshtijnë, duke lëshuar pikla pështyme që përmbajnë viruse, të cilat më pas përmes ajrit transmetohen nga një njeri i sëmurë te dikush i shëndetshëm.
· Sekrecione të kontaminuara të frymëmarrjes, të pranishëm në duar ose në sipërfaqe të tjera transmetojnë virusin përmes prekjes me dorë të gojës, hundës ose syrit të një personi tjetër.

Lehtësia që një virus përhapet nga personi te një tjetër mund të ndryshojë. Disa viruse janë shumë ngjitës (përhapen lehtë), si fruthi, ndërsa viruset e tjerë nuk përhapen aq lehtë.
Virusi që shkakton COVID-19 duket se po përhapet lehtë dhe në mënyrë të qëndrueshme në komunitet.

COVID-19 mbijeton në sipërfaqe për të paktën disa orë dhe deri në disa ditë. Dezinfektuesi i zakonshëm me baze klori arrrin të vrasë virusin në sipërfaqe. Pas pastrimit të një sipërfaqeje, duhet të pastroni duart tuaja me alkool ose të lani ato me sapun dhe ujë.

Historikisht, punonjësit e seksit, kur nuk janë ndaluar nga pengesat ligjore ose të tjera arsye që pengojnë ushtrimin e punës së tyre, kanë trajtuar me sukses pandemitë e ngjashme duke marrë “masa paraprake universale” dhe marrja e “masave paraprake universale” ka qenë çelësi i suksesit në parandalimin e përhapjes së infeksionit midis tyre.

Kjo do të thotë që ju të merrni masa paraprake në bazë të faktit se të gjithë, përfshirë edhe veten tuaj, mund të jenv infektuar.
Që nga prezantimi i “masave paraprake universale” në përgjigje të pandemisë së SIDA-s, kjo përgjigje ka qenë aq e suksesshme sa që “masat paraprake universale” tani quhen “masa paraprake standarde”.

Cilat janë “Masat paraprake universale” për punëtorët e seksit kundër COVID-19?

Masat paraprake universale që ishin të suksesshme për punëtorët e seksit kundër HIV dhe që vazhdojnë të jenë efektive për punonjësit e seksit në parandalimin e transmetimit të HIV dhe sëmundjeve të tjera seksualisht të transmetueshme dhe viruseve të lindura nga gjaku janë:

· Përdorimi universal i mbrojtjes gjatë seksit.
· Edukimi nga kolegët më në moshë.

Me rritjen e numrit të infeksioneve COVID-19, këshillat do t’ju jepen dhe për “distancim shoqëror”. Vetë-izolimi në sgtëpi tashmë këshillohet nëse keni shenja (kollë, rrufë, dhimbje fyti, temperaturë e lartë, vështirësi në frymëmarrje) të COVID.
Distancimi shoqëror do të thotë të ndaheni sa më shumë nga njerëzit e tjerë kur të jeni në vende publike dhe të shmangni vendet e mbushura me njerëz.

Praktikisht, ju duhet:
· Përpiquni të mbani një distancë prej 1.5 deri 2 metrash mes vetes dhe të tjerëve
· Shmangni turmat dhe tubimet masive aty ku është e vështirë të mbash distancën e duhur larg nga të tjerët
· Shmangni tubimet e vogla në hapësira të mbyllura, për shembull festimet familjare
· Shmangni shtrëngimin e duarve, përqafimet ose puthjen e njerëzve të tjerë
· Shmangni vizitat ndaj personave të rrezikuar, siç janë ata në institucionet e kujdesit për të moshuarit ose spitalet, foshnjat, ose njerëzit me sistem imuniteti të kompromentuar për shkak të sëmundjes ose trajtimit mjekësor.

Distanca sociale është një masë efektive, por pranohet se nuk mund të praktikohet në të gjitha situatat dhe qëllimi është të zvogëlojë potencialin për transmetim.

Deri tani është këshilla jonë më e mirë:
Lani duart tuaja në mënyrë të shpeshtë
Lani ose pastroni duart sa më shpesh të jetë e mundur

Lani duart tuaja me sapun dhe ujë për të paktën 20 sekonda, ose me një pastrues me bazë alkooli,
· Para dhe pas ngrënies,
· Pasi të shkoni në tualet dhe
· Pas kollitjes ose teshtitjes.
· Pasi të keni vënë duart në objekte, qofshin ato dollapë, çelësat e dyerve apo klientët
dhe
· Mos hani me duar
· Nëse keni nevojë të prekni fytyrën tuaj, lani duart para se të prekni fytyrën

Gjate punes:
· Kërkojuni të gjithë klientëve që të lahen dhe të lahen pas mbërritjes dhe të bëjnë të njëjtën gjë vetë para dhe pas një rezervimi
· Mos lejoni që duart e klientëve të prekin fytyrën tuaj, ose të hyjnë brenda ose afër gojës tuaj dhe mos prekni fytyrën e tyre, mos vendosni duart ose gishtat në gojën ose afër gojës së tyre dhe shmangni prekjen e fytyrës tuaj, veçanërisht hundës, gojës dhe syve me duart e tua në çdo kohë. Mos harroni të lani vendin tuaj të punës dhe pajisjet.