Tabu.al është blogu i parë i cili fokusohet te tema rreth seksit në Shqipëri. Me një prezencë të madhe në rrjete sociale, tabu herë pas here sjell në vëmendje tema mbi të cilat shumë të rinj e të reja kanë ende frikë e “turp” të flasin.
Këtë herë ndjekësit e Tabu folën për herën e tyre të parë, dhe nga përgjigjet e shumta, mundemi lehtësisht të kuptojmë se tabuja e ngritur rreth temave të seksit, po vështirëson jo vetëm jetën e qindra të rinjve, por në disa raste po lë dhe trauma që mund t’i ndjekin ata tërë jetën.
Hera e parë, traumatike për shumë
Nga dhjetëra përgjigje mbi përjetimet dhe kujtimet e ndjekësve të Tabu mbi herën e parë, bien në sy përgjigje të shumë vajzave që e përshkruajnë me detaje të frikshme eksperiencën e tyre të parë seksuale.
Dhimbje, gjakderdhje, frikë dhe detaje aspak të këndshme, përmenden nga shumica e ndjekësve.
Edhe pse nuk jemi askush që të komentojmë eksperiencat seksuale të të rinjve e të rejave shqiptare, ajo që bie rëndom në sy, është mungesa e informacionit që shumë djem e vajza kanë përpara se të fillojnë jetën e tyre seksuale. Mungesa e informacionit, të mos-folurit rreth seksit, duke shtuar dhe influencimin nga imazhet e rreme e jo tërësisht reale të pornografisë, kanë krijuar këto përjetime.
Tabusë rreth seksit, i mbivendoset dhe koncepti i gabuar dhe i prapambetur që shumica e shoqërisë tonë ka ende për virgjërinë.
Po sjellim në vijim disa prej tyre, dhe informacionin e duhur mbi herën tuaj të parë.
Mbetet tepër e rëndësishme luftimi i tabuve të tilla si ajo rreth seksit, të cilat mund të shkaktojnë të tilla situata traumatizuese për individët që i përjetojnë ato, dhe për qindra adoleshentë të tjerë që dëgjojnë të tilla histori.
Për më shumë video informuese, ndiqni Tabu.al dhe mos harroni, nuk është tabu të flasësh për seksin!
You may also like
