Punëtorët e ndërtimit në vendin tonë vijojnë të përballen me kushte të vështira të punës, e si pasojë të lënë jetën e tyre në pallate që po ndërtohen në Tiranë!
Një ditë më parë, të mërkurën, një 35 vjeçar ka humbur jetën pasi është rrëzuar nga skela, në mungesë të kushteve të punës.
Ngjarja e rëndë ka ndodhur në rrugën “3 dëshmorët” ndërsa policia njofton arrestimin e 2 personave për këtë ngjarje të rëndë.
“Arrestohet në flagrancë inxhinieri i një firme ndërtimi dhe procedohet penalisht administratori i firmës nënkontraktore, pasi shkelën rregullat e mbrojtjes në punë.
Nga specialistët për Hetimin e Krimit në Komisariatin e Policisë Nr. 6 u bë arrestimi në flagrancë, për veprën penale “Shkelja e rregullave të mbrojtjes në punë”, i shtetasit R. P. inxhinieri i firmës ndërtuese (personi përgjegjës për sigurinë e punëtorëve në punë), pasi ditën e djeshme, në rrugën “3 Dëshmorët”, në një pallat në ndërtim, ka rënë nga lartësia shtetasi A. K. 35 vjeç, i cili ka ndërruar jetë gjatë rrugës për në spital. Në vijim të veprimeve u procedua penalisht shtetasi E. K., administratori i firmës nënkontraktore” njofton policia e Tiranës sot!
Dhjetëra punëtorë kanë humbur jetën vitet e fundit në vendin tonë, ndërsa aktivistë të Shoqërisë Civile disa herë kanë ngritur zërin për kushtet e punës të punëtorëve të ndërtimit/ HistoriaIme
Trending Now
Hipokrizia e 8 Marsit
8 Marsi: Historia e vërtetë
You may also like
Historiaime.al është një zë i pavarur në mbrojtje të të drejtave të njeriut. Ne raportojmë si për shkeljet e të drejtave të njeriut ashtu edhe për histori njerëzore që i promovojnë këto të drejta. Ky projekt synon të ndryshojë qëndrimet jo fort etike karshi të drejtave të njeriut nga ana e medias kombëtare si ajo e shkruar, ashtu edhe ajo vizive dhe media e re online.