Qeveria Hungareze nis përndjekjen ndaj të pastrehëve

Të paktën tre persona të pastrehë u arrestuan javën e kaluar në Hungari, pas miratimit të një ligji të ri, i kundërshtuar gjerësisht, i cili e konsideron si aktivitet kriminal gjumin në ambjente publike.

Ligji hyri në fuqi më 15 tetor pas një amendamenti kushtetues të miratuar në qershor. Policia tani duhet të urdhërojë njerëzit e pastrehë të hyjnë në strehat publike dhe mund t’i arrestojnë ata nëse refuzojnë të bëjnë një gjë të tillë. Dënimet përfshijnë burgosje, shërbime në komunitet dhe shkatërrimin e sendeve në pronësi të së pastrehëve.

Arrestimi i parë u bë të martën e kaluar, vetëm një ditë pasi ligji hyri në fuqi. I arrestuari i pastrehë, një ish-inxhinier që humbi para disa vitesh shtëpinë e tij, doli në gjyq të mërkurën. Avokati i tij argumentoi se ai ishte i njohur në këtë zonë nga banorët dhe se ai nuk dëshironte të shkonte në një strehë pas grindjeve të shpeshta dhe përleshjeve fizike që ndodhin aty mes të pastrehëve. Ai u lirua me një paralajmërim, ndërsa prokurorët publikë kishin kërkuar 30 ditë burgim. Të tilla arrestime janë shtuar ditët e fundit ndërsa janë të shumta grupet e të drejtave të njeriut dhe qytetarë, që e konsiderojnë ligjin si të padrejtë dhe një skandal të rradhës së qeverisë populiste të Viktor Orban./k.j

Burimi: euronews