Këshilli i Evropës dhe Bashkimi Evropian mbështesin Shqipërinë në Luftën kundër Korrupsionit dhe Krimit Ekonomik

Shqipëria kontribuon aktivisht në organet monitoruese të Këshillit të Evropës, përfshirë Grupin e Shteteve kundër Korrupsionit (GRECO) dhe Komitetin e Ekspertëve mbi Vlerësimin e Masave kundër Pastrimit të Parave dhe Financimit të Terrorizmit (MONEYVAL), përsa i përket luftës kundër krimit ekonomik, korrupsionit, pastrimit të parave dhe financimit të terrorizmit.

Konferenca e titulluar “Luftojmë Korrupsionin dhe Krimin Ekonomik” diskutoi progresin e bërë dhe sfidat në bashkëpunimin e vazhdueshëm midis Shqipërisë dhe GRECO-s dhe MONEYVAL-it. E mbajtur në Fakultetin e Drejtësisë (Universiteti i Tiranës) në Tiranë, konferenca mblodhi përfaqësues të organizatave ndërkombëtare, trupit dipolomatik, institucioneve publike, universiteteve, shoqërisë civile, sektorit privat dhe medias.

Kreu i Departamentit të ‘Shtetit të së Drejtës dhe Qeverisjes së Mirë’ në Delegacionin’ e BE-së në Shqipëri, Lenka Vitkova, theksoi rëndësinë e luftës kundër krimit ekonomik dhe pastrimit të parave në procesin e konsolidimit të shtetit ligjor dhe reformave në kuadër të integrimit evropian.

Pjesmarrësit u përshëndetën nga Ambasadorja Franceze në Shqipëri Christina Vasak dhe Kreu i Zyrës së Këshillit të Evropës në Tiranë Jutta Gützkow. Gützkow tregoi për zbatimin e Veprimit kundër Krimit Ekonomik, si pjesë e programit “Instrumenti Horizontal për Ballkanin Perëndimor dhe Turqinë 2019-2022” ku Këshilli i Evropës dhe BE-ja luajnë një rol të rëndësishëm duke ndihmuar Shqipërinë në luftën kundër krimit ekonomik dhe pastrimit të parave.

Në këtë kuadër, Këshilli i Evropës gjithmonë ka ndjekur një qasje multidisiplinare tre-dimensionale, duke përcaktuar standardet evropiane bazuar në konventat ndërkombëtar dhe instrumenta të tjerë legalë, duke monitoruar përputhshmërinë e vendit me këto standarte nëpërmjet bashkëpunimit me GRECO-n dhe MONEYVAL-in, si dhe duke zbatuar programe bashkëpunimi për ngritjen e kapaciteteve.

Zëvendës Ministrija e Drejtësisë, Fjoralba Caka, foli rreth kontributit të Shqipërisë për GRECO-n dhe MONEYVAL-in, në marrjen e masave të rëndësishme në luftën kundër krimit ekonomik, korrupsioni dhe pastrimit të parave.

Ky aktivitet, organizuar nga Zyra e Këshillit të Evropës në Tiranë, në bashkëpunim me Ambasadën Franceze në Shqipëri, në kuadër të Kyesisë Franceze të Komitetit të Ministrave të Këshillit të Evropës, si dhe në partneritet me Ministrinë e Drejtësisë dhe Zyrën e Kryeministrit, shënoi 70-vjetorin e Këshillit të Evropës dhe vjen në kuadër të diskutimeve tematike organizuar në qytete të ndryshme, duke u fokusuar në fushat kyçe të punës së Organizatës./ coe shqip