Ditën e djeshme u mbajtë zgjedhje në dy vende të Bashkimit Evropian, të cilat kohët e fundit kanë qenë në qendër të debatit të përgjithshëm mbi reformimin e Unionit dhe të dy këto vende janë kritikuar për mospërmbushjen e standardeve demokratike dhe rrezikun e politikave populiste të ndërmarra nga qeveritë përkatëse.
Forcimi i euroskeptikëve në Poloni
Sondazhet e para nga zgjedhjet parlamentare të së dielës nxorrën në avantazh partinë ultra-konservatore Ligj dhe Drejtësi (PiS).
Partia qeverisëse është projektuar të fitojë zgjedhjet me 45.8% të votave, sipas rezultateve të pjesshme zyrtare të llogaritura në bazë të 72% të zonave elektorale të publikuara herët të hënën, me më shumë që priten të numërohen në orët në vazhdim.
Grupi më i madh i opozitës në Poloni Koalicioni Qytetar shihet duke dalë i dyti me 22.3% të mbështetjes popullore.
Një grupim i partive më të vogla të majta renditen në vendin e tretë me 10.9%.
Ekspertët thanë se fitorja e lehtë për PiS do të forcojë më tej rrëshqitjen e Polonisë drejt konservatorizmit dhe do të thellojë përçarjet e saj me BE.
Fitorja e opozitës hungareze në Budapest, disfatë për Orban
Opozita e Hungarisë shënoi fitoren e saj më të madhe zgjedhore në një dekadë të dielën, kur sfiduesi i presidentit Orban, Gergely Karacsony mposhti rivalin e tij në zgjedhjet për kryetar bashkie të Budapestit.
Me numërimin e 81,6% të votave, Karacsony kishte 50.6% mbështetje krahasuar me 44.3% për kundërshtarin e tij nga partia Fidesz, duke e vendosur opozitën hungareze në rrugën e duhur për fitoren e saj më të madhe politike në një dekadë.
Partitë e opozitës gjithashtu parashikohet të fitojë një shumicë në Asamblenë e Përgjithshme të Budapestit me 17 anëtarë.
Zgjedhjet e ardhshme të përgjithshme priten të mbahen në vitin 2022 dhe Orban, i cili ka qenë në pushtet që nga viti 2010, mban një shumicë të madhe në parlament.
Por zgjedhjet lokale në mbarë vendin u panë si një provë kryesore e një strategjie të opozitës për tu bashkuar pas një kandidati të vetëm kundër kandidatve të Fidesz, parti e cila ka shënuar shtatë fitore rradhazi që nga viti 2010 në nivelin kombëtar, komunal dhe evropian./kj
Burimi: Euronews
Burimi i fotos: Centre for European Reform
You may also like
Historiaime.al është një zë i pavarur në mbrojtje të të drejtave të njeriut. Ne raportojmë si për shkeljet e të drejtave të njeriut ashtu edhe për histori njerëzore që i promovojnë këto të drejta. Ky projekt synon të ndryshojë qëndrimet jo fort etike karshi të drejtave të njeriut nga ana e medias kombëtare si ajo e shkruar, ashtu edhe ajo vizive dhe media e re online.