Raporti i fundit i Sundimit të Ligjit publikuar sot më 24 Korrik 2024 nga Komisioni Evropian, na jep një panoramë të detajuar detajuar mbi gjendjen e drejtësisë, lirisë së medias, korrupsionit dhe të drejtave të njeriut në Shqipëri.
Në përgjithësi raporti thotë se në vitin 2022, koha mesatare për zgjidhjen e çështjeve civile dhe tregtare u rrit me 35%, për çështjet administrative, koha mesatare u rrit me 18%. Aktualisht, Shqipëria ka 325 gjyqtarë, por vetëm 247 prej tyre janë efektivisht në detyrë.
Raporti nënvizon se gratë përballen me sfida të konsiderueshme në sistemin gjyqësor shqiptar. Pavarësisht përparimeve në reformat e drejtësisë, ka ende mangësi në përfaqësimin dhe mbështetjen e grave në këtë sektor.
Ngrihen shqetësime të mëdha për pavarësinë e Autoritetit të Mediave Audiovizive (AMA) dhe të transmetuesit publik, Radio Televizioni Shqiptar (RTSH). Procedura për zgjedhjen e anëtarëve të bordit të AMA-së dhe RTSH-së është e politizuar, duke ndikuar negativisht në pavarësinë e tyre. Për më tepër, ligji shqiptar ofron rregulla të kufizuara për transparencën e pronësisë mediatike, duke lejuar një monopolizuar median.
Aleanca për Gazetari Etike, e krijuar nga Këshilli i Mediave Shqiptare, është një hap pozitiv, por ka ende shumë punë për të bërë për të siguruar një raportim etik dhe të drejtë mbi çështjet gjinore.
Komisioneri për Mbrojtjen nga Diskriminimi ka marrë 276 ankesa gjatë vitit 2023, shumica prej të cilave kanë të bëjnë me diskriminimin mbi bazën e racës, orientimit seksual/gjinor, ose aftësisë së kufizuar. Ndonëse Komisioneri gëzon një nivel të kënaqshëm të besimit publik dhe ndërgjegjësimit për kompetencat e tij, ai përballet me sfida të mëdha, përfshirë mungesën e burimeve njerëzore.
Raporti i Sundimit të Ligjit për 2024 tregon se Shqipëria ka bërë disa përparime në mbrojtjen e të drejtave të grave dhe të komunitetit LGBTI+, por ende mbeten sfida të mëdha. Mungesa e burimeve, transparencës dhe meritokracisë në sistemin gjyqësor, së bashku me ndikimin politik në media, janë pengesa kryesore që duhen adresuar.
Referenca: https://commission.europa.eu/document/download/0154dce1-5026-45de-8b37-e3d56eff7925_en?filename=59_1_58088_coun_chap_albania_al.pdf
Trending Now
Qeveria hungareze i vë tra marshimeve.
Si NUK bëhet një vajzë për vete?
You may also like
Historiaime.al është një zë i pavarur në mbrojtje të të drejtave të njeriut. Ne raportojmë si për shkeljet e të drejtave të njeriut ashtu edhe për histori njerëzore që i promovojnë këto të drejta. Ky projekt synon të ndryshojë qëndrimet jo fort etike karshi të drejtave të njeriut nga ana e medias kombëtare si ajo e shkruar, ashtu edhe ajo vizive dhe media e re online.