Fiori, një shitëse lulesh, në një vend të vogël turistik, krijon një ndjenjë
të veçantë me Eran, punonjëse librarie që ka ardhur të kaloj disa ditë pushimi,
e ndalon krejt rastësisht në dyqani i saj. Miqësia e tyre rritet, kur Fiori e
ndihmon të zbulojë bukuritë e rivierës.
Kjo është fabula e ‘’Aroma e Trëndafilit Të Kuq’’, filmit romancë/ dramë nga
Aurel Naqi që ka hyrë në garën e festivaleve ndërkombëtare. Regjizori thotë se
ata kanë disa kualifikime të rëndësishme që do të bëhen publike në vazhdim nga
festivalet, sipas rregullit të tyre, dhe në një prej festivaleve jemi zgjedhur
finalist, dhe kandidojmë për çmim. Nuk dihet nga festivalet e tjera çdo të
ndodhë, disa i mbajnë sekrete kandidatët, gjer në natën e finales, e disa të
tjerë i bëjnë publike.
Naqi shprehet i vlerësuar për punën e bërë dhe që energjia e hedhur në
bërjen e një filmi po merr vëmendjen duhur.
Kur e pyetëm se:’’Si u prit filmi nga publiku?’’, pohon se pjesa e madhe
janë femra, të cilat më shkruajnë për të mësuar më shumë për rrugëtimin e
filmit deri në këtë pikë. Dhe po, ka kërkesë nga publiku shqiptar për ta parë
filmin në ekranet e kinemave. Por filmi do të shfaqet dhe në Shqipëri, pas
përfundimit të ciklit të festivaleve, gjer atëherë, do ti përjetojmë emocionet
e garës së bashku!
– Sipas jush, çfarë roli luan ky film në perceptimin e publikut për
komunitetin LGBT+?
Aurel Naqi: Nuk e di, se çmendon publiku për komunitetin LGBTQ, por di që
arti i ka portat e hapura për ç’do lloj teme, dhe bukuria e saj është
larmishmëria. Puna ime si regjisor është të sjell në ekran atë që njerëzit
shohin në botën e përditshme, dhe ky film është reflektim i asaj që ndodh rreth
nesh në një mënyrë apo tjetër.
Regjizori gjithashtu thotë se është krenar që filmi shqiptar po prek
festivale të njohura, dhe tashmë ka ardhur koha që ne regjisorët e rinj, të
sjellim për publikun tonë atë që iu servir Netflix nga kinematografitë e huaja.
Ne kemi mundësi të prekim tema të ndryshme, dhe ti kalojmë barrierat e
mentalitetit shoqëror që shpesh bëhet pengesë për artin. Më pëlqen të sjell
diçka ndryshe për publikun, si në letërsi ashtu dhe në kinematografi.
Një trajler të filmit mund ta shihni këtu:
Mbi autorin: Aurel Naqi u lind në qytetin e Korçës më 23 Qershor 1985. Eshtë
autor i tre librave, një me prozë “ Në krahët e mbrëmjes fshihet puthja” dhe
vëllimet me poezi “ Tango e Natës” dhe “ Në Buzët e një gruaje. Autor i tre
teksteve të këngëve: ‘’Takim i Fundit, Sytë që len pas kujtime’’, dhe ‘’Të dua
ashtu siç je’’.
Pas largimit në shtetet e bashkuara ka punuar si asistent producent në
filmin dokumentar historik Amerikan “ Who killed Hazel Drew”, është skenarist
dhe regjisor i tre filmave me metrazh të shkurtër në zhanre të ndryshme
artistike ‘’Your Turn, Last kiss’’ dhe së fundmi “Aroma e Trëndafilit të
Kuq’’
Ne jemi krenarë që kinematografia dhe kineastët shqiptarë po shkojnë përtej
kufinjve, me një përfaqësi të denjë edhe për artin shqiptar.
- Advertisement -
Read Next
