Në atë që mund të konsiderohet si një ndër vendimet më historike në diplomacinë në Ballkan që prej fundit të luftës në Bosnje, konflikti i hidhur, i shtrirë ndër dekada, më në fund mori fund të premten e kaluar. Pas 27 vitesh të mosbesimit nga të dyja palët, një marrëveshje për emrin është arritur midis Athinës dhe Shkupit.
Sipas marrëveshjes Maqedonia nuk do të përdori më emrin “Republika e Maqedonisë” , një emër ky që u vetëzgjodh nga ky vend pas shpalljes së pavarësisë nga Jugosllavia në 1991. Tanimë emri i ri është “Republika e Maqedonisë Veriore”. Pas muajsh të tërë proteste në rrugë dhe debati të nxehtë në të dyja shtetet, emri u miratua në konsensus, duke tejkaluar konfliktet ditën e premte në Athinë, ku u votua vendimi me 153 vota pro në parlamentin grek me 300 vende.
Ky vendim është i rëndësishëm pasi Greqia, një vend anëtar në NATO dhe BE, e ka bllokuar anëtarësimin e Shkupit në NATO si dhe ka ngadalësuar negociatat me BE derisa u zgjidh konflikti mbi emrin. Pas kësaj marrëveshje, Greqia do të heqi kundërshtimet për ti hapur rrugën shtetit fqinj në integrimin në BE.
Ky vendim i ka dhënë fund klimës së ashpër midis dy vendeve fqinje pas dekadash të një retorike nacionalsite në të dyja vendet. Marrëveshja u ratifikua fillimisht në Shkup./k.m/
Burimi: CNN
Trending Now
Nuk ka prova? S'ka gjë, ka gjykim!
You may also like
Historiaime.al është një zë i pavarur në mbrojtje të të drejtave të njeriut. Ne raportojmë si për shkeljet e të drejtave të njeriut ashtu edhe për histori njerëzore që i promovojnë këto të drejta. Ky projekt synon të ndryshojë qëndrimet jo fort etike karshi të drejtave të njeriut nga ana e medias kombëtare si ajo e shkruar, ashtu edhe ajo vizive dhe media e re online.