Prej 30 vitesh demorkaci, në vendin tonë kryesisht gjatë fushatave elektorale është artikuluar nga politikanë se do të propozojnë statusin e minatorit, për minatorët e vendit.
Edhe pse është kërkuar fort nga minatorët, një gjë e tillë kurrë nuk është bërë konkrete.
Të hënën e 23 nëntorit nga qyteti i Bulqizës, Sindikata e Minatorëve të Bashkuar të Buqizës, ka nisur një peticion drejtuar kuvendit të Shqipërisë ku kërkojnë statusin e minatorit.
Njoftimi i SBMB
SHPALLIM NISJEN E PETICIONIT PËR STATUSIN E MINATORIT
Të dashur minatorë dhe ish-minatorë, të Bulqizës dhe gjithë Shqipërisë.
Statusi i Minatorit ka qenë prej vitesh një nga kërkesat tona kryesore, si profesioni më i vështirë dhe më i rrezikshëm.
Për 30 vite jemi zvarritur e mashtruar nga partitë dhe sindikatat e vjetra. Na kanë premtuar vetëm për vota dhe interesat e tyre, por përpjekja për Statusin nuk ka ardhur kurrë nga vetë minatorët.
Pas shumë diskutimesh me minatorë dhe ish-minatorë, me qytetarë dhe dashamirës, kemi vendosur që bashkërisht të nisim një peticion drejtuar Parlamentit dhe Qeverisë për miratimin e Statusit.
Firmosja e peticionit do të nisë nesër në orën 10:00, në qendër të Bulqizës, ndërsa ditëve në vazhdim edhe në qytete të tjera.
U bëjmë thirrje gjithë minatorëve dhe qytetarëve që t’na mbështesin. Statusi nuk është vetëm në interes të minatorëve, por edhe të familjeve të tyre dhe gjithë shoqërisë.
Vetëm të bashkuar mund të arrijmë miratimin e tij!/ HistoriaIme
