/l.k./
Njihuni me Rain Dove- modelen që e gjeni të veshur herë si djalë e herë si vajzë nëpër pasarelat e modës.
Por më përpara Rain nuk ka qenë aq komode me veten saç është sot kur sfilon në pasarela. Ajo e perceptonte veten si një grua të shëmtuar. Me kalimin e kohës ambiguiteti në pamjen e saj të jashmte u kthye në diçka normale për modelen. Në jo pak raste njerëzit e ngatërrrojnë Rain për djalë, por kjo e fundit nuk i korrigjon ata. Përkundrazi, Rain mori shumë avantazhe për këto keqkuptime në lidhje me identitetin e saj gjinor.
“Kur punoja si zjarrfikëse shumica mendonin se isha djalë dhe unë nuk korrigjoja njeri pasi më duhej ajo punë dhe thjesht isha e pashpresë mes katër rrugëve të Kolorados”, shprehet ajo.
“Kështuqë e përdora këtë ambiguitet të pamjes sime të jashtme në avantazhin tim duke gjetur një shumëllojshmëri punësh duke filluar nga kujdestare fëmijësh deri në ndërtimtari”
Por ku është sot? Tanimë Rain Dove është një aktiviste, duke ndjekur ëndrrën e aktrimit dhe është modelja që kthen kokat e të gjithëve nëpër pasarela mode kur sfilon herë e veshur si vajzë dhe herë e veshur si djalë. “Ne të gjithë po luftojmë të jemi unik dhe gjëja më unike është të qenurit vetvetja” shprehet Rain për Buzzfeed.
“Identiteti gjinor nuk ekziston, por është thjesht një konstrukt social me të cilin jo detyrimisht duhet të përputhesh. Ka njerëz që të duan dhe njerëz që do të të duan. Ka njerëz që të pranojnë dhe unë jam një prej tyre fatmirësisht”./k.m/
Burimi: Bored Panda
Kei, një nga vajzat lesbike të këtij edicioni të Big Brother, edhe pse nuk është më pjesë e garës do të mbetet një nga lojtarët më të spikatur. Në një intervistë për Panorama, Kei shpjegon arsyen pse vendosi të marrë pjesë në garë dhe jetën e saj jashtë atij reality show.
Prej vitesh Kei është aktiviste e lëvizjes LGBTI në Shqipëri dhe shpjegon se kjo e ka nxitur të marrë pjesë në garë. “Hyrja ime në “Big Brother” është pjesë e angazhimit tim në aktivizimin për të drejtat e personave LGBTI dhe rritjen e vëmendjes karshi çështjes në fjalë. Ambicia ime kryesore është të jetoj e sinqertë dhe e vërtetë me veten dhe të tjerët dhe t’i lejoj vetes gjithashtu të shijoj të mirat dhe të këqijat e kësaj jete deri në fund”, është shprehur për gazetën Panorama.
Jeta e personave LGBTI në Shqipëri është mjaft e vështirë, sipas studimeve 76% e komunitetit LGBTI përjetojnë dhunë psikologjike nga familja, shoqëria apo kolegët e punës. Kjo është theksuar edhe nga Kei, e cila thotë se pavarësisht se ajo vet është mbështetur nga familja, “jeta e personave LGBTI është në mënyrë konstante e mbushur me privime dhe përjashtim, për këtë arsye unë u jam bashkuar kolegëve të tjerë të mi në mbrojtje të kësaj kauze për të ndihmuar që njerëz si ne të mund të jetojnë më mirë, me dinjitet dhe të lirë”.
Kei, me profesion punonjëse sociale, tha se deklarata në televizion mbi orientimin e saj seksual nuk ka sjellë asnjë ndryshim për të. “Siç kam thënë edhe më parë gjatë gjithë jetës sime jam shprehur hapur mbi orientimin tim seksual”, ka përfunduar Kei për Panorama. /m.g/
Shkrimi i plotë: panorama.com.al
Vjen nga Italia goditja e madhe për call center, 13 kompani të mëdha italiane nuk do të sjellin më punë në Shqipëri. Ato janë angazhuar me qeverinë italiane, që 80% të kontratave të reja t’i japin tek të tretët në Itali, pasi kanë firmosur sot një protokoll mirëkuptimi me kryeministrin italian Paolo Gentiloni dhe ministrin e zhvillimit ekonomik Carlo Calenda.
Eni, Enel, Sky, Mediaset, Tim, Vodafone, Wind Tre, Fastëeb, Intesa SanPaolo, Unicredit, Poste Italiane, Ntv, Trenitalia do të tërhiqen nga call centerat Shqiptar.
“Marrëveshja parashikon që 95% e aktiviteteve që kryhen direkt të kalojnë në Itali brenda gjashtë muajve nga nënshkrimi dhe në kontratat e të reja, të paktën 80% e vëllimeve outsourcing të kryhen në territorin italian”, raporton Il Sole 24 ore.
Po çfarë do të ndodhë tani në sektorin e call center në Shqipëri, aktiviteti i të cilit është ngushtësisht i lidhur me kontratat që u sjellin operatorët italianë dhe që ka rreth 25 mijë të punësuar?
Aktualisht situata mbetet e paqartë, operatorët që operojnë në Shqipëri janë në pritje të asaj çfarë do t’u thonë kontraktorët e tyre, raporton Monitor. 20% e shërbimeve që mund të transferohet, vlerësohet se do shkojë drejt Rumanisë, jo në Shqipëri.
Operatorët e mëdhenj mësohet se kanë regjistruar kompani në Rumani, që prej dhjetorit kur parlamenti italian kaloi ligjin me masat shtrënguese. Duke qenë brenda BE-së, Rumania është një opsion i mirë për t’ju shmangur kufizimeve dhe masave shtrënguese.
Në total, në sektor në Shqipëri ka rreth 800 kompani, me rreth 25 mijë të punësuar, sipas të dhënave zyrtare. Por, të dhënat e punëdhënësve më të mëdhenj tregojnë se janë 6-7 kompani kryesore, që kanë së bashku rreth 10 mijë të punësuar.
Sipërmarrjet e mëdha vlerësohet se do të arrijnë t’i bëjnë ballë presionit italian dhe do të diversifikohen drejt shërbimeve të tjera si Arb marketing apo Forex, ndërsa kompanitë e vogla mund të përballen me shumë vështirësi.
/l.k./
Tirana do të shndërrohet në pesë ditët e ardhshme në kryeqendrën e artit të Mesdheut. Rreth 230 artistë nga Mesdheu kanë sjellë në Tiranë veprat e tyre pjesëmarrëse në edicionin e 18 të Bienales së Artistëve të Rinj “Mediterrane 18”.
Bienalja e Artistëve të Rinj të Mesdheut ka mbledhur në Tiranë pjesëmarrës që kanë nisur të realizojnë performancat e tyre artistike në pika të ndryshme të kryeqytetit. Sheshin “Nënë Tereza” bashkia e Tiranës e ka kthyer në një tapet gjigant me motive tradicionale shqiptare.
Porta e parë që priti artistët për performancat ishte Bunk’Art 2, ku presidenti kuratorial i departamentit të Bienales, Pietro della Giustina prezantoi artistët me performancat që krijojnë dhe një lidhje emocionale me vetë muzeun. Ministrja e Kulturës, Mirela Kumbaro u shpreh në ceremoninë e çeljes së Bienales se ardhja e artistëve nga vendet e Mesdheut tregon se është tamam koha për kulturë.
Bienalja e Mesdheut do të vijojë deri në datën 9 maj, që është edhe dita e Evropës dhe artistët do të performojnë në shumë pika kryesore të kryeqytetit shqiptar./m.g/
Burimi: ATSH
Kjo platformë i lejon përdoruesit e saj të aksesojnë internetin pa u detyruar të plotësojnë formularë online në lidhje me identitetin e tyre gjinor. Kjo u bë e mundur nga organizatorët e paradës gej të Kopenhagen, të cilët shprehen se është pa sens t’iu përgjigjesh këtyre pyetjeve kur regjistrohesh dhe “lundron” në faqe të ndryshme të internetit.
Pyetjet mund të jenë të vështira për t’iu dhënë një përgjigje për ata që kanë ndryshuar gjini ose ata të cilët nuk identifikohen me ndarjen klasike mashkull – femër të identitetit gjinor.
Parada e Kopenhagen e lançoi këtë platformë nëpërmjet një videoje që demonstron panevojshmërinë për përcaktimin arbitrar të gjinisë dhe identitetit gjinor. Organizata thekson se në vitin 2016, pas shumë vitesh përpjekje qeveria daneze më në fund ndaloi së klasifikuari njerëzit transgjinorë si të sëmurë mendorë.
“Ditët e sotme identiteti gjinor është një terren mjaft fleksibël dhe shumë njerëz nuk ndihen të identifikuar me normat klasike të ndarjes në dikotominë grua-burrë” shprehen aktivistët e paradës së Kopenhagenit në një deklaratën për shtyp.
Gjithashtu u citua dhe një anketim i realizuar nga National Geographic ku rezultatet treguan se 50% janë të mendimit se identiteti gjinor duhet para si një spektër plot diversitet dhe jo ndarje dualiste.
Platforma “Gender Free Internet” është e aksesueshme në linkun e mëposhtëm, e lejueshme në browser-in Chrome. /k.m/
http://www.genderfreeinternet.com/
Burimi: Pink News
Avokati i Popullit, Igli Totozani i ka dërguar një rekomandim Kryetarit të KQZ-së Denar Biba, ku kërkohet shpallja e pavlefshmërisë absolute për vendimin e KQZ-së që i detyron mediat të transmetojnë “materialet e vëna në dispozicion nga subjektet zgjedhore gjatë fushatës”.
Sipas Avokatit të Popullit, ky vendim përbën ndërhyrje të qartë të KQZ-së në lirinë e shprehjes së medias që garantohet me kushtetutë.
“Ndërhyrja e shtetit përmes vendimmarrjes së KQZ-së cenon hapur lirisë e shprehjes, në kundërshtim të dukshëm edhe me dispozitat e Kushtetutës së Republikës së Shqipërisë. Ky kontroll i partive politike mbi politikat editoriale, ndonjëherë madje i kamufluar nën petkun e lirisë dhe të drejtave të drejtorit të programit zgjedhor për të zgjedhur të ftuarin në program, çoi në mungesën e zërave dhe mendimeve që mund të konsideroheshin si kritike, apo të pavolitshme për preferencën politike të një kanali të caktuar televiziv”, thuhet në deklaratën e Avokatit të Popullit.
Totozani: Votimi i këtij akti është i pavlefshëm
Votimi për këtë akt është ezauruar nga 4 anëtarë të KQZ, kjo për shkak të dorëheqjes së dhënë nga tre anëtarët e tjerë në kohën e nxjerrjes së këtij akti. Totozani thotë se edhe pse 4 anëtarët janë shprehur “pro”, nuk është plotësuar dhe respektuar proceduralisht kuorumi i nevojshëm prej 5 anëtarësh votues dhe miratues të aktit, siç përcaktohet në gërmën “d”, të pikës 1, të nenit 24, të Kodit Zgjedhor, të Republikës së Shqipërisë”.
Përpos trajtimit ligjor të pavlefshmërisë absolute së këtij akti administrativ, duhet të kuptojmë se, në rast se liria e shprehjes zhvishet nga e vërteta dhe thelbi informues, atëherë ajo diskreditohet në sytë e publikut dhe roli i saj publik, i dëshiruar nga të gjithë asnjanësohet”- thuhet më tej në deklaratën e Avokatit të Popullit.
Kuvendi i Shqipërisë mbylli sot punimet për këtë legjislaturë, duke lënë në harresë votimin e projekt ligjit “Për Strehimin Social”.
Aktivistët Rom dhe Egjiptian nëpërmjet kësaj videoje i kërkuan sot Parlamentit të miratojë këtë ligj, që do tu vinte në ndihmë rreth 70.000 familjeve shqiptare që kanë nevojë për strehim, veçanërisht personave në vështirësi ekonomike.
Projektligji i ri është dorëzuar në Parlament në muajin Prill, por deputetët, të zënë me krizat dhe debatet e tyre, dënuan mijëra familje shqiptare me kërcënimin e jetesës në rrugë edhe për një tjetër vit.
Çfarë parashikon projektligji “Për Strehimin Social”:
Por me mbylljen e kësaj legjistlature, gjithë efektet pozitive të këtij ligji do të shtyhen për të paktën një vit.
/l.k./
Një ditë më parë Gjykata Administrative e Shkallës së Parë vendosi të ndalojë ndërtimin e hidrocentralit mbi lumin Vjosë, por Ministria e Energjisë do e ankimojë këtë çështje në Shkallën e Dytë, për të kërkuar ndërtimin e tij.
Burime nga ky institucion kanë thënë për TV Klan se nuk janë të kënaqur me vendimin dhe se sipas tyre gjykata nuk ka shfuqizuar asnjë procedurë të kësaj ministrie, por ka shfuqizuar vetëm dhënien e lejes mjedisore që është kompetencë e Ministrisë së Mjedisit.
Por shfuqizimi i lejes mjedisore bën rrjedhimisht të pavlefshëm aktet administrative të Ministrisë së Energjitikës, si edhe vetë kontratën koncensionare të lidhur mes qeverisë shqitare dhe kompanisë turke KOVLU ENERGJI.
Gjykata pranoi dje padinë e banorëve dhe organizatave që mbështetej në këto pika:
Tenderi i dyshimitë: Dëm i parekuperueshëm mjedisor ose përballje me arbitrazhin
Historia e shumëdebatuar e dhënies së tenderit për këtë projekt nis nga premtimi i Kryeministrit Rama gjatë fushatës elektorale për shpalljen e Vjosës Park Kombëtar dhe ndalimin e zhvillimit të hidroenergjisë.
Por në prill të vitit 2016 firma turke KOVLU ENERGJI fitoi tenderin për ndërtimin e hidrocentralit të Poçemit, ku ishte e vetmja pjesëmarrëse. Një vit më parë Këshilli i Ministrave i kishte dhënë kësaj kompanie një bono prek 8% për këtë projekt, sipas formulës së “ofertës së pakërkuar”.
Por tani, pas shpalljes së paligjshme nga gjykata, qeveria duket se i trembet kërcënimit nga një Arbitrazh me firmën turke duke u detyruar që të kërkojë ndërtimin e HEC-it në të gjitha hallkat e gjyqësorit.
Burime për Televizionin Klan thanë se ende nuk kanë marrë një njoftim nëse shoqëria do t’i drejtohet Gjykatës Ndërkombëtare të Arbitrazhit, por ata mund të kërkojnë fitimin e munguar nga vepra dhe dëmshpërblim për shpenzimet që kanë bërë deri më sot për projektin.
/l.k./
Edhe pse një pjesë e mirë e kopshteve publike në Tiranë i janë nënshtruar rikonstruksionit të plotë apo të pjesshëm, ka midis tyre, si në rastin e kopshtit 34, që janë komplet jashtë standardeve. Veç hapësirave të kufizuara për shkak të një konflikti pronësie, muret e tij janë me myk dhe lagështirë, shqetësues është edhe forma e ngrohjes së kopshtit, me sobë drush. Sobat e druve të shqyera, të vjetruara e të ndryshkura janë dyfish problematike dhe ngrenë pikëpyetje serioze për ndikimin në shëndetin e fëmijëve. Altin Habazaj, mjek pneumolog pranë Spitalit Universitar të Traumës, ka thënë për Revistën Shëndeti se djegia e drurit formon grimca në ambient që janë shkaktarë për sëmundje pulmonare, të cilat për momentin mund të jetë akute, por me kalimin e kohës mund të kthehen në kronike.
Fëmijët flenë në një dhomë, disa me krevate marinari, me këmbë hekuri, ngjitur me njëri-tjetrin në një ambient mbytës. Edukatoret nën zë pranojnë problemet me sistemin elektrik deri në gradën ku marrin flakë telat. Tapeti shumë i konsumuar dhe po ashtu edhe mobiliet apo mjetet e pakta didaktike. Sipas tyre, ndërhyrja e vetme e bërë në këtë kopsht ka qenë në vitin 2000 nga kisha ortodokse, ku është vendosur çatia dhe është lyer ambienti i jashtëm.
Drejtoresha e këtij kopshti shprehet se çdo ditë numri i mungesave është shumë i lartë. Dhe numri më i madh i mungesave justifikohet me problemet shëndetësore. Brenda një ndërtese të tillë ku fëmijët kalojnë pjesën më të madhe të ditës, duket fat i madh të mos sëmuresh. “Na sëmuren shumë shpesh fëmijët. Sidomos ata që duhet të rrinë gjithë ditës.
Sipas nenit 4 të Konventës mbi të Drejtat e Fëmijëve, Shtetet Palë marrin masa që institucionet, shërbimet dhe qendrat që përgjigjen për kujdesin dhe mbrojtjen e fëmijëve, të veprojnë në përputhje me normat e caktuara nga autoritetet kompetente, veçanërisht në fushën e sigurisë, të shëndetit, të numrit dhe aftësive të personelit të tyre, si dhe të kontrollit të duhur. Në këtë rast mund të thuhet se institucionet përgjegjëse i kanë shkelur të drejtat ligjore të fëmijëve.
Të pyetur sesa të kënaqur janë me kushtet në të cilat kalojnë ditën fëmijët e tyre, prindërit rrudhin buzët. Ata shprehen se pamundësia ekonomike është arsyeja e vetme që i detyron që t’i sjellin fëmijët këtu. Megjithatë, ata nuk ngurrojnë që të shprehin vlerësim për punën e edukatorëve, duke dashur t’i shkarkojnë ata nga përgjegjësia e fajit.
Ndërkohë, nga ana tjetër, vetë prindërit thonë se nuk janë organizuar asnjëherë për të kërkuar llogari ndaj institucioneve përgjegjëse që të kthejnë vëmendjen te ky kopsht.
Denisa Canameti, Elena Beta
Shkrimi i plotë: Shëndeti.com.al
Gjykata Administrative e Tiranës shpalli dje vendimin kundër ndërtimit të hidrocentralit të Poçemit.
Pas një sërë protestash, aktivistët dhe qytetarët nisën një vit më parë luftën ligjore kundër ndërtimit të hidrocentraleve në lumin Vjosa. 38 banorët e fshatit Kutë të Mallakastër të mbështetur nga organizata EcoAlbania, EuroNatur dhe Riverwatch, paraqitën ankesat e tyre dhe fituan dje të parën çështje mjedisore në një gjykatë shqiptare.
Bazat e padisë kundër ngritjes së hidrocentralit të Poçemit:
Gjykata vendosi kundër Ministrisë së Energjisë dhe Industrisë e cila dha koncesionin kompanisë turke dhe Ministrisë së Mjedisit e cila ka pranuar një VNM të pavlefshme duke lëshuar deklaratën mjedisore që i hapte rrugë ndërtimit të projektit.
Sipas një koalicioni të gjerë të Organizatave Mjedisore ndërkombëtare ndërtimi i digave në Poçem dhe Kalivaç si dhe hidrocentraleve të vegjël në degët e Vjosës, do t’i jepte fund vizionit për një Park Kombëtar në rrjedhën e Vjosës.
Së fundmi disa eurodeputetë i kanë kërkuar qeverisë shqiptare të rishikojë projektet hidroenergjetike përgjatë lumit Vjosa dhe të hartojë Planet e Ndikimit në Mjedis përpara se projektet të vihen në zbatim.
Për të mbrojtur biodiversitetin e Vjosës më shumë se 200 shkencëtarë i ishin drejtuar me një letër kryeministrit për të ndalur këto projekte.
/l.k./
The European Union and its member states have officially committed to the promotion and protection of all human rights of LGBTI persons. EU Delegations and the embassies of the 28 EU Member States should therefore ideally provide support to local LGTBI organizations. Through different tools the EU official policy is to actively support LGBTI rights. These tools are described in the EU LGBTI guidelines for the EU delegations and member state embassies.
The EU LGBTI Guidelines prescribe a pro-active attitude for EU Delegations and National Embassies of EU countries regarding the promotion of LGBTI rights. There are four priority areas on which the EU Delegation and Embassies should fokus
· Decriminalisation and combating discriminatory laws and practices
· Equality and non-discrimination
· Combating LGBTI-phobic violence
· Supporting LGBTI Human Rights Defenders
Last fall, together with ILGA – Europe COC conducted a global survey on the implementation of the EU LGBTI Guidelines that support this conclusion. The research found that in some countries, there were signals that the EU Delegation and some National Embassies of EU Member States are pro-actively implementing them, in consultation with the local LGBTI organisations. In most countries however, LGBTI organisations reported that the Embassies were inactive, carried out only symbolic actions without a broader strategy or took action without consulting the LGBTI organisations, which was therefore sometimes counterproductive.
Released by the offices of Ulrike Lunacek (MEP, EP Vice-President), Tanja Fajon (MEP, Vice Chair of the S&D Group) joined by “Aleanca LGBT” and “Pro LGBT”.
Mrs. Ulrike Lunacek, Member of the European Parliament and European Parliament Vice-President (Greens/EFA, Austria) and Mrs. Tanja Fajon, Member of the European Parliament and Vice-Chair of the S&D Group and both members of the Bureau of the EP’s Intergroup on LGBTI-rights, met today in Tirana with the activists and leaders of the LGBTI movement Ms. Xheni Karaj and Mr. Kristi Pinderi.
The activists informed Lunacek and Fajon on the developments of the LGBTI movement in Albania and on the challenges that the LGBTI community is facing in the country.
Participants in this meeting shared their common concern that Albania must now achieve concrete results in combating discrimination based on sexual orientation and gender identity.
It is important for all political parties in Albania sharing European values to join forces and work together with the front-line LGBTI human rights defenders in improving the existing laws and adopting more inclusive legislation, raising public awareness towards LGBTI challenges and ensuring the sustainability of the existing services offered to the LGBTI community. It is not fair and not realistic to expect all this work to be done only by the civil society organizations and by the activists alone.
The two MEPs praised the National LGBTI Action Plan that was approved last year (2016) as “a good step forward” while they agreed with the activists that “a good plan written in the paper is not enough if it is not fully implemented”.
It is important for Albania to understand that the path towards European integration will never be completed if human rights are not fully protected.
Në 19 maj tek Pallati i Brigadave mbahet për të tretin vit rresht mbrëmja e bamirësisë “Embrace Diversity, Support Progress” – Përqafo Ndryshimin, Mbështet Përparimin. Edhe këtë vit eventi i organizuar nga Streha LGBT do të mbledhë së bashku përfaqësi të diplomacive të huaja në vend, anëtarë nga komuniteti i biznesit, shoqëria civile etj.
Streha për Personat LGBT, e vetmja e këtij lloji në Ballkan, siguron mbështetje jetike për të rinjtë LGBT, të cilët kanë vuajtur nga abuzimi dhe diskriminimi dhe i pajis ata me aftësi dhe burime për të qenë të aftë të ndërtojnë një jetë dinjitoze, si anëtarë të barabartë të shoqërisë shqiptare.
Të ardhurat e mbledhura nga kjo Gala Bamirësie një vit më parë, rreth 19.000$, u përdorën për fuqizimin e të rinjve LGBT nëpërmjet kurseve profesionale dhe shërbimeve të tjera.
Streha LGBT fton gjithë personat e interesuar për të shprehur kontributin e tyre, të marrin pjesë në event. Për biletat kontaktoni në [email protected].
Publikuar nga zyrat e Ulrike Lunacek (Anëtare/ Zv.Presidente e PE), Tanja Fajon (Anëtare e PE, Nënkryetare e grupit S&D) së bashku me Aleancën LGBT dhe Pro LGBT.
Znj. Ulrike Lunacek, deputete e Parlamentit Evropian dhe Zv. Presidente e PE (Partia e Gjelbër/ EFA Austri) dhe Znj. Tanja Fajon, anëtare e PE dhe Zv. Kryetare e Grupit S&D, të dyja anëtare të byrosë së PE-së për të drejtat LGBTI, u takuan sot në Tiranë me aktivistët dhe liderët e lëvizjes LGBTI, Znj. Xheni Karaj dhe Z. Kristi Pinderi.
Aktivistët informuan Lunacek dhe Fajon, mbi zhvillimet e lëvizjes LGBTI në Shqipëri dhe mbi sfidat me të cilat përballet ky komunitet.
Pjesëmarrësit në këtë takim ndanë shqetësimin e tyre të përbashkët se Shqipëria tani duhet të arrijë rezultate konkrete në luftën kundër diskriminimit të bazuar në orientimin seksual dhe identitetin gjinor.
Është me rëndësi për të gjitha partitë politike në Shqipëri të cilat ndajnë vlerat Evropiane, që të bashkojnë forcat dhe të punojnë së bashku me aktivistët për të drejtat LGBTI në përmirësimin e ligjeve ekzistuese dhe miratimin e një legjislacioni me gjithëpërfshirës, ngritjen e vetëdijes publike ndaj sfidave të LGBTI dhe sigurimin e qëndrueshmërisë së shërbimeve ekzistuese të ofruara për komunitetin LGBTI. Nuk është e drejtë dhe as realiste të presësh që kjo punë të bëhet vetëm nga organizatat shoqërisë civile dhe nga aktivistët.
Të dy deputetet vlerësuan Planin Kombëtar të Veprimit për LGBTI që u miratua vitin e kaluar (2016) si “një hap i mirë përpara” ndërsa ishin dakord me aktivistët se “një plan i mirë në letër nuk është i mjaftueshëm nëse nuk zbatohet plotësisht”.
Është e rëndësishme që Shqipëria të kuptojë se rruga drejt integrimit evropian nuk do të përfundojë kurrë nëse të drejtat e njeriut nuk janë plotësisht të mbrojtura.
Historiaime.al është një zë i pavarur në mbrojtje të të drejtave të njeriut. Ne raportojmë si për shkeljet e të drejtave të njeriut ashtu edhe për histori njerëzore që i promovojnë këto të drejta. Ky projekt synon të ndryshojë qëndrimet jo fort etike karshi të drejtave të njeriut nga ana e medias kombëtare si ajo e shkruar, ashtu edhe ajo vizive dhe media e re online.
