• Copyright

    <span>Copyright</span>

    © 2019 Historia Ime

April 29, 2026
Ndodhi sot  / SLIDER BALLINA  / Te Drejtat e Njeriut
Ndryshime në Kodin Civil, mediat online do të jenë të detyruara të fshijnë komentet fyese
Historia Ime Posted On 01/04/2015


Disa ndryshime në Kodin Civil, synojnë të detyrojnë mediat online të fshijnë komentet fyese dhe denigruese në portalet e tyre. Ky propozim i ardhur nga deputetja e Partisë Demokratike, Majlinda Bregu, po diskutohet në komisionin e ligjeve.

Administratorët e mediave online do të kenë detyrimin të fshijnë nga faqja e tyre të gjitha komentet fyese që cënojnë nderin, personalitetin apo reputacionin e një individi, sidomos të grave dhe vajzave. Dëmet e shkaktuara nga këto publikime do të përbëjnë dëm pasuror në cënimin e nderit, personalitetit ose reputacionit të personit, dhe do i ngarkohen administratorit të portalit.

Projektligji, përcakton mënyrat dhe masat e nevojshme që duhet të ndërmerren nga administratorët e portaleve online për fshirjen në kohë të komenteve që cënojnë nderin, personalitetin apo reputacionin e një individi.

Ndërhyrjet në legjislacionin penal propozohen në një moment kur media sociale po merr gjithnjë e më shumë terren dhe çdo artikull shoqërohet nga komente të cilat në pjesën më të madhe janë denigruese dhe fyese, duke tejkaluar normat e etikës.

Ky projektligj përafron më shumë legjislacionin shqiptar me praktikën ligjore të Gjykatës Europiane të të Drejtave të Njeriut.

/BalkanWeb


Continue Reading
0


Ndodhi sot  / SLIDER BALLINA
Rikthehet e hëna pushim, kur festat zyrtare bien në fundjavë
Historia Ime Posted On 01/04/2015


Këshilli i Ministrave vendos sërish të kthejë në fuqi vendimin që dita e hënë do të jetë pushim në rast se një festë zyrtare i bie të dielën. Këtë vendim e bëri të ditur  zëvendëskryeministri i vendit, Niko Peleshi, në një deklaratë për median.

“Në mbledhjen e sotme, Këshilli i Ministrave ka vendosur që në respekt të Kodit të Punës, të të drejtës së punonjësve si pjesë themelore e të drejtave të njeriut, kur festat zyrtare bien në ditët e pushimit javor, dita e hënë do të jetë ditë pushimi, duke shfuqizuar në këtë mënyrë, VKM nr.54, datë 3.2.2010.”

Zëvendëskryeministri ka thënë se ky vendim vjen në respekt të komuniteteve fetare, pasi shumë festa zyrtare i përkasin besimeve fetare, por edhe si një stimul i rëndësishëm për turizmin e brendshëm.

Një tjetër vendim që deklaroi ai, ka të bëjë me një projekt të qeverisë ku mendohet të ketë bonuse financiare dhe jo financiare për administratën e shkëlqyer.

“Gjithashtu dua të komunikoj edhe një projekt të qeverisë shqiptare, për të cilin po punohet me intensitet, që do të na japë mundësinë të pajisim me bonuse dhe incentiva, administratorët, nëpunësit dhe punonjësit publikë të shkëlqyer, të cilët spikasin në punën e tyre”– tha Niko Peleshi.

Ky vendim i KM hyn në fuqi duke filluar nga java e ardhshme, kur do të jetë e hëna pas pashkëve.


Continue Reading
0


Feminizmi  / SLIDER BALLINA
Keira Knightley vazhdon të flasë për feminizmin
Alba Ahmetaj Posted On 01/04/2015


Keira Knightley është kockë e fortë, kur është fjala për ndarjen e pikëpamjeve të saja mbi feminizmin në industrinë e filmit. Aktorja e talentuar duket rrezatuese në kopertinën e revistës Violet, por brenda ajo është shumë serioze. Në një intervistë me një tjetër figurë feministe mediatike, Amanda de Cadenet, Knightley qorton shoqërinë për mungesën e shkrimtareve dhe regjizoreve femra – një temë që ajo e ka trajtuar më parë me gjakftohtësi.

“Ku janë historitë e femrave? Ku janë ato? Ku janë regjizoret, ku janë shkrimtaret?” pyeti ajo në mënyrë retorike. “Është e pabalancuar, dhe duke pasur parasysh faktin që ne jemi gjysma e publikut nëpër kinema, ne jemi gjysma e njerëzve që shikojnë dramë apo çdo gjë tjetër, ku janë pra? Po, unë mendoj se paga është një gjë e madhe, por në fakt jam më shumë e shqetësuar për mungesën e dëgjimit të zërave tanë.”

Knightley ka punuar me regjizore femra; ajo ka punuar me Gurinder Chadha (Bend It Like Beckham), Lorene Scafaria (Duke kërkuar një mik për fundin e botës), dhe Lynn Shelton (Laggies). Ajo gjithashtu ka portretizuar mjaft zonja legjendare të historisë dhe letërsisë, të tilla si psikoanalistja Sabina Spielrein (Një metodë e rrezikshme), Anna Karenina, dukeshën rebele të Devonshire (Dukesha), Elizabeth Bennet (Krenari & Paragjykime), dhe Joan Clarke (Loja e imitimit).

Industria e filmit nuk është prioriteti i lartë i feminizmit, siç e pranon Knightley. “Unë nuk e di se çfarë ka ndodhur nëpër vitet 80, 90 dhe 2000 që e nxorri feminizmin jashtë loje, që e bëri atë diçka me të cilën gratë nuk duhet te identifikoheshin dhe për të cilën duhet të kishin turp. Feminizmi ka lidhje me luftën për barazinë midis sekseve, me respekt të barabartë, pagë të barabartë, dhe mundësi të barabarta. Për momentin ne jemi ende shumë larg kësaj, “tha ajo.

Marrë nga: www.refinery29.com

 


Continue Reading
0


LGBTI+  / SLIDER BALLINA
Ligji “Nuk lejohen gej-të” do të votohet në Virxhinia
Alba Ahmetaj Posted On 01/04/2015


Shteti i Virxhinias do të kalojë një ligj që do të lejojë pronarët e bizneseve anti-gej që të dëbojë personat LGBT, thjesht në bazë të seksualitetit të tyre.

Projektligji i Virxhinias thotë se kushdo që kërkon ose ka një leje biznesi nga shteti i Virxhinias, mund të refuzojë shërbimin ose hyrjen për homoseksualët, me arsyetimin se “do të shkelte bindjet fetare apo morale të këtij personi me respekt për martesat brenda të njëjtit seks apo sjelljeve homoseksuale.”

Kjo do ta bënte të ligjshme që njerëzit LGBT të mos pranohen në hotele, restorante, shkolla, spitale, dhe ndonjë godinë tjetër ku një mall apo shërbim ofrohet nga dikush që nuk e pëlqen orientimin e tyre seksual:

Dëshironi të bleni një shtrat? Provojeni që nuk po e ndani me një anëtar të të njëjtës gjini.

Dëshironi të bleni pelena por vini me partnerin tuaj të të njëjtit seks? Nuk ka pelena për ju, dhe nuk e nxini derën e këtij dyqan përsëri.

Ne nuk do ta regjistrojmë fëmijën tuaj në shkollën tonë sepse ajo ka dy mami.

Të gjitha këto skenare do të ishin krejtësisht të ligjshme nën ligjin e ri.

Projekt-ligji është udhëhequr nga ligjvënësi anti-gej i Virxhinias Bob Marshall. Ju mund ta mbani mend atë për përpjekjen e tij të pafrytshme për përjashtimin e gejve nga Garda Kombëtare e shtetit, apo përpjekjen e tij të vitit 2012 për të bllokuar emërimin e një gjyqtarit gej, duke thënë se “sodoma nuk është një e drejtë civile.”

Virxhinia nuk është e vetmja. Ligjvënësit konservatorë në më shumë se një duzinë shtetesh janë përpjekur që të anulojnë të drejtat e shtuara për homoseksualët me ligje që pretendojnë se po mbrojnë lirinë fetare të pronarëve të bizneseve dhe institucioneve anti-gej. Lajm i mirë është, ata do ta kenë shumë të vështirë që ligje të tilla të rezistojnë. Në fakt, Guvernatori i Arizonës, Jan Brewer vuri veton në një propozim të ngjashëm në shtetin e saj vitin e kaluar pas protestës nga komuniteti gej, duke thënë se ajo besonte se  bizneset u “kundërshtuan me shumicë dërrmuese”. Kundërshtarët e projekt-ligjit shpresojnë se një tjetër veto do ta shpëtojë Virxhinian nga ky ligj regresiv. Një projekt-ligj i ngjashëm u miratua nga Dhoma e Përfaqësuesve të shtetit në Kansas në vitin 2014, dhe u hodh poshtë nga Senati i shtetit.

Aktivistët e të drejtave civile dhe LGBT e Virxhinias nuk janë fare të shqetësuar nga përpjekjet për të maskuar paragjykimin me argumentet e lirisë fetare:

“Po liçencon diskriminimin, duke e autorizuar, dhe duke thënë se është në rregull,” tha Claire Guthrie Gastañaga, drejtoreshë ekzekutive e ACLU për LGBTQ Nation.

Christy Mallory, avokate e lartë në Institutin Williams, e cila ka ndjekur mbrojtjet jodiskriminuese për njerëzit LGBT në të gjithë vendin, theksoi se Guvernatori i Virxhinias Terry McAuliffe, demokrat, ka një “histori të zgjeruar të mbrojtjes për njerëzit LGBT.”

Le të shpresojmë që ajo të ketë të drejtë.

Marrë nga: www.addictinginfo.org


Continue Reading
0


LGBTI+  / SLIDER BALLINA
Një politikan gej Britanik e ka marrë HIV-in si një ‘akt vetëvrasje’
Historia Ime Posted On 31/03/2015


Adrian Hyyrylainen-Trett, kandidat i Liberal Democrats, është kandidati i parë parlamentar që ka dalë hapur me HIV pozitiv dhe figura e parë politike që e bën këtë gjë në 10 vjet. Chris Smith, i Partisë së Punës, ishte i fundit në vitin 2005.

Ai shpreson të fitojë postin në Vauxhall, zona famëkeqe gej e Londrës jugore për popullaritetin e drogës dhe vdekjeve nga overdozat.

Hyyrylainen-Trett ka një përvojë në këtë fushë, duke qenë se ka luftuar depresionin, varësinë nga droga, overdozën dhe përpjekjet për vetëvrasje.

I keqtrajtuar rëndë në shkollë, ai shkoi në universitet në Kent dhe filloi punë në Londër në një kompani përkthimi në vitin 2001.

‘Mendova,” Unë nuk dua të jem vërtetë këtu.” Të gjitha mendimet vetëvrasëse që kam pasur si adoleshent janë kthyer,” tha ai, në një intervistë për Buzzfeed.

“Unë i kam marrë të tëra drogat nga A-ja tek ZH-ja dhe çdo gjë tjetër midis tyre. Duke bërë këtë gjë, me vetëdije po kërkoja mënyrat për të shpëtuar prej vetes, ishte kombinimi më i keq i mundshëm.”

Ai takonte burra online nëpërmjet dhomave të chat-it, dhe pati interes për skenën homoseksuale të mundjes. Në një moment, ai u takua me një djalë që i kërkoi të bënin një film pornografik me mundje së bashku.

“Ai tha se do të ishte gallatë. Unë i thashë po, “tha Hyyrylainen-Trett.

“Unë shpresoja ta kënaqja mjaftueshëm, që ai do të donte të ishte i dashuri im. Unë po kaloja nga një mashkull në tjetrin duke u përpjekur të gjeja dikë që të më donte.”

Mendimet rreth vetëvrasjes ktheheshin, dhe mendoja një tjetër mënyrë për ta bërë atë.

“Edhe pse e dija që njerëzit mbijetonin nga HIV-i, mendova” Ndoshta sikur të mund ta sëmurja veten, kjo do të ishte mënyra se si të shpëtoja nga vetja ime”, ‘tha ai. “Ishte faji im, unë po e kërkoja këtë gjë.”

‘Unë nuk doja me të vërtetë të merrja HIV, “shtoi ai,” Unë kërkoja asgjësimin tim.”

Hyyrylainen-Trett tha se ai u bë HIV pozitiv si pasojë e gjithë këtyre gjërave – bulizmi, shëndeti mendor i keq, vetëvlerësimi i ulët.

‘Të gjitha këto gjëra mund të ishin parandaluar. Megjithatë, të gjitha këto gjëra ndodhin ende dhe askush nuk flet për to. Unë ndihem se i detyrohem komunitetit që të flas për to.

“Ka mjaft njerëz në skenën e homoseksualëve të cilët janë të vetëdijshëm për problemet, por nuk është hapur asnjëherë një diskutim në çdo nivel – politik, qeveritar apo në një nivel komuniteti.”

Në një vend shumë më të mirë (dhe i sapo martuar), Hyyrylainen-Trett dëshiron të shohë masa parandaluese në edukimin seksual për komunitetin LGBTI dhe fëmijët heteroseksualë, të zbatuara në të gjitha shkollat.

“Ne kemi nevojë për shumë më tepër edukim në shkolla dhe vendet e punës rreth HIV-it, për të zvogëluar stigmën, por më shumë se vetëm kaq: ka patur fushata televizive në lidhje me këtë, por nuk ka pasur asnjë gjë vitet e fundit,” tha ai.

“Të rinjtë janë shpesh krejtësisht të pa ndërgjegjësuar për shkak të mungesës së edukimit.”

Dr. Rosemary Gillespie, Shefe Ekzekutive në Terrence Higgins Trust, është dakord.

‘Adriani ka marrë një vendim me të vërtetë të guximshëm që të flasë hapur për statusin e tij të HIV-it. Më shumë se 100,000 njerëz jetojnë me HIV në Britani të Madhe. Ata vijnë nga të gjitha sferat e jetës. Megjithatë, ne e dimë se shumë njerëz mund të mos ndjehen në gjendje të flasin hapur për përvojat e tyre, nga frika e gjykimit dhe diskriminimit. Çdokush i njohur nga publiku që flet hapur, do të ndihmojë në ngritjen e vetëdijes dhe është në një pozicion për të sfiduar stigmën dhe idetë e gabuara rreth HIV-it, “tha ajo.

“Ne jemi dakord me Adrianin që pika më e mirë fillestare për të adresuar këtë çështje është edukimi i detyrueshëm rreth seksit dhe marrëdhënieve në të gjithë sistemin e shkollave. Kur të rinjtë mbarojnë shkollën, duhet të ndjehen të sigurtë në vetvete, dhe të fuqizuar që të kenë marrëdhënie të shëndetshme, pa marrë parasysh seksualitetin e tyre. Politikanët e kanë fuqinë që kjo gjë të ndodhë. ”

Marrë nga: www.gaystarnews.com


Continue Reading
0


LIFESTYLE  / SLIDER BALLINA
Tashmë do të ketë fluturime direkte Tiranë – Paris
Historia Ime Posted On 31/03/2015


Tashmë do të ketë fluturime direkte Tiranë – Paris. Që nga 31 marsi fillimisht, çdo të martë dhe të shtunë, por në të ardhmen është paraparë të programohen më shumë fluturime.

Në ceremoninë e inagurimit Ministri Haxhinasto e vlerësoi hapjen e kësaj linje, si zhvillim të rëndësishëm në industrinë e aviacionit civil në Shqipëri dhe veçanërisht hapja e tregut që po reflekton cilësi më të lartë shërbimesh për qytetarët shqiptarë dhe kosto më të ulët.

Sipas ministrit linjat direkte drejt Frankfurt, Paris dhe Bruksel përbëjnë rreth 10 % në rritjen e lidhshmërisë të aeroportit të Rinasit “Nënë Tereza” me destinacionet evropiane.

Sipas fakteve evropiane në këtë industri, kjo çështje ndikon në rritjen e GDP-së në masën 0. 5 % për çdo banor. Zhvillimi në këtë sektor mbështetur nga logjika ekonomike, ku sipas mesatares në industrinë evropiane për çdo 1000 pasagjerë të rinj krijohet një vend pune. Gjithashtu ky zhvillim do të ndikojë në industrinë turistike dhe do të ketë impakte të mëdha në ekonominë e vendit duke ftuar kompanitë ajrore të hapin dhe linja fluturimi për destinacione të reja.

“Kjo do të thotë se nëse arrijmë volumin normal të rritjes, në 5 vitet e ardhshme të ketë mbi 600 vende të reja pune vetëm në industrinë e shërbimeve aeroportuale. Prandaj sot është momenti t’i bëjmë ftesë edhe të rinjve, të angazhohen në këtë industri të rëndësishme me të ardhme të sigurt në Shqipëri”: – vijoi ministri i Transporteve.


Continue Reading
0


Headline  / SLIDER BALLINA
91% e shqiptarëve pro anëtarësimit të Shqipërisë në BE
Historia Ime Posted On 31/03/2015


Delegacioni i Bashkimit Evropian dhe Fondacioni për Shoqërinë e hapur në Shqipëri, publikuan studimin më të fundit të titulluar “Studimi kombëtar mbi perspektivën evropiane të Shqipërisë – Perceptime dhe Realitete” Studimi i kryer gjatë periudhës Maj – Tetor 2014 u krye për të matur perceptimin që kanë qytetarët shqiptarë mbi BE-në, kanalet e infromimit mbi BE-në, njohuritë mbi BE-në  dhe pritshmëritë e qytetarëve në të ardhmen. Gjithashtu pjesë e studimit ishte edhe matja e perceptimit të korrupsionit nga qytetarët shqiptarë.

Një nga gjetjet kryesore të këtij studimi ishte se nëse nesër do të zhvillohej një referendum mbi anëtarësimin e Shqipërisë në BE, 91% e shqiptarëve do të votonin pro.

Ndërkohë sektorët që shqiptarët mendojnë se do të përmirësohen më tepër nga aderimi në BE janë arsimi, ekonomia, mjedisi, eksporti produkteve dhe mirëqeverisja.

53% e shqiptarëve mendojnë se vendi është gati t’i bashkohet BE, ndërsa 69% shprehen se BE duhet të na pranojë si anëtar, megjithëse Shqipëria nuk është ende gati.

Ndërkohë sa i përket pritshmërive për të ardhmen, problemet kryesore me të cilat po përballen shqiptarët sot janë papunësia 45%, krimi 31%, gjendja ekonomike e vendit 30%. Por 71% e shqiptarëve presin që gjendja eknomike e vendit të jetë më e mirë në 12 muajt e ardhshëm. Kjo është shifra më e lartë në Europë duke lënë pas nivelet e optimizimit në disa shtete të tjera.

Ndërsa, sa i takon perceptimit për korrupsionin, 87% e shqiptarëve mendojnë se korrupsioni në Shqipëri është më i përhapur se në vendet e tjera europiane. Ndërsa 92% mendojnë se korrupsioni është problemi kryesor i vendit.

Prezantimi i rezultateve të botimit të këtij studimi, u ndoq nga një mumër i madh përfaqësuesish të Ambasadave të vendeve anëtare të BE –së në Shqipëri dhe përfaqësues të Institucioneve Shqiptare. Gjithashtu të ftuarit në panel zhvilluan një sesion pyetje – përgjigje me të pranishmit.

/ATSH


Continue Reading
0


Fotoja e dites  / LIFESTYLE  / SLIDER BALLINA
“Dritë e re mbi Shqipërinë” shkruajnë gazetat suedeze për turizmin shqiptar
Historia Ime Posted On 31/03/2015


Turizmi shqiptar dhe vlerat e pazbuluara të tij, kanë zënë tashmë një vend të veçantë në faqet e shtypit botëror.

Shpesh herë është quajtur si një zbulim në mes të Europës, dikush e cilëson si destinacion të domosdoshëm për t’u vizituar, ndërsa së fundmi në artikullin e  gazetares suedeze Kicki Lind e cila udhëtoi gushtin e kaluar në Shqipëri, cilësohet “Dritë e re mbi Shqipërinë”.

Si mund të kenë kaluar mbi 20 vjet për një shtet që ofron kaq shumë për të parë, të mos shfaqet në hartën e truistëve. Në këto përfundime kanë arritur grupi i gazetarëve suedez pas një udhëtimi përgjatë brigjeve të bukura të detit, malet e larta dhe vendeve historike në Shqipëri.

Artikulli është  shumë pozitiv  dhe tregon mbi përpjekjet që po bën qeveria mbi prezantimin e turizmit shqiptar në botë.

“Kohët kanë ndryshuar. Shqipëria është sot një vend i hapur, dhe shumë prej njerëzve të cilët u larguan nga Shqipëria gjatë regjimit dikatorial të frymëzuar nga regjimi Stalinist janë kthyer.  Shqipëria tani në shumë aspekte ka filluar të eci në krahë me fqinjët e saj. Shqipëria është vetëm në një drejtim: shpejtësi të plotë përpara” – shkruhet në artikull.

Një vend të veçantë në artikull, zë edhe idea e hedhur nga  Agjensia Kombëtare e Bregdetit dhe drejtori i saj Auron Tare, për hapjen e ishullit të Sazanit për vizitorët vendas e të huaj si një Park Kombëtar. Në favour të turizmit tonë do të ishte që kjo ide dhe të gjente mbështetje nga strukturat përkatëse.

besor

/ATSH


Continue Reading
0


LIFESTYLE
Rrotullimi i Tokës ndryshon shenjat e horoskopit
Historia Ime Posted On 31/03/2015


Nëse jeni tipi i personave që i besoni parashikimeve astrologjike për të përcaktuar personalitetin tuaj apo se cfarë do t’ju ndodhi në jetë, bëhuni gati të tronditeni nga ky lajm.

Fusha e astrologjisë, që merret me studimin e yjeve dhe planeteve po has një çrregullim. Disa astronomë nga “Minnesota Planetarium Society” thonë se për shkak të tërheqjes gravitacionale të hënës në Tokë, pozicionet e yjeve janë zhvendosur me një muaj.  Yjësitë janë zhvendosur duke ndryshuar pozicionet e tyre, e po ashtu edhe shenjat zodiakale.

Astrologët thonë se kalendari astronomik nuk është përditësuar që prej krijimit të tij, më shumë se dy mijë vite më parë. Astrologjia ka pasur probleme që në fillimet e saj, kur babilonasit e lashtë kishin 13 yje por iu duheshin vetëm 12(aq sa ka muaj), ndaj nxorrën jashtë Ophacius – mbajtësin e gjarprit.

Shenja e peshores gjithashtu nuk ka qenë pjesë e kalendarit deri në epokën e Jul Cezarit. Sipas “Shoqërisë Planetare të Minesotës” duhet ripërcaktuar kalendari i zodiakut. Sipas llogaritjeve që yjet janë zhvendosur me një muaj, kështu duhet të jetë renditja e shenjave:

Bricjapi: Janar. 20-Shkurt. 16. 
Ujori: Shkurt. 16-Mars 11. 
Peshqit: Mars 11-Prill 18. 
Dashi: Prill 18-Maj 13 
Demi: Maj 13-Qershor 21. 
Binjakët: Qershor 21-Korrik 20. 
Gaforja: Korrik 20-Gusht 10. 
Luani: Gusht 10-Shtator 16.
Virgjëresha: Shtator 16-Tetor 30. 
Peshorja: Tetor 30-Nëntor 23.
Akrepi: Nëntor 23-29. 
Ophiuchus: Nëntor 29-Dhjetor 17.
Shigjetari: Dhjetor 17-Janar 20.

/Time


Continue Reading
0


Feminizmi  / SLIDER BALLINA
Meghalaya, Indi: Ku femrat vendosin dhe burrat luftojnë për të dejtat e tyre
Alba Ahmetaj Posted On 31/03/2015


Kur kolonët e parë evropiane mbërritën këtu, ata e quajtën këtë vend “Skocia e Lindjes”, për shkak të kodrave të saj ndjellëse.

Jo shumë larg nga këtu, fshati i Cherrapunji dikur maste 26.5 milion m (87ft) shi në një vit, një fakt akoma i pranuar nga libri Guinness si një rekord botëror.

Por sezoni i shiut ka kohë që ka kaluar dhe unë jam këtu për një tjetër fakt që e bën të famshëm Meghalaya-n.

Duket se disa tradita të vjetra kanë bezdisur disa njerëz kohët e fundit, duke shkaktuar që pikëpamjet e një grupi të vogël meshkujsh që kërkojnë të drejtat e tyre, të fitojë popullaritet, dhe të ringjallë disa mendime të filluara nga një grup i vogël intelektualësh në vitin 1960.

Unë jam ulur në një tryezë me Keith Pariat, President i Syngkhong-Rympei-Thymmai, lëvizjes së Meghalaya-së për të drejtat e burrave.

Ai më siguron se bashkë kolegët e tij “nuk duan të ulin femrat”. “Ne thjesht duam të ngremë burrat aty ku janë gratë.”

Z. Pariat, i cili injoroi zakonet e vjetra dhe mori mbiemrin e babait të tij, është i bindur se në këtë mënyrë Khasi po rrit burra që nuk e tregojnë potencialin e tyre, duke përmendur abuzimin me alkoolin dhe drogën pa përmendur efektet anësore negative të tyre.

“Nëse doni të dini se sa i favorizojnë gratë Khasis, shkoni në repartin e lindjes në spital,” thotë ai.

“Nëse lind vajzë, do të ketë brohorima të mëdha nga familja që pret jashtë. Në qoftë se është djalë, ju do ti dëgjoni ata duke pëshpëritur me edukatë se:” Çfarëdo që Perëndia na jep është krejt në rregull.”

Z. Pariat citon shembuj të shumtë se si vëllezërit e tjerë po demoralizohen. Këtu kanë një teori interesante që përfshin mënyrën se si gjinia në gjuhën lokale Khasi i reflekton këto supozime themelore kulturore.

“Pema është mashkullore, por kur ajo kthehet në dru, ajo bëhet femërore”, thotë ai.

“E njëjta gjë është e vërtetë për shumë nga emrat në gjuhën tonë. Kur diçka bëhet e dobishme, gjinia e saj bëhet femërore.

“Ky system ushqen një kulturë burrash që ndjehen të padobishëm.”

Unë flas me Patricia Mukkum, redaktoren e respektuar të gazetës së përditshme Shillong. Ajo më siguron se trashëgimia e saj është vetëm një nga arsyet se pse ajo është rritur në nivelin që është dhe thekson se tradita që të përjashtojë gratë nga procesi i vendim marrjes politike është ende shumë i fortë në kulturën e tyre.

Si një nënë e fëmijëve nga tre baballarë të ndryshëm Khasi, është e para që pranon se anomalia e tyre shoqërore i ka dhënë mundësi të mjaftueshme që të jetë si nënë ashtu dhe një grua e suksesshme në karrierë.

Duke marrë shembull problemet rutinë me të cilat përballen gratë përtej kufirit në Bengalin Perëndimor, Znj. Mukkum thotë: “Kultura jonë ofron një vend të shenjtë dhe shumë të sigurtë për gratë”.

Unë vendos që ta shoh vetë një situatë të tillë në një fshat të largët në kodrat Khasi në Lindje. Pas dy orë ecje nëpër xhungël takoj Marien 42-vjeçare.

Ajo është një “Ka Khadduh”, vajza më e re në familjen e saj dhe si pasojë, e destinuar që të jetojë me prindërit derisa të trashëgojë shtëpinë e familjes. Burri i saj, Alfred 36-vjeçar, jeton me ta.

Kur flas me të brenda shtëpisë së tyre, Mary më thotë se gratë nuk u besojnë burrave që të kujdesen për paratë e tyre kështu që ato e marrin vetë kontrollin. Unë shikoj Alfredin për një përgjigje, por ai më jep vetëm një buzëqeshje.

Mary vazhdon: “. Shumica e burrave në fshatin tonë e lënë shkollën që të vegjël për të ndihmuar baballarët e tyre nëpër fusha. Ky është një dëm i madh për arsimimin e tyre.”

Unë kthehem edhe një herë nga Alfredi. Ai përgjigjet me një tjetër buzëqeshje të turpshme.

Mary pranon se ajo kurrë nuk ka dëgjuar për lëvizjen e meshkujve për të drejtat e tyre, por mendon se sistemi nuk do të ndryshojë kurrë.

Alfred ruan buzëqeshjen e tij prej Mona Lise.

Pasi të qeshurat pushojnë, unë shfrytëzoj këtë rast për të thyer akullin me Alfredin duke vënë në dukje se femra mantis(një lloj insekti) e ha partnerin e saj pas seksit, duke bërë një gjest me krahët e mi duke imituar kthetrat e insektit. Pati akoma më shumë të qeshura.

Dyzet minuta më vonë unë ende nuk kam marrë një koment nga bashkëshorti i Marisë dhe shumë shpejt është koha për të ikur.

Unë mendoj se fjala e fundit duhet të vijë nga Alfredi kështu që i kërkoj përkthyesit tim që të bëjë një pyetje të thjeshtë që ti drejtohet drejtpërdrejtë atij.

“Çfarë mendon ai për sistemin e drejtimit nga ana e femrave?”

Ka një pauzë e gjatë dhe më në fund qetësia prishet përfundimisht.

“Ai pëlqen”, ndjehet Mari, dhe është koha për tu larguar.

 

Marrë nga: http://www.bbc.com/news/magazine-16592633


Continue Reading
0


LIFESTYLE  / MEDIA  / SLIDER BALLINA
“Google” vjen me reklama sipas vendbanimit dhe shijeve të përdoruesit
Historia Ime Posted On 30/03/2015


Një nga bizneset më të mëdha të korporatës “Google” janë reklamat online. Ky sektor është mbështetur shumë nga një prej shërbimeve novatore të kompanisë, “Google’s Fiber” -shërbimi i televizionit me pagesë, duke e shtyrë Google të punojë për metoda të reja të zgjerimit të biznesit.

Ndaj, “Google” ka planifikuar të hedhë në treg reklama televizive të targetuara që do të ndryshojnë varësisht gjeografisë së shikuesit, llojit të programeve që transmetohet, ose historisë së programeve të preferuara të shikuesit.

Përdoruesit e shërbimeve televizive në Google mund të zgjedhin nga reklamat e targetuara çfarë të duan, duke përdorur pultin e TV. Por sapo e bëjnë këtë, kompania e Google regjistron të dhënat e tyre për qëllime reklamuese. Pra, zgjedhjet tuaja regjistrohen prej Google si informacion i personalizuar për klientin e vet, që e ndihmon kompaninë të prodhojë më pas reklama sipas “tekave” tuaja.

Google e shikon si një zhvillim që i shërben shikuesve, të cilëve prej dekadash u janë ofruar reklama në mënyrë vertikale, pa marrë parasysh aftësinë e tyre për ta perceptuar mesazhin. Pjesa më e madhe e reklamave të sotme televizive mund të targetohen deri diku nga tregu, por jo deri në nivelin e vendbanimit. Dhe këtu fillon revolucioni i madh i Google: Reklama sipas vendndodhjes gjeografike, sipas shijeve që ka një familje.

Operatorët kabllorë dhe satelitorë po konkurrojnë për të ofruar ato që i quajnë “reklama të personalizuara”. Kjo do të thotë që kandidatët politikë u drejtonin mesazhe elektorale vetëm atyre personave që kishin premisa për tu bindur ose mobilizuar kundrejt mesazhit të dërguar.

Kjo pra është e ardhmja e televizionit: Kanale që e dinë ekzaktësisht kush je, ku jeton, ku ble zakonisht, sa herë e çfarë kërkon në WEB, çfarë markash ble. E për rrjedhojë reklama që dinë se kujt i drejtohen: atyre që janë më të predispozuar për tu joshur nga përmbajtja.

/shqiptarja.com


Continue Reading
0


PA KATEGORI
Lëvizshmëria e gabuar po na merr jetën!
Historia Ime Posted On 30/03/2015


Nivelet e larta të ndotjes, trafiku i rënduar dhe rritja e vazhdueshme e popullsisë në qytetet e mëdha kanë nevojë për një qasje të re urbane. Zgjidhja është investimi në lëvizshmëri të qëndrueshme e cila do të kthejë jetën në rrugët tona.

Sipas OKB-së, në 40 vitet e ardhshme në qytetet e mëdha pritet një rritje urbane prej 2.5 milionë njerëz. Një shifër veçanërisht domethënëse për Kinën dhe Indinë, dy ekonomitë në zhvillim, të cilat do të presin rreth 90 për qind të populates në qytetet e tyre (përllogaritur respektivisht 276 dhe 218 milionë njerëz deri në 2030).

Kjo është arsyeja kryesore pse qytetet dhe zhvillimi urban janë në qendër të vëmëndjes për liderët dhe politikë-bërësit. Nivelet e larta të ndotjes si pasojë e trafikut të dendur të mjeteve të motorizuara (e cila është dhe shkaku për rreth një milion vdekje të parakohshme çdo vit) dhe aksidentet e trafikut, vlerësuar me 3.400 vdekje në ditë, janë një makth për drejtuesit e bashkive dhe qeverive!

Kjo është kostoja njerëzore, mjedisore dhe ekonomike e trafikut sot!

Lëvizshmëria e gabuar nuk prek vetëm sigurinë dhe shëndetin tonë, por edhe ekonominë, produktivitetin dhe mbi të gjitha të ardhmen. Në Amerikë kostot ekonomike për shkak të zhvendosjeve përbëjnë një humbje prej 100 miliardë dollarë çdo vit. Qytetet më të mëdha përbëjnë 70 për qind të emetimeve të gazrave serë që po e çojnë Tokën në një pikë pa kthim. Ndryshimet Klimaterike dhe katastrofat natyrore që vijnë prej saj, janë pasoja më e prekshme e lëvizshmërisë së gabuar!

A ka vënd për optimizëm? Po, ndryshimi tashmë është çështje jete dhe është i mundur. Përvoja e qyteteve pararojë drejt lëvizshm
ërisë dhe cilësisë së jetesës, na tregon se ndryshimi i mendësisë së lëvizjes mund të arrihet duke u investuar në infrastrukturën dhe teknologjinë e lëvizjes.

Në Evropë dhe SHBA në veçanti, brezat e rinj duket se kanë zgjedhur një model lëvizje më miqësore me mjedisin dhe janë më kritik ndaj mosveprimeve të autoriteteve. Sipas një studimi, në vitet 2001 -2009, përdorimi i makinave ra me 23% në mesin e të rinjve amerikanë.Ky ndryshim është kryesisht edhe për shkak të promovimit të lëvizjes pro biçikletave kërkesës së vazhdueshme për infrastrukturë efektive dhe të sigurtë dhe mbi të gjitha vetëdijësimin e qytetarëve për rëndësinë e këtij mjeti me aq shumë përfitime njëherësh për qytetarët! Tirana e sëmurë, biçikleta është shërimi!

/ecovolis


Continue Reading
0


Femijet  / SLIDER BALLINA  / Te Drejtat e Njeriut
Hoxha që nxiti shkollimin e vajzave
Historia Ime Posted On 30/03/2015


“Për shkollë mos me i ngu prindërit nuk është haram”, është fjalia që hoxhë Rifat Jashari nga Zhegra e Gjilanit e ka përsëritur që para 60 vjetësh. Ishte viti 1955, kur në këtë fshat pakkush arsimohej. Djemtë nuk e vazhdonin shkollën përtej klasës se katërt për me “i rujt gjanë”, ndërsa vajzat nuk lejoheshin nga prindërit, për shkak se “në klasën e pestë rriteshin me trup”.

Rifat Jashari, 97-vjeçar, i cili ka shërbyer mbi 60 vjet si imam në xhaminë e Zhegrës, thotë se kishte shkuar shtëpi më shtëpi për t’i bindur prindërit e tyre për t’i lënë vajzat për të shkuar në shkollë.

“Ju thosha prindërve se nëse duhet edhe zhag kom me i nxjerrë, e në shkollë kanë me shku”, rrëfen Jashari.

Megjithatë, ai tregon se të paktë ishin prindërit që e kundërshtonin. “Me kan ngu kur ju kom fol. Kajherë pritojshin, po me ma kthy fjalën rrallë ka ndodhë”, e kujton atë kohë ky hoxhë.

Nga insistimi që të shkolloheshin fëmijët thotë se Zhegra sot është e mbushur me mjekë, mësues, avokatë e profesionistë të fushave të ndryshme. “Shumë më donë e me respektojnë. Plot djem e çika tash më nderojnë se i kam dërgue në shkollë”, thotë Jashari.

“Nëse ju shtijnë nana e baba me thanë me zor që s’doni me shku në shkollë – mos pranoni. Mos i ngoni prindërit për mos me u shkollu. Se shkollën e ka lanë Zoti edhe me fe”, ka kujtuar se çfarë u thoshte fëmijëve përderisa mundohej t’i bindte që të shkolloheshin.

Para se t’u kërkonte bashkëfshatarëve që t’i dërgonin vajzat në shkollë, ishte i pari ai që u kishte dhënë shembull. “E para që e ka vazhdu shkollën ka qenë çika jeme. Mas pari ja kom nis fëmiut tim shkollën e tani ju kam kërkuar edhe të tjerëve”, ka thënë ai.

Por hoxha i fshatit përkujdesej që vajzat përveçse të shkonin në shkollë edhe të mësonin. “Ju thojsha kqyrni, në shkollë po shkoni, ama me u lazdru nuk ka. Atje po shkoni me mësu”, rrëfen ai.

/koha.net


Continue Reading
0


Art & Kulturë  / MEDIA
50 këngëtarë nën hetim për evazion fiskal
Historia Ime Posted On 30/03/2015


Mbi 50 emra të njohur këngëtarësh do të duhen të përballen me ligjin me akuzën e evazionit fiskal dhe pastrimit të parave. Lajmi vjen nga Kosova, aty ku këtë të shtunë ka plasur skandali i shmangies së tatimeve dhe detyrimeve ndaj shtetit të artistëve të skenës sonë. Ndërkohë artistët janë duke u hetuar nga Policia e Kosovës, nga Prokuroria dhe njësia për Krime Ekonomike.

Këta këngëtarë nuk i kanë paguar asnjëherë tatimet shtetit të Kosovës, ose kanë bërë pagesa simbolike. Të gjitha të ardhurat që ata kanë marrë nga mbrëmjet muzikore i kanë shkaktuar një dëm prej 4 milionë eurosh buxhetit të Kosovës, duke mos i deklaruar të ardhurat e tyre në Administratën Tatimore të Kosovës (ATK).

“Shteti do t’iu ofrojë marrëveshje këtyre këngëtarëve për ta paguar tatimin duke nënshkruar kontratë, nëse kjo nuk arrihet, do të arrestohen”, ka treguar për Indeksonline një burim i sigurt në kushte anonimiteti, brenda organeve të hetuesisë. Po ashtu sipas të njëjtit burim, këtyre këngëtarëve do t’u konfiskohen veturat luksoze që i kanë blerë dhe po ashtu do t’iu kërkohet që ta tregojnë prejardhjen e pasurisë së tyre.

Këtu janë 12 këngëtarët të cilët do të paraqiten në Prokurorinë e Shtetit që do të japin deklaratën e tyre në polici:

1. Shkëlzen Jetishi – Xeni
2. Altuna Sejdiu -Tuna
3. Shkurte Fejza
4. Sinan Vllasaliu
5. Getoar Selimi – Geti (Tingulli Trent)
6. Sabri Fejzullahu
7. Ermal Fejzullahu
8. Shyhrete Behluli
9. Mihrije Braha
10. Edon Dedi- Dj Blunt
11. Naim Abazi
12. Remzije Osmani

/Shekulli.online


Continue Reading
0


Ndodhi sot  / SLIDER BALLINA
Gjergj Bojaxhi, zyrtarisht kandidati i parë në garë për Tiranën
Historia Ime Posted On 30/03/2015


Gjergj Bojaxhi shpalli sot kandidaturën e tij për kryetar bashkie të kryeqytetit, në garën elektorale për pushtetin vendor, që zhvillohet me 21 qershor.

Në deklaratën e tij për mediat, Bojaxhi tha se të zhgënjyerit nga partitë dhe biznesi janë shumë më tepër se përfituesit e tyre: “Ne, që në Tiranë jemi pa siguri, pa qetësi, pa ajër të pastër, pa rrugë të lira, me shkolla me dy turne, jemi më tepër se ata që votojnë symbyllur për partitë e vjetra të tranzicionit. Ne jemi shumica dhe u bëjmë thirrje të bashkohemi për ta rikthyer qytetin në duart e qytetarëve”, tha Bojaxhi.


Bojaxhi prezantoi me pak fjalë edhe platformën, që sipas tij, do t’i jepte zgjidhje probleme në kryeqytet.

“Ne Tirana, ne shumica, do të bëjmë një qytet më të gjelbër për fëmijët tanë, më të hapur për këmbësorët, më tërheqës për sipërmarrësit, më motivues për nxënësit, më të jetueshëm për banorët. Ne do të bëjmë një qytet më dinjitoz për të gjithë”, tha Bojaxhi, në këtë prezantim të shkurtër mediatik të ambicjes së tij të fundit politike.

Gjergj Bojaxhi fillimisht u njoh për publikun kur u caktua si drejtor i KESH-it. Më pas kariera e tij vijoi si zëvendësministër i Ekonomisë dhe drejtor i INUK.

/ Top Channel


Continue Reading
0