Kryeministri Rama dhe Kryetari i Bashkisë së Korçës Sotiraq Filo kanë postuar së fundmi në rrjetet sociale foto që tregojnë se Korça po kthehet në një nga qytetet më të rëndësishme për turzmin dimëror duke i shtuar këtij qyteti një pistë për patinazh në akull.
Në Irlandë, një grua që është klinikisht e vdekur por është 17 javë shtatzënë po mbahet gjallë kundër vullnetit të familjes së saj. Në këtë kohë të dhimbshme, të afërmit e saj duhet të shkojnë në gjykatë për të ndaluar shtetin irlandez të trajtojë trupin e personit të tyre të dashur si një inkubator kufomë. (më tepër…)
Faqja Lapsi.al që drejtohet nga Armand Shkullaku, i njohur për afërsinë e tij me TV Klan dhe i njohur edhe për opozitën ndaj kryeministrit Edi Rama boton një shënim ku pretendon se Vjollca Hoxha, bashkëshortja e themeluesit të Top Channel, mund të jetë në një moment konflikti me kryeministrin.
Sipas lapsi.al, bëhet fjalë për një projekt për rregullimin e parkingjeve publike në kryeqytet e që znj. Hoxha mund të ketë dashur të hyjë në marrëdhënie bashkëpunimi me kunatin e Lulzim Bashës e me persona pranë familjes Berisha.
“Një zot e imagjinon sesa mund të tmerrohej Rama nga një ngjizje e tillë”, shkruan lapsi.al.
Dhe vijon:
“Ndaj ai (Rama) ka marrë masat për të vepruar shpejt. Fillimisht ka kontaktuar vetë disa pronarë mediash për të kuptuar nëse në këtë aferë ishte bërë ndonjë bashkim shumë medial për ti bërë presion qeverisë (ashtu sikurse ka ndodhur edhe në raste të tjera) apo bëhej fjalë vetëm për interesat e Top-it. Dhe kur është siguruar për të dytën ka vendosur ti thotë jo projektit”.
Sipas lapsi.al, të tjerë aksionerë nuk e përkrahin znj. Hoxha por vazhdojnë të përkrahin Ramën.
Shkruan lapsi.al në këtë shkrim pa autor se: “I bindur se top medias i kishte bërë një dhuratë shumë të madhe duke emëruar sipas preferencave të saj kreun e ri të AMA, Gentian Salaj, Rama mendonte se e kish larë një pjesë të borxhit. Ai kish qenë nën presion të madh për të caktuar kreun e entit rregulluest të frekuencave dhe të dhënies së liçencave televizive. Në njërën anë ai e dinte se me këtë vendim, ai do të bënte të pakënaqur TV Klanin, i cili e kish kontrolluar AMA-n gjatë tetë viteve të pushtetit të Berishës. Por ai e dinte se gjithashtu, të pakënaqur do të bënte edhe Vizion Plus-in, i cili për shkak të luftës vllavrasëse Tring-Dixhitalb, po lobonte fuqishëm për ta kontrolluar vetë këtë post. E megjithatë mes interesit të dy mediave që e kishin mbështetur, Rama vendosi të anonte nga Top-i. Dhe me këtë mendonte se e lau një pjesë të “borxhit”, por më kot”.
Më tej:
“Dhe kur ai ka vendosur ti thotë jo projektit të vjeljes së parave të parkingjeve të Tiranës, është krijuar çarja e parë mes tij dhe gruas të Dritan Hoxhës. Më kot Rama është rekur të argumentojë se ai nuk ka asgjë me bizneset e saj, por ai nuk mund tia bëjë këtë nder edhe njerzve të Bashës. Më kot i është lutur të presë edhe disa kohë, sapo socialistët të marrin edhe bashkinë e Tiranës pas zgjedhjeve e pastaj ky biznes do të bëhej i saji. çarja tashmë ishte konsumuar. Dhe pasojat e kësaj çarjeje kanë filluar të ndihen. Menjëherë pasi është bindur që Rama po e pengon këtë biznes, zonja Hoxha ka vendosur ashpërsimin e linjës antiqeveritare në televizionin që ajo drejton. Dhe këtu problemi ka kaluar nga një problem mes medias dhe pushtetit, në një çekuilibrim të raporteve brenda vetë medias më të madhe në vend.
Sepse Vjollca Hoxha që ka dhënë këtë direktivë, ka hasur në rezistencë të menjëhershme. Rezistenca e parë i ka ardhur nga bashkëpronarët e tjerë, shokët e Tanit, të cilëve ky i fundit, në të gjallë i ka dhënë aksionet. Më largpamës dhe të papërfshirë nga edhet e biznesit momental të parkingjeve të kryeqytetit, ata kanë bërë llogaritë: së pari Top channel nuk fiton gjë nga biznesi personal i zonjës Hoxha. Së dyti një kthim kursi kundër qeverisë do ti prishte shumë punë Topit, sepse nga kjo mund të fitonin menjëherë mediat konkurente që janë të gatshme ti servilosen çdo pushteti. Por, direktiva e Vjollca Hoxhës, e cila ka thelluar edhe më luftën e ftohtë të pronësisë të Top Channel, ka hasur edhe në rezistencën e gazetarëve. Shumë prej tyre që nga koha e opozitës kanë krijuar lidhje të forta me socialistët. Disa reporterë të lajmeve marin urdhëra drejtëpërdrejtë nga zyra e kryeministrit”.
Lexoni të plotë këtë shkrim këtu:
Huffington Post në Itali analizoi për 14 javë njohuritë në anglisht të lexuesve të vet.
Një nga dobësitë e mëdha, siç ka konfirmuar dhe Google, janë akronimet në anglisht. Akronimet si FYI, ASAP dhe CEO i bëjnë edhe më të pakuptueshëm tekstet dhe faqet e shumta të internetit që përballemi çdo ditë.
Për të ndihmuar lexuesit e çorientuar, Huffington Post ka përgatitur një udhëzues të shkurtër të shtatë akronimeve më të zakonshme të anglishtes:
As Soon As Possible – Sa më shpejt që të jetë e mundur.
Përdoret si një nxitje në korrespondencën (sidomos elektronike), qëllimi i saj është që të ftojë për të bërë diçka sa më shpejtë që të jetë e mundur, me prioritetin më të lartë.
For Your Interest – Për interesin tuaj.
Edhe ky akronim është përdorur gjerësisht në email. Përdoret kur marrësi duhet të informohet për diçka që ka ndodhur, por që nuk kërkon ndërhyrje apo veprim të drejtpërdrejtë. Një tjetër mënyrë për të përkthyer këtë temë mund të jetë “për të mbajtur të informuar”.
Laughing Out Loud – Qesh me zë të lartë. Shkurtimi i përdorur në botën e internetit për të treguar argëtimin është shumë i përhapur sepse në vitin 2011 ai u bë pjesë e Fjalorit të Oksfordit.
Master of Business Administration – Master i Administrimit të Biznesit
Ky akronim tregon një titull studimi. Administratorët që mbajnë këtë titull përgjithësisht e vendosin dëshminë e saj në zyrat e tyre.
Në vitin 2005, FedEx ka prodhuar një spot interesant temë: “Fedex.com i bën dërgesat aq të thjeshta, sa edhe një MBA mund ti menaxhojë.”
Also Known As – I njohur gjithashtu si.
Kjo shprehje është përdorur për të specifikuar emërtimet dhe pseudonimet e autorëve ose të famshëm.
Exempli gratia – Për shembull
Një prej akronimeve më të zakonshme në të gjitha tekstet anglisht është në të vërtetë një fjalë Latine!
Chief Executive Officer – Drejtues Ekzekutiv
Ai është figura më e rëndësishme brenda një kompanie. Njihet si një njeri me ajër të rëndë, kravatë, dhe një MBA në muret e zyrës.
Shënim i autorit (1):
Duam që të sigurojmë të gjithë ata lexues të cilët thanë se ishin “të shqetësuar për gjuhën e vet prej kërcënimit të vazhdimishëm nga pushtimi i gjuhës angleze.” Edhe ne jemi të shqetësuar. Gramatika e duhur po zhduket më shpejt se akullnajat e Mont Blanc. Por kjo nuk është faji i gjuhës angleze, përkundazi. Njohja e gjuhëve të tjera të hap mendjen, ngadalëson plakjen e trurit, i bën njerëzit më të mirë.
Shënim i autorit (2):
Ne do të donim të siguronim CEO-t që po na lexojnë, mos e merrni personale. Udhëzues jonë është gjysmë-serioz. Përveç kësaj paratë e shpenzuara për MBA nuk kanë shkuar dëm, të paktën ju mund të dërgoni një pako me FedEx.
Lexo artikullin e plotë në HuffingtonPost.it
Kryeministri Rama ka prezantuar paketën e shpërblimeve për shtresat në nevojë këtë fundvit. Për pensionistët kryefamiljarë është menduar një shpërblim prej 3 mijë lekësh ose 30 dollarë, ndërsa për pjesën tjetër të pensionistëve shpërblimi është 2 mijë lekë ose 20 dollarë.
Një shpërblim të posaçëm do të ketë për veteranët e luftës dhe të përndjekurit e regjimit komunist mbi moshën 65 vjeç. Të dyja këto kategori do të marrin një shpërblim prej 5 mijë lekësh ose 50 dollarësh.
Familjet e policëve të vrarë dhe të gjitha familjet e ushtarakëve me misione jashtë Shqipërisë do të shpërblehen me nga 10 mijë lekë ose 100 dollarë, ndërsa trupa mësimore e 10 shkollave të rankuara të parat në klasifikimin e Maturës Shtetërore do të shpërblehet me nga 40 mijë lekë ose 400 dollarë për çdo mësues. Gjithashtu, do të shpërblehen nxënësit e shkëlqyer në vend dhe studentët e ekselencës me nga 5 mijë lekë ose 50 dollarë.
Shpërblim do të ketë gjithashtu për trupën e tri shërbimeve më të mira shëndetësore në Republikën e Shqipërisë me 40 mijë lekë për secilin ose 400 dollarë. Një shpërblim i rëndësishëm është dhe ai për Njësinë Policore të Qarkullimit të Tiranës, si njësia më e mirë policore, me 40 mijë lekë për individ ose 400 dollarë. Këtë vit do të ketë shpërblim edhe për njësinë e Parkut Kombëtar të Divjakës, me 40 mijë lekë ose 400 dollarë për person.
Lexo më shumë në Gazeta Shqip
Foto të postuara në Flickr nga: RobertP_Berna, Giorgio, Jontal 12
Dëshmia e Agustin Sulës dhënë për Prokurorinë e Krimeve të Rënda ka tradhëtuar “Babagjyshët” grabitës drejtuar nga Ilir Kupa duke detyruar prokurorët të firmosin dhe 5 urdhëra arresti nga 8 të bëra 24 orë më parë.
A1Report ka mundur të mësojë se mes tyre 3 janë argjendarë në kryeqytet, ku banda e babagjyshëve riciklonte në vlera monetare floririn e vjedhur.
Zgjerohet banda e babagjyshëve, lëshohen 5 urdhër-arreste
24 orë nga zbulimi i “Bandës së Babagjyshëve”, Prokuroria e Krimeve të Rënda zgjeron listën e personave nën hetim të përfshirë në bandën e drejtuar nga Ilir Kupa ku nga 8 tashmë janë 13 grabitës të quajtur “babagjyshë” për faktin se në grabitjen spektakolare të qendrës tregtare TEG në Tiranë ishin veshur si babagjyshë të Vitit të Ri.
Ky fakt konfirmohet për A1Report nga burime pranë Prokurorisë ku këtë të premte organi i akuzës ka dorëzuar në gjykatë plot 13 kërkesa për vlerësimin e masës së sigurisë, me akuzën e krijimit të grupit të strukturuar kriminal, vjedhjeve me dhunë me pasojë plagosjen.
5 “babagjyshët” e rinj, argjendarë
Për pesë personat e listuar së fundmi nga Prokuroria si të lidhur me “bandën e Babagjyshëve”, 3 prej tyre rezultojnë të jenë argjendarë, të cilët konvertonin aksesorët e vjedhur nga banda në vlerë monetare, dhe dy prej tyre persona të afërm që i kanë ndihmuar me strehim.
Dëshmia e Sulës tradhëtoi bandën: Kupa na drejtonte
Po të njëjtat burime thanë për A1Report se tashmë hetimet konsiderohen të kompletuara dhe zbardhja e skemës se si funksiononte grupi është bërë dhe me ndihmën e të arrestuarit të parë Agustin Sula.
Në dëshminë e tij mësohet se Sula ka shpjeguar për prokurorët skemën se si Kupa drejtonte “Babagjyshët” dhe takimet që ky i fundit bënte në burg me anëtarët e bandës ku ndër më të besuarit rezultonte Dritan Kola, vëllai i ish-shokut të burgut të Ilir Kupës ekzekutuar në Greqi pas arratisjes të bujshme në maj të 2012-ës./A1 Report/
Faqja sociale e Google ka ndryshuar opsionet për përdoruesit kur përcaktojnë gjininë e tyre, duke lejuar opsione “pafund”.
Opsioni e bën Facebook-un më të arritshëm për njerëzit trans dhe për interseksualët, të cilët më parë kane qenë të detyruar ose të zgjidhnin një gjini, ose të mos e listonin fare gjininë.
Ndryshimet që u sollën këtë javë në Google+ do të thotë që përdoruesit mund të përshkruajnë gjininë e tyre duke përdorur çfarë do termi me të cilin ata identifikohen. (më tepër…)
Pas deklaratës së djeshme të ambasadorit amerikan, se shqiptarët do kenë mundësi për marrjen e vizave tre vjeçare, ka reaguar edhe ambasada amerikane në Tiranë.
Ajo ka shpjeguar lëshimin e vizave, duke thënë se standartet e marrjes së saj nuk ndryshojnë.
“Ashtu si edhe deklaroi Ambasadori Arvizu mbrëmë, Ambasada Amerikane në Tiranë do të japë viza tre vjeçare studentore, vizitori dhe punësimi, për të gjithë ata qytetarë shqiptarë që kualifikohen.
Kjo do të thotë që nëse ju konsideroheni të kualifikuar dhe merrni një vizë për të vizituar Shtetet e Bashkuara, viza juaj do të jetë e vlefshme për 3 vjet në vend të një viti.
Kjo periudhë e re vlefshmërie do ta bëjë më të lehtë për shqiptarët të cilët bëjnë pushimet, studiojnë, bëjnë biznes apo vizitojnë familjet e tyre në Shtetet e Bashkuara vazhdimisht.
Është e rëndësishme të theksohet se kualifikimet për marrjen e një vize nuk kanë ndryshuar – secili aplikant duhet të tregojë se do e përdorë vizën ashtu si duhet dhe nuk synon të emigrojë ilegalisht në Shtetet e Bashkuara,” thuhet në deklaratën e ambasadës amerikane në Tiranë./b.l
Marrë nga gazetatema.net
Procesi i shumëdiskutuar i akreditimit të universiteteve do të nisë sot, menjëherë pas nënshkrimit të marrëveshjes me agjencinë angleze QAA (Quality assurance agency), e renditur si më e mira nga ENQA, rrjeti europian i sigurimit të cilësisë së universiteteve. Agjencia, që vitin e fundit është vlerësuar maksimalisht për standardet. Lajmi bëhet me dije nga zëvendësministri i Arsimit, Arbian Mazniku, i cili sqaron për gazetën “Shqip”, detajet e mënyrës sesi do të jetë organizuar procesi i akreditimit dhe sesi do të aplikohet ai në universitete. “Procesi i akreditimit tipikisht, në pjesën më të madhe të rasteve zhvillohet i ndarë në tri faza. Në fazën e parë përcaktohen kriteret e akreditimit, siç mund të jenë për shembull: Raporti student-pedagog; Mbajtja e dokumentacionit; Mbajtja e mësimdhënies; Skualifikimi i stafit; Mbajtja e regjistrave deri tek ato që konsiderohen si më elementaret, si: A ka institucioni arsimor fikse zjarri; A kanë parametra higjienikë tualetet?”, tregon Mazniku.
Për më shumë klikoni këtu
“Shërbimet e kujdesit social për fëmijët janë shumë të kufizuara. Numërohen vetëm 14 qendra publike të shërbimeve sociale që ofrojnë shërbime për rreth 511 fëmijë. Kapaciteti i këtyre qendrave është jashtëzakonisht i kufizuar: Numri i përgjithshëm i fëmijëve që marrin shërbime është më pak se 3% e fëmijëve me llojet e ndryshme të aftësisë së kufizuar. Përveç kësaj, shërbimet ndihmëse për fëmijët nga familjet më pak të privilegjuara janë gjithashtu në masë të madhe joekzistente”, konstatohet në studimin e “Save the Children”, i cili analizon shpenzimet buxhetore për planin kombëtar të veprimit për të drejtat e fëmijëve në Shqipëri. Sipas tij, çerdhet për fëmijët e moshës 0-3 janë të disponueshme vetëm në qytete, me kapacitet të kufizuar dhe nuk ka shërbime mbështetëse për kujdesin ndaj fëmijëve në zonat rurale.
Për më shumë klikoni këtu
Virna Lisi, aktorja legjendare e kinemasë italiane u shua këtë të enjte në moshën 78 vjeçare. Lisi është vlerësuar si një prej aktoreve më të mëdha të kinemasë italiane.
Virna Lisi vqid si pasojë e një sëmundjeje të pashërueshme. Më 8 nëntor ajo kishte festuar ditëlindjen e saj të fundit, tepër e hidhur për shkak se ishte hera e parë që në krah nuk kishte bashkëshortin Franco Pesci i cili u nda nga jeta në moshën 79-vjeçare në Shtator të vitit të kaluar.
Deri vonë ajo ka luajtur në filma dhe teatro duke mos iu dorëzuar moshës. Por megjithatë, ajo nuk e rimori dot veten pas vdekjes së të shoqit, Franco Pesci, i cili ndërroi jete një vit më parë pas, pas 53 vitesh martesë së bashku.
Numri i njerëzve nga Kosova që kërkojnë azil në vendet e tjera evropiane për shkak të persekutimit për orientimn e tyre seksual është në rritje. Shtetet që konsiderojnë kërkesa të tilla duhet të shohin përtej kushtetutës progresive të Kosovës në krahasim me realitetin mjaft të ndryshëm në terren. (më tepër…)
Kush tha që nuk ka ngjyra atje ku gjithçka mund të duket vetëm gri?
Shikoni këto foto nga Edi Piqoni, në kuadër të konkursit të fotografisë “Historia Ime”.
Ne ftojmë të gjithë qytetarët, të rinj ose jo, profesionistë ose jo të dërgojnë fotot e tyre nga realiteti i përditshëm. Për ne është e rëndësishme jo cilësia profesionale e fotografisë por këndvështrimi I saj dhe aftësia që fotoja mund të ketë për të ngjallur debat, sepse në thelb ky është qëllimi i këtij konkursi që në fund të këtij viti do të shpërblehet edhe me një çmim.
Një histori frymëzuese por edhe e çuditshme është botuar sot nga gazetat britanike, një histori që po të jetë e vërtetë ngjan me një përrallë, ndërsa nëse nuk është e vërtetë, ka të bëjë me një inskenim të përsosur për të fituar para!
“The Mirror” shkruan se një i pastrehë i ka ofruar 3 paund, të vetmet të holla që kishte në xhep, një studenteje që kishte humbur kartën e saj bankare, në mënyrë që ajo të mund të merrte një taksi.
Në mes të natës, vajza me emrin Dominique Harrison-Bentzen, 22 vjeç, kishte mbetur pa lek në xhep dhe kishte humbur edhe kartën bankare. Por u befasua kur një i pastrehë iu afrua dhe këmbënguli që të merrte ato 3 paund.
Vajza nuk i mori, por të nesërmen, e prekur tejmase nga ky gjest bëri vetëm një status në Facebook dhe kuptoi nga reagimet, se në fakt, djali i pastrehë në Preston, me emrin Robbie, kishte ndihmuar shumë njerëz të tjerë. Dikujt i kishte dhënë shallin për t’u mbrojtur nga i ftohti, dikë tjetër e kishte ndjekur për t’i dhënë portofolin që i kishte rënë nga xhepi, e shumë raste të ngjashme.
Dominique vendosi pas kësaj që të kalonte 24 orë me të jashtë, në rrugë për t’i ftuar gjithë njerëzit që të ofrojnë ndihmë në mënyrë që Robbie të grumbullojë mjaftueshëm lekë sa për të gjetur një shtëpi me qëra.
Dominique thotë: “Ai është jashtë që prej 7 muajsh dhe nuk gjen dot punë pasi nuk ka një adresë”. Ky është një rreth i tmerrshëm vicioz: si mund të gjesh punë kur nuk ke një adresë, por si të gjesh shtëpi kur nuk ke një punë?!
“M’u deshën katër ditë duke e kërkuar me makinë nëpër qytet, kohë gjatë së cilës i humba shpresat”, shpjegon studentja. Por me ndihmën e së ëmës që ngiste makinën, arriti ta gjejë Robbie-n dhe nisi në Facebook një fushatë për ngritje fondesh, 12,500 paund të paktën.
Por ashtu siç mund të kuptohet kjo histori ka prekur dhe frymëzuar shumë njerëz aq sa “The Mirror” raporton se kjo shumë është tejkaluar tashmë.
Gazeta në fjalë vendoste dhe një link ku ftoheshin lexuesit të shikonin se deri në çfarë shifre kishin arritur donacionet. “Historia Ime” klikoi disa herë por faqja të njofton se po “përjeton një fluks të madh vizitash”, e për pasojë nuk hapej… Të jetë e vërtetë?
Shkrimi i The Mirror
Në kërkim të një atdheu të ri ku sundon ligji i Sheriatit, një numër xhihadistësh shqiptarë morën me vete gratë e fëmijët dhe u shpërngulën në Siri për të luftuar me al-Qaedën dhe Shtetin Islamik.
Dokumente zyrtare të sigurura nga BIRN zbulojnë se 13 gra dhe 31 fëmijë janë shpërnguluar në Siri dhe një pjesë e tyrë kanë mbetur jetimë, pasi baballarët kanë humbur jetën në front. Nga 31 fëmijët e marrë në Siri nga xhihadistët, 23 janë të mitur. (më tepër…)
Historiaime.al është një zë i pavarur në mbrojtje të të drejtave të njeriut. Ne raportojmë si për shkeljet e të drejtave të njeriut ashtu edhe për histori njerëzore që i promovojnë këto të drejta. Ky projekt synon të ndryshojë qëndrimet jo fort etike karshi të drejtave të njeriut nga ana e medias kombëtare si ajo e shkruar, ashtu edhe ajo vizive dhe media e re online.
