Një ngjarje e çuditshme, e denjë për filmat e Hollivudit, ka për protagoniste një familje shqiptare me banim në Itali. Familja shqiptare me banim në Prato, është shtruar në spital me ankesat se janë të gjithë të pushtuar nga djalli, shkruan gazeta DITA.
TIRANË-Disa shkolla dhe Universitete private e shtetërore do të mbyllen kurse disa institucioneve të tjera arsimore do u pezullohet licenca. Lajmi u bë i ditur sot gjatë aktivitetit në sallën “Iliria” tek Kinoklubi në Qytetin Studenti ku u prezantua Raporti i verifikimit të kritereve të ligjshmërisë në Institucionet e Arsimit të Lartë, publike e private në vend. Në aktivitete morën pjesë ministrja e Arsimit Lindita Nikolla dhe kryeministri Edi Rama.
Më datë 1 Gusht 2014, në orën 19.00, pranë Qendrës Ndërkombëtare të Kulturës, e njohur si Piramida, do të marrë jetë ekspozita që përfaqëson etapën e pare, nga pesë të tilla, të projektit të artit bashkëkohor “ART IN PORT – Coexistence: for a new Adriatic koinè”.
MIRDITE – Rreth 200 banorë dhe punonjës të Mirditës, kanë dalë në protestë paraditen e sotme në HEC-in e Qafë Mollës, ku humbën jetën dy ditë më parë 3 persona si rezultat i kushteve të sigurisë në punë.
Protesta e banorëve dhe punonjësve mësohet të jetë ndaj firmës turke “Efato Glu”, të cilët janë larguar pa dhënë asnjë sqarim për tragjedinë.
Një ditë më parë, u shprehën para kamerave, se kushtet në të cilat punohet në këtë firmë janë ekstremisht të vështira, ku sipas tyre ato nuk plotësojnë as kushtet minimale të sigurisë, çka janë bërë shkak i tragjedisë së paralajmëruar.
Nga ana tjetërvëllai i Ndue Legisit, njërit prej viktimave, pohoi se punëtorët shqiptar trajtoheshin e pagueheshin si skllevër dhe se kushtet e sigurisë në punë linin për të dëshiruar.
Lidhur me këtë ngjarje me porosi të Drejtorit të Inspektoriatit të Punës, Dritan Ylli është ngritur një grup inspektimi nga Tirana të cilët janë nisur drejt vendit të ngjarjes për të hetuar me aksisidentin në galeri.
Të mërkurën e 30 korrikut, shkëputja e një masivi shkëmbor, pas një shpërthimi me dinamit në HEC-in e Qafë Mollës rezultoi fatal për 3 punonjësit, mes të cilëve 2 shqiptarë dhe 1 turk. Pjetër Doda 37 vjeç nga Fani, Ndue Legisi 50 vjeç nga fshati Shebe dhe një punonjës turk, ka qënë duke punuar në tunelin me gjatësi 2000 metra, kur i ka zënë poshtë duke gjetur vdekjen e mënjëhershmë, ndërsa një tjetër punonjës turk ka mundur të shpëtojë.
Firma turke “Efato Glu” që po ndërton këtë hidrocentral mbi lumin fan në Mirditë ka nisur punën prej dy vitësh, ku do të ndërtohet një tunel 2 km i gjatë që do të shërbejë për furnizimin me ujë të këtij HEC-i.
Në këtë kantier janë të punësuar rreth 3 mijë punëtorë, shtetas shqiptarë dhe turq, ndërsa ata shpesh herë kanë dalë në protesta për kushtet e vështira të punës të cilët rrezikojnë jetën e tyre.
Redaksia Online
(e.c/shqiptarja.com)
TIRANE – Ambientalistët kërkojnë moratorium pesë vjeçar për ndalimin e prerjes së pyejeve të pakontrolluara për ngrohje apo qymyr.
“Të ndalohen koncesionet për gjoja dru me pre, të ndalohen koncesionet për gjoja pyje për ngrohje, prandaj ne kërkojmë moratorium 5 vjeçar, minimumi 2 vjeçar si ai që të shkojë bashkë me atë të gjuetisë kur pyjet, parqet njerëzit te jetojnë në atë që quhet një simbol i egër natyror.” u shpreh Sazan Guri
Qytetarë nga zona të ndryshme të Shipërisë, si Korça, Përmeti, Skrapari, Fieri dhe Dibra protestuan përpara Ministrisë së Mjedisit për shkatërrimin e mjedisit nga prerjet e paligjshme të pyjeve.
Ata i kërkojnë ndihmë qeverisë për marrjen e masave që të ndalojnë druvarët dhe të vihen përpara drejtësisë.
Redaksia Online
(e.c/shqiptarja.com)
Personat me aftësi të kufizuar nuk kërkojnë vetëm t’u jepet mundësi punësimi, por t’u ofrohet një punë që ata mund ta bëjnë. Sipas tyre kjo gjë duhet të nisë që në zyrat e punës, ku për këtë kategori duhet të ketë edhe një vlerësim individual.
Izraeli nuk duket se do të ndalet deri sa të eliminojë, ose të reduktojë në minimum kapacitetet dhe infrastrukturën e Hamasit. Manovra e organizatës për t’i deleguar rivalit Mahmoud Abbastë Al-Fatahut të drejtën e ndërmjetësimit nuk ka funksionuar dhe sot u bë e ditur se Tel-Avivi ka mobilizuar edhe 16 mijë rezervistë.
TIRANE- Këtë vit pritet të ulen për herë të parë në auditorët e universiteteve publike rreth 20 mijë studentë. Ose e thënë ndryshe rreth 11 mijë studentë më pak se vitin e kaluar, kur në universitete u pranuan plot 31 mijë studentë.
Sipas propozimeve të bëra nga Ministri e Arsimit të cilat së shpejti do të marrin edhe firmën e qeverisë, në të gjitha universitetet e vendit është parashikuar të pranohen 19,726 studentë.
Nga këto 19,166 janë kuotat e pranimeve të reja për programet e studimit të ciklit të parë, në programet e studimeve jouniversitare profesionale, si dhe për programet e integruara të studimit të ciklit të dytë.
Marrë nga Shqiptarja.com
Për javë të tëra media ka pasqyruar debatet, përgjigjet, replikat dhe kundërpërgjigjet për reformën administrative. Por asnjëherë publiku nuk është lehtësuar në përcjelljen e informacionit bazë të kësaj reforme: si do të jetë harta e re administrative konkretisht?
TIRANE – E ndërsa skandali i vjedhjes së thesarit të Bankës së Shqipërisë në vlerën e 713 milionë lekëve të reja vazhdon, Policia e Shtetit ka arrestuar edhe 4 persona të tjerë mbrëmjen e sotme, të dyshuar si bashkëpunëtorë i dy të arrestuarve të mëparshëm Ardian Bitraj dhe Mimoza Bruzia, ndërsa janë shpallur në kërkim edhe dy të tjerë.
Mësohet se në pranga të policisë kanë rënë Dhimitër Kavidhi , Myzejene Delta dhe Lavdim Canaj, që të tre punonjës të Bankës së Shqipërisë, ndërsa i arrestuari i katërt është nipi i Ardian Bitrajt, Klevis Bitraj
Arrestimi i tyre, erdhi pasi Prokuroria e Tiranës kishte lëshuar gjashtë urdhër arrestepër skandalin e vjedhjes së thesarit të BSH. Ndërkohë deri më tani nuk dihet ende identiteti i personave të shpallur në kërkim, ndërsa policia po punon për kapjen e tyre. /shqiptarja.com/
115 mijë e 759 nënshkrime janë mbledhur për peticionin “Kërkojmë Drejtësi Ndërkombëtare për Gratë e Dhunuara gjatë Luftës së fundit në Kosovë”
Edita Tahiri gjatë një konference për media tha se me këta nënshkrime qytetaret treguan sa shumë ndjejnë dhimbje për ketë tragjedi që i ka ndodhur Kosovës.
Ajo tha se janë në biseda me zyrtarët e OKB-së për ta dërguar peticionin në këtë organizatë.
Tahiri tha se ajo ka dërguar një dokument në BE për dialogun me Serbinë dhe në kuadër të këtij dialogu do të jetë edhe dhunimi i grave.
Ajo tha se i pret një punë e madhe për sensibilizimin e grave të dhunuara. Po ashtu, për këtë peticion janë dhënë edhe mjete financiare nga kompani të ndryshme
Marrë nga gazetaekspress.com
Tragjedia e ndodhur dje në HEC-in e Qafë Mollës në Mirditë ishte e paralajmëruar.
Kjo, për shkak të kushteve mesjetare në të cilën punonjë atje.
Dëshmia e një punëtori të këtij HEC-i tregon se shteti ka qenë komplet jashtë loje.
Askush nuk vinte t’i kontrollonte, ndërkohë që punëtorët ishin të pasiguruar.
Por, fakti më i rëndë ka të bëjë me policinë.
Kjo e fundit është përdorur nga firma turke kundër punëtorëve.
Dëshmitari thotë se sa herë ata protestonin, vinte grupi i gatshëm i policisë për t’i detyruar të vazhdonin punën.
“Si rregull, ne duhet t’i kishim bërë me harqe, por me harqe kjo firmë , që nuk poi ze emrin se është firmë banale, nuk e kanë bërë punën që ishte për t’u bërë.
Faji është krejt i inxhinjerit dhe atij përfaqësuesit të firmës. Të jesh nën 1600 m pa asnjë lloj harku, pa asnjë hekuri,kjo është çmenduri.
Është çmenduri e shtetit tonë që nuk merr masa të kontrollojë çfarë firmash vijnë këtu. Nuk ka asnjë lloj sigurie.
Asnjeri prej punëtorëve nuk është i siguruar. Asnjeri.
Unë kam nëj vit e gjysëm këtu dhe nuk kam parë asnjë inxhinjer shqiptar apo përfaqësues të shtetit të vijë të kontrollojë se çfarë bëjnë firmat këtu.
Të gjithë janë të rrezikuar.
Kemi bërë protestë, por vjen grupi i gatshëm e të “merr me hu” mbrapa e të nxjerrin dhe përjashta. Ka pasur edhe herë të tjera incidente.
Ka qënë një punëtor nga Gjegjani, por për fat të mirë shpëtoi. Ka qënë edhe një tjetër që ka 6 muaj me hekura në këmbë dhe raportin nuk ia kanë punuar.
Firma turke i fsheh këto fakte, përderisa nuk vjen askush këtu të pyesë si punoni e ku punoni. Kam një vit e gjysëm këtu e nuk kam parë një shqiptar të vijë të pyesë se çfarë pune bëhet këtu”, thotë ai./b.l
Marrë nga gazetadita.al
Rreth 1200 familje janë përjashtuar nga ndihma ekonomike në Bashkinë e Elbasanit dhe me qindra të tjera në bashkitë dhe komunat e po këtij qarku.
Ilda Hoxha
Prova e parë dhe më e rëndësishme e Inspektoratit Shtetëror Shëndetësor, i cili parimisht funksionon me vendim qeverie, që prej vitit 2011, praktikisht nisi dje, për herë të parë, detyrën për të cilën është ngritur.
Kryeministri i vendit Edi Rama ka qenë sot i pranishëm dhe ka folur takimin e zhvilluar për analizën e 300 ditëve të Ministrisë së Arsimit.
Historiaime.al është një zë i pavarur në mbrojtje të të drejtave të njeriut. Ne raportojmë si për shkeljet e të drejtave të njeriut ashtu edhe për histori njerëzore që i promovojnë këto të drejta. Ky projekt synon të ndryshojë qëndrimet jo fort etike karshi të drejtave të njeriut nga ana e medias kombëtare si ajo e shkruar, ashtu edhe ajo vizive dhe media e re online.
