Nga Kristi Pinderi
Kur Fondacioni Gjirokastra nisi të punonte për ndërtimin e një muzeumi kronologjik dhe tematik për luginën e Drinosit, vështirësitë ishin gjigande. Shoqëria civile dhe studiuesit ishin bërë bashkë, por zyrtarët e qeverisë ishin një pengesë, për fat të keq, jo një lehtësim për atë ide.
Nga Olsi Sherifi
Sa shumë zhurmë që ka patur në lagjen e ”shisheve dhe tapave” (quhej kështu për shkak të shisheve dhe tapave të shumta që gjendeshin kudo) , në këtë lagje jehonte muzika rome sikur kishte një duel midis fqinjëve se muzika e kujt dëgjohej më shumë .
Këto skena ndodhin pasi kthehen nga tregu të lodhur dhe të raskapitur duke u munduar të gjejnë qetësinë nëpërmjet zhurmave të magnetofonit të tyre. Gjatë perëndimit të diellit , në rrugë sheh njerëzit që shëtisin sa andej-këtej për të harruar për një moment problemet që nuk u kanë të mbaruar. Gjallëria dukshëm është tipar i lagjeve të varfra, ndryshe nga lagjet e pasura, të mërzitshme deri në kockë ngaqë nuk pipëtin asgjë.
Nga Dhjetori 2010, shqiptarët fituan të drejtën për të lëvizur në zonën Schengen pa viza. Gjithmonë flitej që do të vinte një kohë e keqe e cila do të shuante çdo gjë pozitive që kishte lindur brenda këtij komuniteti .
Nisin kështu lëvizjet e para jashtë kufijve të Shqipërisë në drejtim të Francës dhe Gjermanisë, nuk bëhej fjalë për të vizituar të afërmit apo për ndonjë vizitë turistike, por për të kërkuar azil. Dita ditës, ky komunitet ishte drejt rënies nga gjendja ekonomike, edhe pse pothuajse çdo familje merrej me biznes ose punë informale sepse nuk i ofroheshin hapësira të tjera këtij komuniteti . Ata drejtoheshin nëpër institucione për të kërkuar ndihmë por askush nuk i zgjaste dorën për ti ndihmuar.
Në këto vite kur po luftohej kundra skamjes , një pjese e madhe e këtij komuniteti iu ndërpre ndihma ekonomike, një pjese te vogël që ishte e punësuar me pagë mujore e njëjta gjë edhe me këta , i kanë pushuar nga puna . Të gjithë ishin të shqetësuar se si mund të fitojnë para për të nxjerrë bukën e gojës , e vetmja mënyrë ishte mbledhja e mbetjeve të riciklueshme. Jetesa e tyre në lagjen e ” shisheve dhe tapave ” pothuajse ishte e pamundur, aty flitej vetëm Gjermani – Francë. Në qoftë se do të ishte ndonjë kalimtar i rastit do të mendonte se po flitej për kampionatin botëror, por jo! Ata po flasin se si të largohem nga Shqipëria për të kërkuar azil në Francë ose Gjermani. Një pjesë filloi të shesë orenditë e shtëpisë, pjesa tjetër merrte hua nga të afërmit e tyre.
Informacionet që merrnin nuk ishin dhe aq të sigurta , për ta gjëja e parë e rëndësishme ishte të gjenin paratë e më pas të largoheshin mes lotëve sepse jo të gjithë kishin mundësinë për tu larguar, dhe kjo mbase do të ishtë një lamtumirë dhe e vetmja mënyrë komunikimi ishte vetëm nëpërmjet skype, sepse nëpërmjet celularit ose telefonit nuk mund të flisnin sepse ishte goxha shtrenjtë për të komunikuar siç ishin mësuar njerëzit këtu në Shqipëri.
Mesa duket lagjeja ra në qetësi, mungon paksa ai ahengu rom, lëvizje të shumta nuk ka, vetëm dëgjon të qara që vijnë nga pallatet, nuk është se po qajnë fëmijët por të rriturit që po ndjejnë mungesën e të afërme të tyre sepse ishte një lamtumirë dhe jo një mirupafshim . Informacione tëreja vinin nga Franca, në lagje flitej se Franca nuk pranon më azilant nga Shqipëria, destinacioni i vetëm ishte Gjermania dhe kjo për ta cilësoheshe si shpetimi nga skamja dhe fillimi i një jete të re. Ata thonë se Shqipëria për ne ishte vetëm një ëndërr e keqe, zgjimi filloi tek mberritja në tokën Gjermane.
Nëse për Gjermaninë objektivi do të ishte që të shpallej kampion bote, për këtë komunitin rom objektivi i tyre ishte që nga një azilant të kalonin në shtetas Gjerman që të qëndronin larg paragjykimeve, larg skamjes duke bërë një jetë normale si shtetas Europian.
Edhe Ministria e Mirëqënies Sociale ka bërë analizën e 300 ditëve të para. Drejtuesi i këtij dikasteri, Erjon Veliaj ka deklaruar se në këtë periudhë janë riparuar skemat e ndihmave për shtresat në nevojë, me të cilat sipas tij abuzohej në të kaluarën.
Nga Olsi Sherifi
Sa shumë zhurmë që ka patur në lagjen e ”shisheve dhe tapave” (quhej kështu për shkak të shisheve dhe tapave të shumta që gjendeshin kudo) , në këtë lagje jehonte muzika rome sikur kishte një duel midis fqinjëve se muzika e kujt dëgjohej më shumë.
Isa Mustafa, kreu i Lidhjes Demokratike të Kosovës, është zgjedhur Kryetar i ri i Parlamentit të Republikës së Kosovës.
Për të votuan 65 deputetë, Vetëvendosje abstenoi, ndërkaq në sallë ishin 82 deputetë.
Ministri i Drejtësisë Nasip Naço ka reaguar sot ndaj deklaratave të djeshme të gjyqtarit Gjin Gjoni, sipas të cilit, ndaj tij po bëhen presione. Naço është përgjigjur me një ton jo të zakonshëm duke lënë të kuptohet se rruga e nisur për të bërë ndryshime në KLD nuk mund të mbyllet. “Gjini është aq i vogël sa nuk e mbulon dot diellin me shoshë. “Nuk kam asgjë personale me të, ai e ka me veten dhe pasurinë e tij. Pyetja i bëhet për pasurinë, ai përgjigjet për presione e makinacione. Ai fliste për presione ndaj biznesve të familjes se tij, kur thotë që ministri ishte i paaftë të provonte akuzat. Del e thotë që kryeministri bën presion e po vë gjoba ndaj bizneseve të familjes se tij, që tregon konflikt të hapur interesi ndaj detyres si anëtar i KLD-së dhe gjyqtar”, ka thënë Naço që ka bërë thirrje direkte për Gjonin: “Të tregojë si e ka fituar pasurinë, të mos flasë për presione e shantazhe”.
http://www.panorama.com.al/2014/07/17/naco-gjoni-i-vogel-se-mbulon-dot-diellin-me-shosh-letra-e-kld-jo-serioze-politike/
s.z
Marrë nga ResPublica.al
Fatos Lubonja shkruan sot në “Panorama” një opinion të gjatë që përqendrohet në çështjen e reformës në drejtësi dhe të gjithë garniturën e debateve që po zhvillohen aktualisht. Lubonja thotë se argumenti më i vlefshëm, ai ku duhet të shohim të gjithë, nuk është procesi për reformën në vetvete, por aktorët që janë pas saj, pra të dyja partitë kryesore, pasi duke kuptuar ata, mund të marrim me mend edhe sesi do të shkojë vetë reforma.
Rreth 300 milionë dollarë më tepër janë futur në Thesarin e Shtetit në periudhën tetor-qershor, krahasuar me një vit më parë. Kjo përbën një rritje prej 13%, ndërkohë që rritja ekonomike në këtë nëntëmujor ka qenë rreth 1.4% dhe rritja mesatare e çmimeve rreth 1.6%.
Por kjo rritje e ndjeshme e të ardhurave në tërësi nuk është shoqëruar edhe me rritjen e të ardhurave nga akcizat në periudhën tetor-qershor – përkundrazi, ato pësuan një ulje prej 2%, krahasuar me një vit më parë. Akcizat grumbullohen nga Drejtoria e Doganave në masë fikse për njësi (pavarësisht nga çmimi) për mallra, si kafe, birrë, cigare dhe karburante.
E.Zaloshnja
Marrë nga ResPublica.al
Shkak, mosedukimi i mjekeve. 28 rekomandimet per shendetesine shqiptare
Beci – “Të dhënat e prezantuara nga Banka Botërore cekin disa plagë të sistemit farmaceutik në Shqipëri dhe të gjithë ne, së bashku me Ministrinë e Shëndetësisë, po marrim masa për përmirësimin e situatës.
“Duam buke. Duam qe Kryeministri te na gjeje zgjidhje”
Një ditë pas vendimit të Task-Forcës, të ngritur nga prefekti Sadi Vorpsi dhe Bashkia e Tiranës, shitësit e tregut tek ish-uzina “Dinamo” nisin protestat. Për rreth dy orë, mëngjesin e djeshëm, ata bllokuan hyrjen kryesore të këtij tregu, duke kundërshtuar mbylljen që, sipas tyre, është e padrejtë. Në shenjë revolte, ata vendosën kazanë me mbeturina në hyrje të tregut, duke bllokuar edhe rrugën kryesore, ku mundësia për lëvizjen e makinave u bë gati e pamundur. Në një situatë si kjo, u desh ndërhyrja e forcave të policisë, të cilët u munduan të bindnin tregtarët të zhbllokonin rrugën.
Kristi Pinderi
Një ngjarje e turpshme ka ndodhur në Muzeun e ri të Gjirokastrës. 13 armë të shekujve 17 dhe 19 që ishin të ekspozuara në një prej vitrinave më të bukura të këtij muzeu të hapur pak kohë më parë janë vjedhur! (Ne foto lart armet)
Ilda Hoxha
Shoqata e Personave të Verbër u është drejtuar me një peticion institucioneve, për të kundërshtuar miratimin e ligjit “Për përfshirjen dhe aksesueshmërinë e PAK”. Në këtë peticion thuhet se ky projektligj është në dëm të tyre dhe i panevojshëm. Ndër të tjera theksohet se miratimi i këtij ligji bie në kundërshtim dhe bën të pamundur implementimin real të Kushtetutës së Shqipërisë. Gjithashtu, sipas peticionit të kësaj shoqate, ligji dëmton deri në zhbërjen e aftësisë së kufizuar dhe realizmin e përfaqësimit në përputhje me përcaktimet në konventën e OKB-së për rolin qendror të organizatave të personave me aftësi të kufizuara. Një tjetër pikë që personat me aftësi të kufizuara kundërshtojnë lidhet me përjashtimin e organizatave të PAK nga përfaqësimi dhe ofrimi i shërbimeve, që sipas tyre krijon premisa të forta për abuzim dhe korrupsion me fondet publike dhe të donatorëve. Ata kanë kërkuar rrëzimin e këtij ligji dhe ndërtimin e një strategjie të re për të mundësuar implementimin e dispozitave të veçanta të OKB-së me ndërhyrjen në legjislacionin aktual. Sipas tyre është absurd ndërtimi i një ligji përballë një konvente të tillë si ajo e PAK. Nëpërmjet peticionit, ata kanë kërcënuar se do ta kundërshtojnë në mënyrë institucionale brenda dhe jashtë vendit, si edhe duke organizuar protesta dhe çdo formë tjetër të rezistencës.
Në projektligjin “Për përfshirjen dhe aksesueshmërinë e personave me aftësi të kufizuara” një pikë i kushtohet përkufizimit që u bëhet këtyre personave në ligjin “Për ndihmën dhe shërbimet shoqërore”. Sipas projektligjit, ky përkufizim është përmbyllës. Aktualisht, personi me aftësi të kufizuara përshkruhet në ligjin “Për ndihmën dhe shërbimet shoqërore” si: “Një individ, i cili ka humbur një aftësi për shkak të një dëmtimi fizik, shqisor, intelektual, psiko-mendor, qoftë të lindur qoftë të shkaktuar gjatë ciklit të jetës, si rezultat i një aksidenti dhe sëmundjeje të përhershme ose të përkohshme, të cilat nuk lidhen me punësimin”. Sipas projektligjit “Për përfshirjen dhe aksesueshmërinë e PAK” ky përkufizim nuk përkon me atë të KDPAK-së dhe, si rrjedhojë, duhet të ndryshohet. Ndryshimet konsistojnë në pajtueshmërinë me Konventën, veçanërisht për të pasqyruar faktorët dhe barrierat sociale, si dhe për të qenë në përputhje me modelin biopsikosocial të dëmtimeve, për të cilin Organizata Botërore e Shëndetësisë bazon vlerësimet e saj. Sipas tyre është absurd ndërtimi i një ligji përballë një konvente të tillë si ajo e PAK. Nëpërmjet peticionit, ata kanë kërcënuar se do ta kundërshtojnë në mënyrë institucionale brenda dhe jashtë vendit, si edhe duke organizuar protesta dhe çdo formë tjetër të rezistencës. Disa nga parimet e këtij projektligji që po kundërshtohet janë edhe aksesueshmëria e vendimmarrja. Në lidhje me aksesueshmërinë thuhet se personat me aftësi të kufizuara të kryejnë detyrat dhe punët që kërkohen në arsim, punësim dhe mjedise të tjera. Një akomodim për ta është krijimi i kushteve dhe hapësirës së nevojshme, në mënyrë që të ndihen të barabartë me pjesën tjetër të shoqërisë. Ndërkohë, në lidhje me vendimmarrjen cilësohet se kujdestaria është e destinuar të dështojë edhe pse është një përpjekje që ka një qëllim të mirë. Ata sugjerojnë krijimin e strukturave të veçanta, shkollave të veçanta për t’i nxjerrë personat me aftësi të kufizuara nga harresa e plotë.
Marrë nga gazeta-shqip.com
“Çdo fëmijë rom do të regjistrohet në kopsht, pavarësisht nëse e ka ose jo në momentin e regjistrimit, certifikatën e lindjes dhe certifikatën e vaksinimit”. Kështu deklaroi dje, ministrja e Arsimit, Lindita Nikolla, e cila premtoi se qasja përballë komunitetit rom, nga ana e institucioneve do të ndryshojë tërësisht. Sipas saj, fëmijët romë do të regjistrohen në kopshte e shkolla, pavarësisht nëse e zotërojnë ose jo certifikatën e lindjes apo të vaksinimit, pasi këtë procedurë, është e vendosur që ta ndjekë Ministria e Arsimit në bashkëpunim me institucionet e tjera shtetërore. Kjo do të thotë që MAS, në bashkëpunim me strukturat e tjera, jo vetëm që do të nxisin fëmijët romë, të ndjekin kopshtin e shkollën, por edhe do t’i pajisë ata me certifikatë lindje, në rastet kur nuk i kanë ose do t’i vaksinojë. Kështu, prindërit e fëmijëve të tjerë nuk kanë pse shqetësohen sepse procedurat do të ndiqen me përpikëri, ndërsa fëmijët do të bëhen pjesë e këtyre institucioneve, pas përfundimit të tyre.
“Ne nuk do të presim që nënat rome të trokasin në dyert e institucioneve, por do të jenë edukatorët, mësuesit, do të jem unë që do të trokas pranë familjeve të komunitetit rom për të sqaruar se sa e rëndësishme është pjesëmarrja dhe regjistrimi i fëmijëve në kopshte”, theksoi Nikolla, dje, e pranishme në forumin “Çdo fëmijë rom në kopsht”, organizuar në kuadër të politikave përfshirëse që kopshtet dhe shkollat duhet të ndjekin për integrimin e fëmijëve romë në arsimin parashkollor.
Ndërkohë, sipas të dhënave nga Ministria e Arsimit mësohet se viti i ri shkollor do të nisë më datë 15 shtator, njësoj si një vit më parë. Referuar faktit që kurrikulat dhe programet shkollore të vendit do të unifikohen me ato të Kosovës, pritej që shkollat të çelnin dyert zyrtarisht më datë 1 shtator, siç prej vitesh ndodh në Kosovë. Por, burime në Ministrinë e Arsimit bëjnë me dije se kjo nuk është e mundur të ndodhë, për shkak të sezonit turistik në vend. Sh.Me
Marrë nga gazeta-shqip.com
Si aplikohet për Ndihmën Ekonomike në qarqet e projektit pilot?
Ku duhet të drejtoheni për të kerkuar Ndihmën Ekonomike?
Ndihma Ekonomike kërkohet pranë komunës apo bashkisë ku jetoni dhe keni gjendjen civile.
Punonjësi përgjegjës për marrjen e kërkesës suaj është administratori shoqëror.
Kur duhet bërë kërkesa herën e parë?
Kërkesa bëhet nga data 1-10 të cdo muaji. Në rast se kërkesa plotësohet mbas 10 (dhjetë) ditëve
të para ajo ruhet dhe bëhet e vlefshme për muajin pasardhës.
Si plotësohet kërkesa herën e parë?
Kërkesa plotësohet sëbashku me administratorin shoqëror në momentin e dorëzimit të
dokumenteve, në prezencë të të dy bashkëshortëve, përveçse rasteve kur janë në proces
zgjidhjeje martesore, ose kur kërkuesit janë jetimë, viktima të trafikimit ose viktima të dhunës në
marrëdhënie familjare.
Mbasi plotësohet kërkesa, ju keni të drejtë të kontrolloni informacionin e hedhur nëse nuk është i
saktë dhe të kërkoni që të ndryshohet.
Kur kërkesa është e plotësuar në mënyrë të saktë ju duhet ta nënshkruani dhe administratori
shoqëror do t’ju japë një kopje të faqes së parë të kësaj kërkese.
Çfarë përmban kërkesa?
Kërkesa përmban një sërë pyetjesh, të cilat kanë për qëllim vlerësimin e gjendjes reale
ekonomike. Këto pyetje kanë të bëjnë me numrin e anëtarëve të familjes, arsimimin dhe
punësimin e tyre; llojin e banesës, pasuritë dhe objekte të tjera në pronësi, si dhe të ardhura nga
programet e mbrojtjes shoqërore dhe të ardhurat e tjera.
Çfarë dokumentesh duhet të dorëzoni bashkë me kërkesën e parë për Ndihmë Ekonomike?
Dokumentet që duhet të dorëzoni tek administratori shoqëror për kërkesën e parë për Ndihmë
Ekonomikejanë sipas rasteve më poshtë:
1. Familjet pa të ardhura ose me të ardhura të pamjaftueshme:
Kopjen e kartave së identitetit të të gjithë anëtarëve të familjes që kanë karta identiteti;
Çertifikatën familjare që lidhet të gjithë ata persona që janë pjesë e së njëjtës gjendje
familjare;
Çertifikatën e pronësisë, të lëshuar nga Zyra e Regjistrimit të Pasurive të Paluajtshme
apoaktin e marrjes në pronësi ose në përdorim të tokës (tapinë e tokës), për zonat ku
regjistrimi i pronësisë nuk ka përfunduar ende;
Familjet me fëmijë nën moshën madhore edhe:
– vërtetim mbi frekuentimin e shkollës për fëmijët që ndjekin arsimin e detyrueshëm,
– dëftesën e kalueshmërisë,
– kalendarin e kryerjes se vaksinave për fëmijët.
* Në rastet kur bashkëshortët janë nëproces zgjidhjeje martese dhe ende nuk ka një vendim gjykate të formës së prerë, dokumentacioni paraqitet i ndarë nga secili bashkëshort. Në këtë rast
duhet që të dorëzohet edhe vërtetimi i gjykatës që bashkëshortët janë në proces zgjidhjeje
martesore.
** Në rastet kur një ose më shumë anëtarë të familjes janë me aftësi të kufizuar ose invalidë
duhet që të dorëzohet edhe kopje e vërtetimit të Komisionit Mjekësor të Caktimit të Aftësisë për
Punë.
2. Jetimët që nuk janë në institucione të përkujdesit shoqëror:
Kopjen e kartës së identitetit;
Çertifikatën familjare;
Kopjen e noterizuar për statusin e jetimit, sipas kërkesave të parashikuara në ligjin “Për
statusin e jetimit”, të ndryshuar;
3. Prindërit e fëmijëve të lindur trinjakë e më shumë njëherësh, që u përkasin familjeve
në nevojë:
Certifikatën familjare;
4. Viktimat e trafikimit pas daljes nga institucionet e përkujdesjes shoqërore deri në çastin
e punësimit:
Kopjen e kartës së identitetit;
Certifikatën familjare;
Vërtetimin e trajtimit në institucionet e përkujdesjes shoqërore të lëshuar brenda 30 ditëve të
fundit;
5. Viktimat e dhunës në marrëdhënie familjare, për periudhën e vlefshmërisë së urdhrit
të mbrojtjes ose të urdhrit të menjëhershëm të mbrojtjes:
Kopjen e kartës së identitetit;
Certifikatën familjare;
Urdhrin e mbrojtjes ose urdhrin e menjëhershëm të mbrojtjes të lëshuar nga gjykata;
*Në çdo rast, administratori shoqëror mund t’ju kërkojëdokumente të tjera të nevojshme, për të
përcaktuar të ardhurat familjare.
A verifikohen dokumentet dhe informacioni që jepet gjatë plotësimit të kërkesës?
Po, dokumentacioni dhe informacioni i dhënë gjatë plotësimit të kërkesës verifikohet në mënyrë
elektronike me institucionet e tjera shtetërore, si dhe fizikisht në vendbanim. të paktën dy herë në
vit.
Në rast të deklaratave të rreme, kërkesa për Ndihmë Ekonomike nuk do të pranohet.
Po kur ka mungesa në dokumentet ose në plotësimin e kërkesës për herë të parë?
Në rastet kur ka mungesa në dokumentet e nevojshme për të bërë kërkesën, ose në informacionin
e nevojshëm për plotësimin e kërkesës, administratori shoqëror duhet t’ju njoftojë, duke ju dhënë
edhe një listë të mungesave. Në rast se ju nuk mundeni të plotësoni mungesat në dokumentacion dhe informacion brenda 10 (dhjetë) ditëve të para të muajit, atëherë kërkesa juaj ruhet për muajin pasardhës. Administratori shoqëror duhet t’ju ruajë kërkesën e çelur bashkë me dokumentacionin e dorëzuar deri në 30 (tridhjetë) ditë.
Në rast se ju nuk plotësoni dokumentacionin dhe informacionin brenda 30 (tridhjetë) ditëve,
atëherë administratori shoqëror ka të drejtë ta anullojë kërkesën.
Kur përjashtohesh nga Ndihma Ekonomike?
Nga Ndihma Ekonomike mund të përjashtohesh nëse:
Dokumentacioni ose informacioni i dhënë gjatë plotësimit të kërkesës rezulton i rremë pas
kontrollit në mënyrë elektronike me institucionet e tjera shtetërore dhe të verfikimit fizik në
vendbanim.
Ju nuk pranoni të intervistoheni në vandbanimin e deklaruar pas dy njoftimeve të bera nga
administratori.
Një prej anëtarëve të familjes ndahet qëllimisht nga trungu familjar pa krijuar një kurorë të
re, përveç rasteve të vajzave nëna;
Si përzgjidhesh si përfitues i Ndimës Ekonomike?
Mbas mbylljes së aplikimeve sistemi elektronik, mbasi kontrollon dhe peshon informacionin në
dokumentacionin dhe kërkesëns e paraqitur pranë administratorit shoqëror, përcakton renditjen
për të qenë përfitues ose jo të Ndihmës Ekonomike.
Si lajmërohesh nëse je përzgjedhur?
Ju mund të kërkoni informacion për pranimin apo refuzimin e saj pranë komunës apo bashkisë
tuaj,në përfundim të muajit për të cilin kërkesa juaj është e vlefshme.
Kush ka të drejtë të tërheqë dhe pagesën e Ndihmës Ekonomike?
Pagesa e Ndihmës Ekonomike tërhiqet nga bashkëshortja e familjes në nevojë dhe nga vetë
individi në nevojë.
Ku tërhiqet Ndihma Ekonomike?
Pagesa e Ndihmës Ekonimke tërhiqet pranë zyrave të postës ose sporteleve të bankave.
Çfarë duhet bërë për të vazhduar marrjen e Ndihmën Ekonomike mbasi jam përzgjedhur?
Të dy bashkëshotët duhet të paraqiten çdo 3 (tre) muaj pranë bashkisë apo komunës ku jetojnë
dhe kanë gjendjen civilë dhe sëbashku me administratorin shoqëror të plotësojnë një deklaratë,
mbi çdo ndryshim të situates së tyre, nëse ka ndryshuar.
Në përfundim të 2 (dy) viteve nga plotësimi i kërkesës së parë, ju duhet të dorëzoni sërish
dokumente për situatën tuaj shoqërore ekonomike dhe të plotësoni sërish kërksën e plotë.
A mund të përfitoj shtesa në Ndihmë Ekonomike?
Po, me anë të ndjekjes së rregullt të arsimit të detyrueshëm dhe kryerjes së kalendarit të
vaksinimeve nga fëmijët e familjes, mund të ketë shtesa në pagesën e Ndihmës Ekonomike.
A kushtëzohet Ndihma Ekonomike?
Po, marrja e Ndihmës Ekonomike kushtëzohet nëpërmjet marrjes pjesë në punë apo shërbime
komunitare të personave në moshë pune, anëtarë të familjes.
Po nëse je përzgjedhur sipas mënyrës së mëparshme?
Në këtë rast, dosja juaj është e plotësuar tashmë pranë administratorit shoqëror dhe ju duhet të
aplikoni sipas mënyrës së re elektronike.
Po nëse ndryshohet vendbanimi?
Në rastet kur ju ose familja juaj ndryshoni vendbanim, krahas ndryshimit të gjendjes civile,
transferohet edhe dosja e ndihmës ekonomike në bashkinë apo komunën e re, e cila duhet të jetë
brenda qarqeve të Tiranës, Durrësit ose Elbasanit.
Në rast se vendbanimi juaj i ri nuk është në këto qarqe, atëherë kërkesa juaj duhet të bëhet sipas
mënyrës së mëparshme.
A mund tëankohesh nëse nuk përzgjidhesh?
Në rastet kur kërkesa juaj është refuzuar, ju duhet të kërkoni pranë bashkisë apo komunës tuaj
informacion për arsyet e refuzimit.
Ju keni të drejtën për të ankimuar me shkrim te Drejtori i Zyrës Rajonale të Sherbimit Social
Shtetëror, i cili ju njofton me shkrim per vendimine marrë. Më pas ju keni të drejtën të ankimoni
në gjykatë vendimin për refuzim të Ndihmës Ekonomike.
Marrë nga: http://www.sociale.gov.al/al/newsroom/deklarata-per-shtyp/shqiperiadhuron-si-aplikohet-per-ndihmen-ekonomike-ne-qarqet-e-projektit-pilot
Ish-kryeministri Sali Berisha doli para mediave për të bërë “analizën e analizës” së 300 ditëve të para të qeverisë Rama, të cilat i quajti 300 ditët e mashtrimit, pasi sipas tij qeveria nuk ka mbajtur asnjë nga premtimet e bëra gjatë fushatës elektorale. Berisha tha se 300 ditësh shqiptarët janë më të varfër, më të pasigurt, më të papunë. Ish kryeministri i mori të gjiithë sektorët me rradhë për të ekspozuar difektet, ndërkohë që sipas tij “kurrë në histori institucionet nuk janë pushtuar nga delinkuentë, vrasës, përdhunues, pengmarrës”. Megjithatë, çdo pohim i Berishës ka një “por” të madh nga prapa.
-Rama premtoi shëndetësi falas, sot nuk u bë por u korruptua më shumë sistemi, tha Berisha. Fakti është që sot në spitale gjen ilaçe si asnjëherë gjatë tetë viteve.
-Premtoi legalizime falas. Sot për të legalizuar banesën paguajnë dy herë më shumë, për çmimin e tokës dhe të tjera, tha Berisha. Fakti është që qeveria e tij nuk e mbaroi kurrë procesin, përkundrazi vala e ndërtimeve pa leje kaloi në epidemi.
-Berisha akuzoi deputetin e PS-së Koço Kokëdhima se ka monopolizuar naftën. “Nafta është bërë Koç dhe Koçoja është bërë naftë. Sot është Koçoja Bajloz i naftës”, tha ai. Me metaforën e ish kryeministrit mund të bjerë dakord shumëkush, por fakti është që për herë të parë pas kaq kohësh, Albpetrol kontribuoi në arkën e shtetit.
-S’jam as profet as Kasandër por pasojat e tmerrshme të borxhit 74% mbi shpatullat e shqiptarëve, bashkë me pasojat korruptive të CEZ fillojnë vitin që vjen dhe do jenë një gur i rëndë varur në qafën e çdo shqiptari, tha Berisha. Megjithëse nuk do të bëjë Kasandrën, ish kryeministri ka një vit që flet për skenarin grek, ndërkohë që me “pasojat korruptive të CEZ” bën një autogol të madh, sepse privatizimi i dështuar ishte vepër e tij.
a.k
Marrë nga ResPublica.al
Historiaime.al është një zë i pavarur në mbrojtje të të drejtave të njeriut. Ne raportojmë si për shkeljet e të drejtave të njeriut ashtu edhe për histori njerëzore që i promovojnë këto të drejta. Ky projekt synon të ndryshojë qëndrimet jo fort etike karshi të drejtave të njeriut nga ana e medias kombëtare si ajo e shkruar, ashtu edhe ajo vizive dhe media e re online.
