Mbipopullimi në sistemin e burgjeve vazhdon të jetë problematik, fatkeqësisht, edhe pas punës së lavdërueshme të Shërbimit të Provës, por edhe pas zbatimit të ligjit për amnistinë, mbipopullimi në sistemin e burgjeve vazhdon të jetë problematik. Kështu u shpreh Kreu i Prezencës së OSBE në Tiranë Florian Rauning.
Deputetja e Partisë Demokratike, Jozefina Topalli, e ftuar në “Studio e Hapur” të gazetares Eni Vasili, deklaroi se gjatë procesit të ripërtëritjes, është shmangur i gjithë zinxhiri i drejtimit të selisë blu.
*Titulli redaksional
Etleva Nallbani shkruan per revisten JAVA: A do gjejmë forcën dhe aftësinë të zbërthejmë deri në fund këtë masakër trashëgimie duke nxjerrë përgjegjësinë juridike e morale të aktorëve të saj, për tu shkëputur një herë e mirë nga korrupsioni e degradimi, apo do vazhdojmë të zvarritemi në frustrimin që sjell ky degjenerim institucional e moral ?
Durrësi si qendër urbane ka ekzistuar që gjatë periudhës arkaike, pra që në shekujt e 7-6 para k. por përveç tempujve mbi kodrat përreth, e nekropolit, fatkeqësisht të dhënat nga qyteti vetë, janë të rralla.
Eshtë e rëndësishme që bregdetit shqiptar t’i shtohen plazhet publike dhe që në to të ketë standarte dhe cilësi.
Mirëpo në lajmin që Agjencia Kombëtare për Bregdetin ka bërë publik në lidhje me ndërtimin e një plazhi të tillë, vec faktit se në Golem do ketë pika vrojtimi dhe se mund të ketë dhe një festival filmi për detin, të bie në sy fakti që në këtë plazh model janë vetëm drejtori i kësaj agjencie, z. Auron Tare dhe kryeministri (në foto të tjera që në fakt janë frame video, duken dhe kryetari i Bashkisë së Durrësit, dhe dy fëmijë në breg).
Duke filluar nga e marta, të gjithë invalidët e punës, që deri dje nuk paguanin për transportin urban, do paguajnë si gjithë qytetarët e tjerë biletën e autobusit.
Ky është vendimi i Shoqatës së Transportit, që ka hyrë në fuqi më 1 korrik.
Në një reagim për median Lëvizja Vetëvendosje është shprehur se “edhe pas vendimit të sotëm të Gjykatës Kushtetuese është e sigurtë që nuk do të këtë Qeveri Thaçi 3”.
Në reagimin e kësaj force politike, thuhet se “asnjë nga katër subjektet shqiptare të përfaqësuara në Kuvendin e Republikës së Kosovës nuk do t’i bashkohen PDK-së dhe Hashim Thaçit në qeverisje për të vazhduar regjimin e vjetër. Theksojmë edhe një herë që ndalja e regjimit të vjetër është lajmi i mirë për Kosovën”.
Vendimi i Gjykatës Kushtetuese e bën të qartë që Presidentja emëron kandidatin për Kryeministër për herë të dytë nga partia apo koalicioni i cili i ka gjasat për të marrë votat e nevojshme në Kuvend për formimin e Qeverisë. Në fillim Presidentja pritet t’i kërkojë Thacit formimin e qeverisë. Por nëse ai nuk e formon dot, atëherë një kandidat i dytë mandatohet për krijimin e qeverisë.
“Në këtë drejtim edhe vendimi i Gjykatës Kushtetues i hap rrugë ndërtimit të institucioneve në përputhje me vullnetin e shumicës së deputetëve në Kuvendin e Kosovës”, tha Vetëvendosje.
/Historia Ime, foto nga Balkan Insight/
Ditën e djeshme, tre familje rome në qytetin e Elbasanit kanë marrë një letër nga Inspektoriati Urbanistik i Elbasanit që njofton se brenda pesë ditëve duhet të lirojnë banesën pasi në atë hapësirë do të zgjerohet stadiumi.
Kryeministri i Turqisë, Recep Tayyip Erdogan mund të kandidojë për president në zgjedhjet që do zhvillohen pas rreth gjashtë javësh.
Nën dyshimet se është përpjekur të sigurojë informacione përmes rryshfetit e shpërblimit, ish-presidenti francez Nicolas Sarkozi është shoqëruar në polici për t’u marrë në pyetje në lidhje me një rast përgjimesh. Vendimi për ta shoqëruar ish-kreun e shtetit në Nanterrë, në afërsi të Parisit, është një hap i papreçedent kundrejt një ish-presidenti. Avokati i Sarkozisë u mor në pyetje të hënën nën dyshimin se është përpjekur të sigurojë informacione mbi një hetim që po bëhej ndaj klientit të tij. Hetuesit po përpiqen të zbulojnë nëse Sarkozi, president nga viti 2007 në 2012, i kishte premtuar një rol prestigjioz në Monako një gjyqtari të nivelit të lartë në këmbim të informacioneve. Gilbert Azibert, një nga gjyqtarët më të vjetër në Gjykatën e Apelit, u thirr gjithashtu për t’u marrë në pyetje ditën e hënë.
a.k
Marrë nga RePublica.al
Politika shqiptare e cila nuk ia doli të bashkohej në festimet e së shtunës për marrjen e statusit të vendit kandidat, u detyrua të bëhet bashkë në Kuvend, e më pas në Presidencë, ku Presidenti Nishani mblodhi krerët e shtetit në ceremoninë e nderimit të Presidentit të KE-së, Jose Manuel Barroso, me dekoratën e “Flamurit kombëtar”. Të pranishëm në këtë ceremoni të organizuar nga Presidenti Nishani ishin Kryeministri Edi Rama; Kryetari i Kuvendit, Ilir Meta; kreu i PD-së Lulzim Basha; ministri i Jashtëm, Ditmir Bushati; ministrja e Integrimit, Klajda Gjosha; kryetarja e Komisionit Parlamentar të Integrimit dhe ish-ministre e Integrimit, Majlinda Bregu, si dhe ish-kryeministri Sali Berisha.
Barroso mori pjesë pasdite në një ceremoni të organizuar në Galerinë Kombëtare të Arteve nga kryeministri Rama, një ekspozitë në nder të Presidentit të KE-së. “Pata mudësinë të mësoja më shumë për artin e Shqipërisë dhe bëra një tur në GKA. Pashë që artistët më të mirë kanë qenë ata që dolën kundër regjimit komunist. Pata mundësinë të shihja disa punime teknikisht shumë të arrira” deklaroi pas vizitës.
Shifra e rritjes së eksporteve shqiptare për periudhën prill-maj, siç publikon Instat, nga 8-11 përqind krahasuar me të njëjtët muaj të vitit të kaluar, ka bindur FMN-në. Bordi ekzekutiv i Fondit Monetar Ndërkombëtar përfundoi sot rishikimin e parë të ecurisë ekonomike të Shqipërisë, nën një program afatgjatë të mbështetur nga ky organizëm.
BURREL- 25 bashki në vend pritet të lançojnë sistemin e monitorimit online të rasteve të dhunës në familje. Ky fakt është bërë me dije nga vetë Ministri i Mirëqenies Sociale, Erion Veliaj.
“Dekorata” e statusit të vendit kandidat është një gjë, dhe hapja e negociatave të anëtarësimit është gjë krejt tjetër. Shtetet që kanë llogari të pambyllura do të kenë kërkesat e tyre, dhe këtë nënkuptoi edhe Ministri i Punëve të Jashtme të Greqisë, Evangelos Venizelos. Ai pranoi dje se hapja e negociatave të Shqipërisë me Bashkimin Europian lidhet me çështjen e kufijve detare mes vendit tonë dhe Greqisë.
Vete te rinj te komunitetit rom kane realizuar kete video me “Qendren Media Aktive”.
Historiaime.al është një zë i pavarur në mbrojtje të të drejtave të njeriut. Ne raportojmë si për shkeljet e të drejtave të njeriut ashtu edhe për histori njerëzore që i promovojnë këto të drejta. Ky projekt synon të ndryshojë qëndrimet jo fort etike karshi të drejtave të njeriut nga ana e medias kombëtare si ajo e shkruar, ashtu edhe ajo vizive dhe media e re online.
