Rastet e diskriminimit në vendet e punës, por edhe mos respektimi i të drejtave të fëmijëve në veçanti për ata me aftësi të kufizuar janë rritur ndjeshëm në vend. Këtë e vërtetojnë denocimet pranë institucionit të komsionierit për mbrojtjn nga diskriminimi, ku vetëm gjatë vitit të kaluar janë raportuar mbi 168 raste.
Gjatë prezantimit të reformës për arsimin e lartë, kryeministri Rama tha se gjendja e arsimit është një emergjencë kombëtare, prandaj sic shtoi ai, kjo reformë duhet të realizohet sa më parë. Dija nuk është mall dhe universiteti nuk duhet të jetë biznes, u shpreh kreu i qeverisë.
Burime të Kosovapress-it bëjnë të ditur se rektori i Universitetit të Prishtinës, Ibrahim Gashi ka dhënë dorëheqje nga posti i Rektorit.
Në këto momente po vazhdon një takim urgjent në rektoratin e Universitetit të Prishtinës. /e.t/
Lexoni dhe:
FOTO REPORTAZH/Protesta e studenteve ne Prishtine
“Rrembimi i protestuesit Durim Jasharaj nga policia” (VIDEO)
Këshilli Drejtues i UP-së aprovon dorëheqjen e Ibrahim Gashit
Universitetit të Prishtinës “Hasan Prishtina” në mbledhjen e jashtëzakonshme të mbajtur me datë 08.02.2014, ka aprovuar kërkesën për dorëheqje të rektorit Ibrahim Gashi:
VENDIM
1. Aprovohet dorëheqja e prof. dr. Ibrahim Gashit nga pozita e rektorit të Universitetit të Prishtinës “Hasan Prishtina”.
2. Prof. asoc. dr, Naser Sahiti, prorektor për buxhet dhe financa, caktohet ushtrues detyre i rektorit të UP-së, deri në zgjedhjen e rektorit të ri sipas procedurës së rregullt.
3. Prof. asoc. dr, Naser Sahiti, vazhdon të ushtrojë edhe detyrën e prorektorit për buxhet dhe financa në UP.
4. Prorektorët e tjerë, vazhdojnë të ushtrojnë detyrën në sektorët përkatës deri në zgjedhjen e rektorit të ri sipas procedurës së rregullt.
5. Deri në zgjedhjen e rektorit të ri sipas procedurës së rregullt, do të ngrihen të gjitha procedurat e zgjedhjes dhe avancimit të stafit akademik, shpallje të konkurseve të reja për zgjedhje apo avancim te stafit akademik, nuk do te shpallen konkurse për vende te reja në administratë si dhe anulohen konkurset aktuale për zgjedhje të stafit administrativ.
6. Deri ne zgjedhjen e rektorit të ri sipas procedurës së rregullt, u.d. i rektorit, do të siguroj mbështetjen maksimale për implementimin e vendimeve të Senatit nga mbledhja e datës 28.01.2014 si dhe kërkesave dhe rekomandimeve që mund të dalin nga organet kompetente ( KD , Senati, MASHT, Kuvendi i Kosovës, etj).
7. Këshilli Drejtues i UP-së e vlerëson aktin e reflektimit të rektorit të deritashëm prof.dr. Ibrahim Gashi dhe e falënderon atë për punën e tij të deritanishme!
……………………………………………………………………………………………………………………………………………………………
Rektori i Universitetit të Prishtinës Ibrahim Gashi, zyrtarisht jep dorëheqje. Ai këtë e ka konfirmuar në RTK duke thënë se këtë po e bënë për të mirë të UP-së dhe se kjo është e parevokushme.
Duke qenë së situata në Universitetin e Prishtinës, kjo edhe si pasojë e zhvillimeve jashtë tij, është ndërlikuar tej mase, dhe me qëllim të normalizimi të saj, ju paraqes dorëheqjen e parevokueshme nga pozita e rektorit të Universitetit të Prishtinës “Hasan Prishtina”.
Ja kërkesa e plotë për dorëheqje e rektorit Ibrahim Gashi:
“Kam vendosur për këtë hap pas një presioni të vazhdueshëm, shpesh herë edhe të pandershëm dhe me implikime të thella politike të një grupi të studentëve, një pjese të shoqërisë civile dhe të qarqeve të caktuara politike.
Qasja ime gjatë ushtrimit të detyrës së rektorit, gjithnjë ka qenë refelektim i një përgjegjësie institucionale për trajtimin e të gjitha shqetësimeve të ngritura vetëm përmes normave dhe strukturave të parapara me statut dhe ligj. Kam dashur që, për përgjegjësinë eventuale të cilitdo, e në këtë kuadër edhe përgjegjësinë time, fjalën e tyre fillimisht ta thonë organet e Universitetit, por, meqë presioni që po ushtrohet ndaj Universitetit tashmë ka rrezikuar funsionimin e tij, atëherë vendosa të jap dorëheqje i bindur se me këtë akt Universiteti do të lihet i qetë që të kryej punën e vet.
I bindur në pafajësinë time, dorëheqja ime nuk nënkupton ikje nga përgjegjësia, adresimi i të cilës tanimë ka filluar ndaj të gjithëve, e për të cilën unë inkurajoj organet e Universitetit që ti shkojnë deri në fund.
Me këtë rast, dua të falënderoj gjithë studentët e Universitetit të Prishtinës, stafin akademik, atë administrativ, dhe bashkëpunëtorët e mi më të ngushtë që edhe në momentet më të ndjeshme ishin konstruktiv dhe të vendosur për të mbajtur funksionet vitale të Universitetit.
I nderuar z. kryetar Nitaj dhe ju anëtarë të Këshillit Drejtues;
Duke ju falënduar për bashkëpunimin e deritanishëm dhe rolin tuaj shumë konstruktiv në kapërcimin e kësaj situate, ju lutem që të pranoni dorëheqjen time.”, ka thënë Gashi.
……………………………………………………………………………………………………………………………………………………………….
Rektori i Universitetit të Prishtinës, Ibrahim Gashi duket se është pranë dorëzimit.
Lajme të shumta po qarkullojnë në të cilat thuhet se ai tashmë ka vendosur që të jap dorëheqje ndërsa edhe një burim i “Zërit” rrëfen se kjo është vetë qështje minutash.
Megjithatë vet Gashi nuk ka dalë ende me një prononcim për të deklaruar diçka të tillë.
Protestat e studentëve kanë hyrë në javën e tretë ndërsa dorëheqja e Gashit është ajo që po kërkohet me ngulm. /Zeri/
Në kuadër të fushatës ndërgjegjësuese të komunitetit ndërkombëtar për ndërgjegjësimin dhe respektin e LGBT, motori i kërkimit Google ka nxjerrë sot pamjen e vet me ngjyrat LGBT.
Një çift gej në Kosovë kanë trokitur në “Zyrën e Ofiqarisë” së Komunës së Kaçanikun me një kërkesë shumë të nevojshme për lidhjen e tyre: Kurorëzimin. Kështu raporton sot gazeta Express. Një kosovar, i lindur në vitin 1988 dhe i dashuri i tij, shtetas i huaj i ditëlindjes 1956, kërkuan ta zyrtarizojnë lidhjen. Por kërkesa e tyre shokoi nëpunësit, sidomos sepse zyrtarët nuk kishin njohuri nëse mund ta bëjnë këtë ligjërisht.
Prishtinë – Në një video të postuar në YouTube shihet si policia arreston njërin nga udhëheqësit e protestës së studentëve, Durim Jasharin.
Jashari ishte duke iu drejtuar masës së mbledhur para rektoratit të premtën të cilët kërkonin largimin e rektorit Ibrahim Gashi.
Në videon e titulluar “Rrëmbimi i Durim Gashit” shihet se në një moment ai kapet me dhunë nga policët dhe futet mes turmës e tyre. /e.t/
Kjo është një reklamë shumë e bukur bërë nga Instituti Kanadez për Diversitet dhe Përfshirje. Kjo trajton çështjen me një sens humori, por ka si synim rritjen e ndërgjegjësimit për trajtimin e njerëzve gay në Rusi, një çështje që ka qenë në plan të parë tërë këto kohë, meqënëse Rusia është vendi organizator i Lojrave Olimpike Dimërore në Sochi./ http://graffox.com/?p=3644/
Autoriteti i Medias Audiovizive organizoi sot në Tiranë Konferencën Kombëtare me temë “Diskriminimi në Media”, ku mori pjesë edhe Xheni Karaj, aktiviste e LGBTI. Ajo debatoi me të pranishmit në lidhje me qëndrimin që media ka ndaj çështjeve të komunitetit LGBTI dhe theksoi anë pozitive por nuk ngurroi të sillte dhe disa vërejtje që komuniteti LGBTI ka.
Lavdim Hamiti
Jetonte mes parave, mirëpo ato nuk i mjaftonin kurrë. Duke kërkuar të fitonte gjithnjë e më shumë, papritmas zhytet në krim dhe përfundon prapa grilave. Kështu e sjell historinë e vërtetë të Jordan Belfort, i njohur si “The Wolf of Wall Street”, apo “Ujku i Wall Street”, regjisori Martin Scorceze, nëpërmjet aktorit Leonardo Di Caprio në filmin me të njëjtin emër.
Lediona Braho*
E dashur, pa mendo për një çast! Ke ndjekur universitetin, je diplomuar, ke sakrifikuar shumë gjëra, si shoqërinë dhe lidhjet, vetëm për të ndërtuar një karrierë, por një ditë të bukur takon mashkullin “e duhur” dhe ca kohë më vonë ai të propozon për martesë. Në përputhje me atë që pjesa më e madhe e grave të martuara bëjnë, ai mund të të kërkojë të qëndrosh në shtëpi, të mos punosh, të përkujdesesh për të dhe fëmijët. Dhe ti mund të qëndrosh në shtëpi, mund të mos punosh e mund të përkujdesesh për të dhe fëmijët. Kështu, stresin financiar do ta kalosh mbi shpatullat e burrit tënd, pra cilësia e jetës tënde do të bëhet më e mirë. Po a do të ndiheshe e përmbushur? Po ëndrrat për karrierë? A është kjo jeta që do të doje të kishe? E di që po e rëndoj ndërgjegjen tënde, por më lejo të të them atë që kam dashur të të them, qyshkur u njohe me të. Ky është momenti vendimtar. Duhet të zgjedhësh: Martesën ose Karrierën… ose të dyja bashkë!
Human Rights Watch një prej organizatave kryesore botërore për të drejtat e njeriut shprehet sot përmes një komunikimi publik e shqetësuar për rritjen e klimës diskriminuese ndaj LGBT në Rusi me rastin e Lojërave OIimpike.
Vaçe Zela nuk është më fizikisht me ne. Dje, rreth orës 1 të mëngjesit Artistja e Madhe ndërroi jetë për shkak të një sëmundjeje të rëndë, ndërsa me vete mori pengun për tu kthyer edhe njëherë në Shqipëri. Amaneti i saj i fundit ishte të prehet në Atdhe dhe pikërisht kështu do të ndodhë. Trupi i pa jetë i artistes Vaçe Zela pritet të mbërrijë në Tiranë sot rreth orës 17:00, ndërsa homazhet do të zhvillohen nesër në orën 10:00 deri në orën 12:00. në Teatrin Kombetar të Operas dhe Baletit.
Prishja e pazarit për paratë e fituara nga prostitucioni, ka bërë që një 37-vjeçare të denoncojë tutorin. Policia ka arrestuar 40-vjeçarin Vasil Aliaj, rom, pasi akuzohet se për një periudhë një-vjeçare ka shfrytëzuar si prostitutë 37-vjeçaren nga Gramshi me inicialet M.S..
Historiaime.al është një zë i pavarur në mbrojtje të të drejtave të njeriut. Ne raportojmë si për shkeljet e të drejtave të njeriut ashtu edhe për histori njerëzore që i promovojnë këto të drejta. Ky projekt synon të ndryshojë qëndrimet jo fort etike karshi të drejtave të njeriut nga ana e medias kombëtare si ajo e shkruar, ashtu edhe ajo vizive dhe media e re online.
