Gazetari Habion Hasani, aktualisht gazetar i Shqiptarja.com. është dhunuar para zyrës së redaksisë së tij në Tiranë nga tre persona të panjohur. Agresorët kanë thirrur gazetarin jashtë për të diskutuar dhe pa asnjë sqarim apo paralajmërim e kanë qëlluar atë dhe janë larguar nga rruga që të çon nga Liqeni Artificial i Tiranës.
Invalidët e qyteti të Korçës kanë protestuar sërish paraditen e sotme në qendër të qytetit, për shkak të kushteve të këqija në të cilën ndodhen.
Në prag të festës së fundvitit, invalidët e qytetit juglindor me pankarta në duar “Në prag të festave jemi pa bukë dhe me borxhe”, “Kërkojmë pagesën e invaliditetit”, “Qeveria të reagojë, ne nuk u ndahemi protestave”, i bënë apel qeverisë që të mendojë për këtë shtresë të shoqërisë, e cila ka nevojë për mbështejte dhe përkrahje.
Ashtu si të tjerët, edhe 2012-a ishte një vit i mbushur me ngjarje të rëndësishme. Përmes një sondazhi me redaktorë dhe drejtues të mediave në SHBA, agjencia e njohur, “Associated Press” ka bërë një renditje të 10 lajmeve kryesore të vitit që po përmbyllim. Nëse deri më 13 dhjetor, zgjedhjet presidenciale në SHBA kishin marrë numrin më të madh të votave si ngjarja kryesore e vitit, masakra në Konektikat, ku u vranë 20 fëmijë 6 dhe 7 vjeç, si dhe gjashtë të rritur, doli në vend të parë.
I konsideruar tepër i rrezikshëm, Maksim Hodaj prej 3 vitesh gjendej në 10-shen e shqiptarëve më të kërkuar nga Interpoli, por u arrestua në Vlorë. Gjykata e Vlorës e ka dënuar në mungesë me 20 vite burg, ndërsa Policia e Shtetit ka dështuar disa herë në përpjekjen për ta vënë në pranga. Emri, fotoja dhe bëmat e tij, u kthyen në proverbialitet në Vlorë dhe rrethina, ndërkohë që i shumëkërkuari i policisë dhe i Interpolit, jo vetëm që qëndronte në Vlorë, por shijonte jetën i rrethuar me femra dhe i ruajtur nga persona të armatosur.
Me një vendim të posaçëm të Këshillit të Ministrave është anulluar dje fondi i veçantë për pagesat për arritje të rezultateve të larta në punë nga punonjësit e administratës.
Në vendim thuhet se për vitin 2012, fondi i veçantë nuk do të përdoret për shpërblimin e punonjësve për rezultate të mira në punë, për shpërblime të parashikuara me akte të tjera ligjore apo nënligjore, për dhënie ndihmash të menjëhershme në razte fatkeqësish dhe në raste të tjera, si dhe për veprimtari social-kulturore.
Në profilin e Berishës në FB, janë postuar së fundmi dy foto familjare, për të cilat kanë ardhur urimet e zakonshem të mbështetësve, por… edhe tallje e sharje. Që fshihen rregullisht. Dhe vihet re që ata që duan të shkruajnë kritika e sharje kanë shpikur tashmë “teknika të reja” për të bërë të mundur kalimin e postimit të tyre përballë censurës së administratorëve.
Një nga këto teknika është që mbushin paragrafët e parë të postimeve me lavdërime të tipit “o mbreti ynë, o dielli ynë” dhe kështu kalojnë brezin e parë të “rojeve” (administratorët) të cilët siç duket në pamundësi për të lexuar deri në fund numrin e madh të mesazheve lexojnë vetëm rreshtat e parë sa për t’u siguruar që postuesi është “në rregull”. Mirëpo, pas rreshtave të parë që gënjejnë rojet, mesazhi mbushet me të shara në adresë të Berishës. Administratorëve u duhet më pas pak kohë ta rigjejnë dhe ta fshijnë mesazhin heretik dhe t’i bëjnë bllok “atentatorit” – raporton faqja online e së përditshmes DITA.
Kurse një teknikë e dytë, është përdorimi i fjalëve me shumë kuptime dhe të vendosura në mesazhe të shkurtra, në pamje të parë, thuajse të pakuptueshme. Kjo vihet re tek njëri nga mesazhet që kemi kapur në këtë foto (lexoni mesazhin e fundit poshtë fotos në të majtë me emrin Fatjon Bregaj). Postuesit e kësaj kategorie përdorin fjalë me dy kuptime që në lexim të parë nuk japin përshtypje negative. Postuesi në fjalë përshembull ka përdorur fjalët “nona në mest”. Termi “Nona” (dialektore e Nëna) përdoret përherë e më shumë nga të rinjtë e sotëm sidmos në kryeqytet në komunikimet verbale, por veçanërisht online, për të portretizuar negativisht dikë që “i bën të gjitha”, ose që është “nëna” e së keqes, shkaku i saj, në një ngjarje, apo në një veprim.“Nona në mest” në këtë postim, do të thotë “në mes është Nëna” – ku fjala “nona” merr kuptimin e shpjeguar më sipër, kurse “në mest” i referohet pozcizionit të Berishës në foto.
Shkruan DITA: Këto përpjekje ngjajnë sikur janë nxjerrë nga “Kodi DaVinçi”, por me sa duket janë detyruar nga censura e lartë në këtë faqe. Dhe postimi në fjalë ka pësuar të njëjtin fat në fakt. Disa minuta pasi u shkëput ky fragment fotografik nga faqja FB e kryeministrit, ky postim u fshi. Nuk ekziston më. A.N. Respublica.al
Me në fund, me pak se nje jave nga fundi i vitit hyn në fuqi vendimi i qeverisë për të akorduar fondet e Ekselencës, vendim qe duhet te ishte bere qe ne tetor. Studentët do të studiojnë (në fakt, disa kanë filluar) doktoraturën jashtë vendit. Por pikërisht këtu qëndron edhe problemi…
Javë e madje muaj më parë media ka botuar njoftime nga vetë studentët të cilët, në fakt i kanë nisur studimet por nuk kanë marrë asnjë lek deri më sot, në pritje po të këtij vendimi.
Në fillim Darko mori disa mesazhe kërcënuese në telefon të cilat i raportoi në polici. Ata i thanë: mos u panikos, nuk do të jetë serioze…
Një natë ai u sulmua në një rrugicë të ngushtë dhe të errët pranë apartamentit të tij. Zakonisht banorët e pallatit atje e përdorin këtë rrugicë si një rrugë për më shkurt. Atë natë Darko po kthehej më vonë se zakonisht në shtëpi por sulmuesit e tij po e prisnin në makinë dhe kur Darko u kaloi pranë, ata ndezën dritat dolën jashtë dhe nisën ta grushtonin.
Shi… Erë.
Shumë shi dhe shumë erë!
Temperaturat janë shumë të ulta dhe askush nuk vendos të dalë jashtë shtëpisë.
Vetëm 48 studentë nga gjithsej 14 mijë që janë regjistruar sivjet në Universitetin e Prishtinës janë nga komunitetet Romë, Ashkali dhe Egjiptian. Ata nuk kanë plotësuar as vendet që u jepen me një kuotë të diskriminimit pozitiv, zbulon Gazeta Jeta në Kosovë. Disa organizata jo-qeveritare po shtyjnë përpara që komunitetet të dërgojnë fëmijët në shkollim.
Festat e fundvitit kanë nisur të kremtohen, por jo të gjithë kanë mundësi t’i festojnë ato. Familja e Mehmet Shpendit prej 5 anëtarësh në lagjen “Livade” në periferi të Shkodrës jeton në kushte ekstreme varfërie me problemin e vetëm, atë të sigurimit të ekzistencës.
Nje famulltar i Kishës Katolike të Kosovës, Don Viktor Sopi, ka thene (referuar nje lajmi te në Info Magazine se ciles i referohet Bota Sot) se Kushtetuta e Kosovës nuk lejon diskriminimin mbi baze te orientimit seksual dhe identitetit gjinor (Kosova, ne fakt eshte nje vend qe sanksionon kete mbrojtje per LGBTQI qe ne ligjin themeltar) dhe kjo mund te jete arsyeja pse shteti i Vatikanit nuk e njoh pavaresine e Kosoves,
Një vëzhgim në tregun e madh dhe një bisedë më Musain i cili prej dhjetë vitesh punon në një pikë që tregton dru per zjarr. Çmimi i drurit varion nga 2200 – 2600 lekë.
Festat e fundvitit rikthejnë fluksin në pikat kufitare ku një numër i madh emigrantësh kthehen në atdhe për të kaluar Krishtlindjen dhe Vitin e Ri pranë familjeve të tyre. Për tu ardhur në ndihmë emigrantëve dhe për të shmangur vonesat drejtoritë e kufirit kanë shtuar numrin e sporteleve si dhe të efektivave.
Historiaime.al është një zë i pavarur në mbrojtje të të drejtave të njeriut. Ne raportojmë si për shkeljet e të drejtave të njeriut ashtu edhe për histori njerëzore që i promovojnë këto të drejta. Ky projekt synon të ndryshojë qëndrimet jo fort etike karshi të drejtave të njeriut nga ana e medias kombëtare si ajo e shkruar, ashtu edhe ajo vizive dhe media e re online.
