Trump kërcënon me heqjen e së drejtës për ‘shtetësinë e lindjes’ në vazhdën e politikave kundër emigracionit

Presidenti Trump deklaroi ditën e sotme se do të firmosë një urdhër ekzekutiv, i cili do të heqë të drejtën e shtetësisë për personat e lindur në Shtetet e Bashkuara, si një masë për të frenuar emigracionin e paligjshëm.

Deklarata u njoftua gjatë një takimi elektoral  në prag të zgjedhjeve afatmesme, ku Presidenti Trump nxiti elektoratin e tij për të votuar në masë, në mënyrë që Republikanët të mbajnë kontrollin e plotë të Kongresit e të mund të vazhdojnë me politikat që synojnë të frenojnë emigracionin në masë. Deklaratat vinë pas njoftimit për të përforcuar kufirin me Meksikën dhe për të ndaluar hyrjen e karvanëve me emigrantë të nisur prej disa ditësh nga disa shtete të Amerikës Qendrore.

Revokimi i së drejtës për shtetësinë në lindje, do të nxiste një luftë gjyqësore të njëjtë me atë që ndoqi urdhërin ekzekutiv për ndalimin e udhëtimit të qytetarëve të disa vendeve afrikane. Aktualisht, amendamenti i 14-të i Kushtetutës Amerikane garanton të drejtën e marrjesh së shtetësisë për këdo që lind në territorin e Shteteve të Bashkuara. Urdhëri ekzekutiv do të duhet të mbështetet nga gjykatësit federalë për të sjellë një ndryshim të Kushtetutës./ k.j

Burimi:Time