Sindikata e mësuesve: Arsimtarët të mbilodhur, duhet të shpërblehen për orët shtesë

Kryetarja e Sindikatës së Pavarur të Arsimit për Tiranën, Alma Lama, i ka bërë thirrje Ministrisë së Arsimit që të shpërblejë 30 mijë mësuesit në mbarë vendin që po përballen me vështirësi në punën e tyre.

Ajo theksoi se në pjesën dërrmuese të shkollave të vendit, për shkat të tërmetit të 26 nëntorit e pandemisë covid-19, mësimi po bëhet me dy, tre apo katër turne.

Kryetarja e Sindikatës, ka bërë thirrje që qeveria tu japë mësuesve pagesën për orët shtesë.

Kjo do t’i motivonte shumë mësuesit shqiptar, këto oret mbi normë duhet t’i marrin çdo muaj. Mësuesi e ka nje motiv për ta vazhduar këtë mundim në institucionet arsimore.

“Ka shkolla që janë në ambjentet e shkollave të tjera për shkak të problemeve të tërmetit. Janë disa shkolla në Tiranë, nuk janë pak por bëjnë mësim me katër turne. Mësuesit janë të stërmunduar. Mësuesit sot bën nga 10 deri 12 orë mësimi më shumë se norma e punës së tij. Mësuesi orët mbi normë duhet t’i marrë çdo muaj. Nëse ministria e drejtoritë arsimore do mbajnë fjalën për këto orë, mësuesi e ka një motiv shumë të mirë për ta vazhduar këtë stërmundim.” – tha Lama

Një tjetër shqetësim që adreson kryetarja e sindikatës së Pavarur te Arsimit Shqiptar për Tiranën , njëkohësisht mësuese kimie në shkollën 9 vjeçare “Marie Logoreci” është kategoria e mësuesve të cilët vuajnë nga problemet kronike të shëndetit. Oraret e klasave të tyre duhet të jetë specifike.

Orët mbi normë në kushtet e pandemisë janë një anë e medaljes. Pranë sindikatës janë grumbulluar një serë problemesh të tjers që lidhen me lëvizjet paralele të mësuesve./ HistoriaIme