9 ditë grevë, 9 ditë heshtje e turpshme e institucioneve shqiptare

Naftëtarët e Ballshit kanë hyrë të martën në ditën e nëntë të grevës së tyre të urisë.

Qeveria, Ministria e Infrastrukurës dhe Energjitikës në një akt të paprecedentë ende nuk ka thënë asnjë fjalë për qindra qytetarë të republikës së Shqipërisë, që kërkojnë pagat e tyre dhe dhjetëra të tjerë që janë në grevën e urisë prej 9 ditësh.

Tanimë, gjendja shëndetësore e grevistëve është rënduar, për shkak se ata kanë 9 ditë që nuk ushqehen.

“Problemet tona kryesore janë rrogat e prapambetura, dhe vazhdimësia e punës në uzinë, këto janë dy kërkesat e panegocieshme, pa u zgjidhur këto dy kërkesa ne nuk tërhiqemi, ne do të shkojmë deri në vetëflijim, shteti po rri indiferenc, as nuk I intereson fare se ka punëtorë kjo uzinë, se ka qytetarë kjo zonë që janë pa bukë me fëmijët në shkollë, nuk e kuptoj”-ishtre shprehur  Novruz Pashaj, në ditën e dytë të grevës për HistoriaIme.

Naftëtarët e Ballshit, kërkojnë që të zbatohet një vendim i Gjykatës, i formës së prerë për të marrë pagat e tyre, dhe rinisje të menjëhershme të punës në rafineri, por këto kërkesa të bëra të detyrueshme nga institucionet shqiptare, nuk zbatohen sot e asaj dite nga institucionet shqiptare./ HistoriaIme