Naftëtarët e Ballshit kanë dalë sërish në rrugë për të protestuar, për shkak se kanë 11 muaj pa marrë pagat e tyre.
Pas protestës së zhvilluar edhe në Tiranë, ata kanë paralajmëruar se do ta ndjekin çdo rrugë ligjore për të marrë fatin e rafinerisë në dorë.
Punëtorët kanë bërë thirrje se do t’i rikthehen grevës së urisë. Në grevë do të marrin pjesë edhe gratë. Nëse nuk plotësojnë kërkesat ditën e hënë do të marrin një vendim. Pas këtij komunikimi naftëtarët janë larguar për në banesat e tyre.
“Kemi 3 vjet pa marrë rrogat, se pronari ikën në drejtim të paditur. Ç’është ky pronar, kush e sjell? Nafta është shumë cilësore. Të paktën nga shtatori deri në dhjetor na kanë dhënë një lëmsh, vetëm 230 mijë lekë. Nga janari deri tani talli Edi Rama veten, duke na dhënë një pagë lufte 400 mijë lekësh. Tani na gënjejnë, bëmë kontratat nuk erdhi njeri, tani na sjellin policët të na hedhin gaz lotsjellës.”-tha një nga naftëtarët disa ditë më parë në protestën e tensionuar që u zhvillua para Ministrisë së Infrastrukturës dhe Energjetikës në Tiranë./ HistoriaIme
