Filmi i titulluar Exil, me regjisor Visar Morinën, mori çmimin kryesor në edicionin e 26-të të Festivalit të Filmit të Sarajevës, i cili u mbajt online në kushtet e pandemisë.
Një prodhim gjermano-belgo-kosovar, filmi trajton historinë e Xhaferit, një inxhinier farmaceutike 45-vjeçar me origjinë nga Kosova, që jeton në Gjermani dhe befas ndihet i diskriminuar dhe ngacmuar në punë për shkak të prejardhjes së tij etnike.
“Kur ai gjen një mi të ngordhur të varur në portën e shtëpisë së tij, është menjëherë e qartë për të se kolegët racist mund të ishin pas këtij akti. Ankthi i Xhaferit rritet çdo ditë, sidomos kur gruaja e tij gjermane Nora është e lodhur prej tij duke luajtur kartën e garës gjatë gjithë kohës. Vërtetë nuk e pëlqejnë kolegët e tij? Apo ka diçka më shumë që fshihet pas armiqësisë së tyre?”, shkruhet në përshkrimin mbi filmin.
Exil, u emërua gjithashtu si një nga 10 filmat evropianët për tu parë në fillim të këtij viti nga revista amerikane Variety.
Filmi është një studim i ashpër i identitetit dhe i përkatësisë në një kohë pasigurie të shtuar në Evropë mbi gjendjen e miliona refugjatëve. Nëse flasim për emigrantët në Gjermani, tani është një temë shumë aktuale sepse ka njerëz që bëjnë politikë dhe marrin pushtet falë kësaj çështjeje,” deklaroi Morina për Variety në fillim të kësaj jave. “Kështu që, në një farë mënyre, unë mendoj se kam përgjegjësi të merrem me këtë temë.”
Ceremonia e ndarjes së çmimeve u mbajt në internet të enjten mbrëma, me Morinën fitues të vlerësimit më të lartë nga një juri e udhëhequr nga regjisori fitues i çmimit të Akademisë (Oscar) Michel Hazanavicius (Filmi “Artisti”) dhe i përbërë nga Carlo Chatrian, drejtor artistik i Berlinales, Aktorja Kroate Jadranka Đokić; Regjisori serb Srdan Golubović; dhe Andrea Stavenhagen, drejtues i industrisë dhe projekteve të trajnimit në Morelia Film Festival.
Kaltrina Krasniqi, një tjetër regjisore nga Kosova fitoi çmimin dhe financimin më të lartë në kategorinë Puna në Progres (filma ende në prodhim) për filmin e saj artistik “Vera Dreams of the Sea”.
Për regjisorin më të mirë u vlerësua regjisori azerbajxhanas Ru Hassanov, aktorja më e mirë u shpall aktorja kroate Marija Škaričić, ndërsa çmimi për aktorin më të mirë ju dha grekut Vangelis Mourikis.
Në vijim, ju prezantojmë dhe me trailerin e filmit Exil.
Trending Now
You may also like
Historiaime.al është një zë i pavarur në mbrojtje të të drejtave të njeriut. Ne raportojmë si për shkeljet e të drejtave të njeriut ashtu edhe për histori njerëzore që i promovojnë këto të drejta. Ky projekt synon të ndryshojë qëndrimet jo fort etike karshi të drejtave të njeriut nga ana e medias kombëtare si ajo e shkruar, ashtu edhe ajo vizive dhe media e re online.