Disa dhjetëra qytetarë dhe aktivistë të të drejtave të njeriut u mblodhën të mërkurën përpara Kryeministrisë për t’i kërkuar qeverisë llogari për lënien në harresë të familjeve të varfra, për të cilat qeveria Rama nxorri në vitin 2015 një ligj që i ndihmonte ata në pagesat e energjisë elektrike.
Por megjithatë ligji duket se ka mbetur në letër, pasi institucionet përkatëse nuk kanë nxjerrë aktet nënligjore që do ta vinin atë nën zbatim.
Pjesëtarë të komunitetit rom dhe egjiptian nën thirrjet “Kthema dritën” kërkuan ndërhyrjen e menjëhershme të qeverisë për të futur në fuqi statusin e klientit në nevojë përmes të cilit familjeve të varfra shqiptare do t’u garantohej një fashë e vogël energjie elektrike falas nga shteti.
Aktivistët marshuan gjithashtu drejt Ministrisë së Shëndetësisë dhe Çështjeve Sociale, ku më parë kanë dorëzuar një peticion me 3200 firma për të tërhequr vëmendjen institucionale lidhur me këtë problematikë jetësore të familjeve të varfra, që i ka lënë ato në errësirë.
/Loreta Cuka
Trending Now
Unë, djali me fat dhe HIV.
Historiaime.al është një zë i pavarur në mbrojtje të të drejtave të njeriut. Ne raportojmë si për shkeljet e të drejtave të njeriut ashtu edhe për histori njerëzore që i promovojnë këto të drejta. Ky projekt synon të ndryshojë qëndrimet jo fort etike karshi të drejtave të njeriut nga ana e medias kombëtare si ajo e shkruar, ashtu edhe ajo vizive dhe media e re online.