Administrata e Trump autorizon ushtrinë të përdorë armë ndaj emigrantëve
Redaksia
Posted On 23/11/2018
Shtëpia e Bardhë në SHBA ka autorizuar trupat e vendosura në kufirin me Meksikën që të përdorin edhe forcë vdekjeprurëse, në rast nevoje.
Ekspertët ligjorë thonë se ky vendim mund të shkelë aktin “Posse Comitatus”, që ndalon angazhimin e ushtrisë ndaj civilëve. Urdhri është firmosur nga John Kelly, kreu i kabinetit të Shtëpisë së Bardhë, dhe jo nga vetë presidenti Trump.
“Personeli i Departamentit të Mbrojtjes autorizohet të ushtrojë çdo veprimtari ushtarake që Sekretari i Mbrojtjes e sheh si të nevojshme për të mbrojtur agjentët kufitarë”, thotë Military Times. Kjo përfshin: “Shfaqje ose ushtrim force, (edhe vdekjeprurëse, në rast nevoje), për kontrollimin e turmës, arrestime të përkohshmë dhe kontroll të imtësishëm”.
Trump tha në një fjalim, pak javë më parë, se nëse turma sulmon me gurë, ushtria do t’u përgjigjet. Në kufirin me Meksikën janë vendosur 5900 trupa ushtarake dhe 2100 nga Garda Kombëtare për t’i bërë ballë valës së refugjatëve që pritet të vinë nga Amerika Qendrore e që për momentin po mbahet në kontroll nga Meksika. /k.j
Burimi:Top Channel
Historiaime.al është një zë i pavarur në mbrojtje të të drejtave të njeriut. Ne raportojmë si për shkeljet e të drejtave të njeriut ashtu edhe për histori njerëzore që i promovojnë këto të drejta. Ky projekt synon të ndryshojë qëndrimet jo fort etike karshi të drejtave të njeriut nga ana e medias kombëtare si ajo e shkruar, ashtu edhe ajo vizive dhe media e re online.