Disa qytetarë kryesisht të rinj, kanë protestuar të mërkurën e 2 qershorit para Bashkisë së Tiranës kundër një vendimi të kësaj të fundit që të hiqe aboneja e përgjithshme e transportit urban për një periudhë kohore prej 3 muajsh.
Qytetarët kanë shprehur zemëratën e tyre kundër këtij vendimi, ndërsa thonë se kjo është një vjedhje tjetër e Bashkisë së drejtuar nga socialisti Erion Veliaj.
Më herët Bashkia e Tiranës e kishte arsyetuar vendimin duke thënë se: “Bashkia e Tiranës ka planifikuar një periudhë tre mujore për kryerjen e verifikimeve dhe matjeve për riorganizimin dhe ristrukturimin e shërbimit të transportit.”
Aboneja e përgjithshme ishte një kartë e cila blihej çdo muaj dhe që kushtonte 1600 lekë, ndërsa me të mund të udhëtojë në të gjitha linjat urbane për 30 ditë.
Tanimë qytetarët duhet të paguajnë bilentën e urbanit e cila kushton 40 lekë për çdo lëvizje, ose të blejë vetëm abone të një linje, ndërsa shumë linja urbane në kryeqytet nuk e kanë një të tillë.
Qytetarët thonë se kostot e tyre kanë rritur ndjeshëm me këtë vendim të bashkisë, duke llogaritur se për një familje mund të duhen më shumë se dy abone, ndërsa përdorimi i urbanëve mund të jetë në shumë linja.
Kujtojmë se pak vite më parë Bashkia e Tiranës rriti çmimin e biletës nga 30 në 40 lekë, vendim ky që shkaktoi mjaft reagime e protesta të qytetarëve.
Vendimi i fundit i Bashkisë së drejtuar nga socialistët vjen vetëm pak javë pas zgjedhjeve të përgjithshme të 25 prillit që u fituan po nga socialistët./ HistoriaIme
Trending Now
Sa mbrapsht të sjell një trill?
You may also like
Historiaime.al është një zë i pavarur në mbrojtje të të drejtave të njeriut. Ne raportojmë si për shkeljet e të drejtave të njeriut ashtu edhe për histori njerëzore që i promovojnë këto të drejta. Ky projekt synon të ndryshojë qëndrimet jo fort etike karshi të drejtave të njeriut nga ana e medias kombëtare si ajo e shkruar, ashtu edhe ajo vizive dhe media e re online.