Këshilli Shqiptar i Medias (KSHM) ka publikuar të hënën një raport, me shkeljet etike të 30 mediave online më tw ndjekura në vendin tonë , që janë monitoruar gjatë periudhës dhjetor 2019 – mars 2020.
Gjatë katër muajve u evidentuan 747 shkelje të Kodit të Etikës që lidhen kryesisht me dallimin e faktit nga opinioni, pavarësinë editoriale dhe mospërmendjen e vendit ku ka ndodhur ngjarja në titull.
Sipas raportit të KSHM, Boldnews.al, gazeta Tema, Syri.net, Noa.al, Balkanëeb, Lapsi.al, sot.com, Tpz.al, Newsbomb.al, dhe Jetaoshqef.al, janë 10 mediat që kanë kryer më shumë shkelje etike.
Sipas po të njëtit raport, Oranews, Gazetamapo, Dritare, Ata.gov.al, tv.klan, TopChannel, 360gradë,al, Panorama, GazetaDita, dhe Politoko.al, janë mediat që kanë kryer më pak shkepje të etikës gjatë monitorimit.
Gjatë periudhës dhjetor – mars, 30 mediat e marra në vëzhgim kanë kryer 183 shkelje që lidhen me dallimin e faktit nga opinioni.
Pavarësia editoriale është shkelja e dytë më e shpeshte që është hasur, shkruhet në raport.
Sipas raportit final shfaqet përmes lajmeve që në të vërtetë nuk janë raportim por reklama të fshehta dhe së dyti përmes shkrimeve të porositura apo lajmeve të gatshme nga Qeveria, Bashkia e Tiranës apo nga partitë politike, informon raporti.
Në mediat e marra në vëzhgim janë vënë në dukje 12 raste të gjuhës së urrejtjes.
Saktësia e informacionit është shkelur 70 herë nga 30 mediat e marra në shqyrtim gjatë katër muajve të vëzhgimit.
Një nga arsyet pse kemi kaq shumë shkelje vijnë dhe nga 3 “streset” e gazetarit shqiptar.
Puna e çdo gazetari cënohet nga 3 elementë stresues, që të bërë bashkë shkaktojnë më e pakta një mungesë profesionalizmi në produktet mediatike, por që shkon deri në prodhim dizinformacioni.
• Pronarët. Gazetarët shqiptarë sot janë nën presion të vazhdueshëm nga pronarët e mediave të cilët kanë marrë rolin e Krye-Kryeredaktorit, futen në redaksi, japin orientime dhe mbi të gjitha kërkojnë që medai t’i shërbejë agjendave të tyre ekonomike, politike ose personale, zakonisht në kurriz të cilësisë së informacionit dhe profesionalizmit. Jo rrallë, presioni i pronarëve për klikime e audiencë i detyron ata të abuzojnë me etikën e raportimit.
• Sindikatat. Mungesa e sindikatave të mirëfillta ka bërë që gazetarët të jenë të paorganizuar për të mbrojtur të drejtat e tyre dhe të mos kenë kontrata që t’i mbrojnë nga presioni e abuzimi. Ata janë të pafuqishëm dhe të pabashkuar çfarë e bën të vështirë rezistencën ndaj presionit të pronarëve.
• Kushtet e punës. Shpesh gazetarëve u kërkohet të punojnë me normë dhe të prodhojnë aq shumë lajme sa e bën të pamundur që ata të prodhojnë raportim cilësor. Shpesh, ritmi i prodhimi të lajmeve, sidomos te mediat e reja, nuk u jep mundësinë që të verifikojnë lajmin, ose i detyron të “gjejnë” lajme aty ku nuk ka.
“Disa shkelje etike ndodhin nga pakujdesia, nga neglizhenca apo thjesht nga injoranca e atyre që punojnë si gazetarë. Pavarësisht nga kjo, dëmi që ata mund t’i shkaktojnë qytetarit mund të jetë i madh.”-thotë raporti ndër të tjera./ IHistoriaIme
You may also like
Historiaime.al është një zë i pavarur në mbrojtje të të drejtave të njeriut. Ne raportojmë si për shkeljet e të drejtave të njeriut ashtu edhe për histori njerëzore që i promovojnë këto të drejta. Ky projekt synon të ndryshojë qëndrimet jo fort etike karshi të drejtave të njeriut nga ana e medias kombëtare si ajo e shkruar, ashtu edhe ajo vizive dhe media e re online.