Në vitin 2023, Shqipëria u përball me më shumë urrejtje dhe diskriminim në hapësirat mediatike. Raporti vjetor që monitoron këtë fenomen I shkrojtur nga Valbona Sulçe Kolgeci dhe Fjolla Spanca hedh një vështrim mbi trendet kryesore dhe situatën aktuale të përhapjes së gjuhës së urrejtjes në mediat tradicionale, mediat e reja dhe mediat sociale.
Një aspekt i veçantë që evidentohet në raport është roli i medias në përforcimin e stereotipeve të dëmshme dhe diskriminuese. Gazetarët dhe analistët vazhdojnë të përdorin gjuhë përçmuese diskriminuese për të përshkruar grupe të ndryshme të shoqërisë. Problemi përkeqësohet kur politikanë, artistë, dhe figura publike përcjellin mesazhe diskriminuese duke përdorur platformat mediatike për të përhapur narrativa të dëmshme.
Në raportin e monitorimit, një vëmendje e veçantë u kushtua edhe raportimit të ngjarjeve nga bota, ku vihet re një tendencë për të theksuar orientimet seksuale të përfshira në incidente. Kjo sjellje synon të tërheqë vëmendjen ndaj çështjeve të pakicave seksuale, por gjithashtu rrit rrezikun e përhapjes së gjuhës së urrejtjes.
Në aspektin pozitiv, vitit 2023 iu shënuan disa zhvillime të rëndësishme. Ndër to përfshihet rritja e rolit të organeve rregullatore në parandalimin e seksizmit në mediat audiovizive, si dhe nivelin më të lartë të ndërgjegjësimit dhe reagimit nga organizatat e shoqërisë civile në lidhje me diskursin e urrejtjes dhe diskriminimit në media.
Megjithatë, sfidat vazhdojnë. Diskursi i urrejtjes dhe diskriminimit vazhdon të përhapet nëpërmjet medias, duke përdorur forma të kombinuara të elementeve verbale dhe vizive. Rritja e shikueshmërisë së emisioneve të tilla si Big Brother ka kontribuar në këtë përhapje të dëmshme.
Në këtë kontekst, është e rëndësishme që veprimet për të luftuar këtë fenomen të vazhdojnë. Miratimi i amendamenteve ligjore dhe ndërgjegjësimi i publikut janë hapat kryesorë për të reduktuar ndikimin negativ të gjuhës së urrejtjes në shoqërinë tonë. Përkrahja e institucioneve dhe shoqërisë civile është e domosdoshme për të përballuar këtë sfidë në të gjitha nivelet e shoqërisë.
Burime/ referenca: https://www.reportingdiversity.org/wp-content/uploads/2022/07/Raport-Monitorimi-pe%CC%88r-gjuhe%CC%88n-e-urrejtjes-ne%CC%88-Shqipe%CC%88ri.pdf
Trending Now
Marielle Franco, një shembull kokë e këmbë.
Amerika, toka e premtuar e diskriminimit
You may also like
Historiaime.al është një zë i pavarur në mbrojtje të të drejtave të njeriut. Ne raportojmë si për shkeljet e të drejtave të njeriut ashtu edhe për histori njerëzore që i promovojnë këto të drejta. Ky projekt synon të ndryshojë qëndrimet jo fort etike karshi të drejtave të njeriut nga ana e medias kombëtare si ajo e shkruar, ashtu edhe ajo vizive dhe media e re online.