Koronavirusi i përqendruar në 5 vende, ende në kohë për të shmangur pandeminë

Pas shtimit të rasteve të prekura me koronavirusin në Europë dhe uljen e ritmit të infektimit në Kinë, irganizata botërore e shëndetësisë deklaron se nuk jemi në moment pandemie, madje kemi ende kohë për ta shmangur atë.

Drejtuesi i Organizatës Botërore të Shëndetësisë (OBSH), Tedros Ghebreyesus, tha se koronavirusi i ri, edhe pse është përhapur në 62 vende të botës, mbetet i përqendruar vetëm në pesë vende, duke shtuar se ka ende mundësi për të shmangur një pandemi dhe përhapje globale.

Nga mbi 88,900 rastet globale, 90% janë raportuar në Kinë, ndërsa shumica e tyre në epiqendrën e shpërthimit – provincën Hubei.

Jashtë Kinës, shënohen mbi 8,700 raste, ndërsa 81% e tyre ndodhen në katër vende, Kore e Jugut, Itali, Japoni dhe Iran.

Pas përhapjes së shpejtë në Europë, shtetet mo shtojnë kotnrollet në pikat kufitare, ndërsa linja të mëdha ajrore si Lufthansa, British Airways apo RyanAir njoftuan pezullimin e fluturimeve drejt Italisë së veriut apo qyteteve të tjera me një numër të lartë të prekurish.

Fluturimet për në rajonet qendrore tē Kinës ndërkohë, do mbeten të pezulluara deri në fund të Prillit, kur mund të pritet dhe një ulje eventuale e rasteve të reja me koronavirus.

Në Shqipëri, ende nuk është konfirmuar asnjë rast, ndërsa testimet vazhdojnë dhe autoritetet këshillojnë higjenë të shtuar dhe për personat që kanë dyshime se mund të jenë mbartës së virusit, vetë-karantinim në kushtet e shtëpisë, pasi të kërkohet asistencë shëndetësore në numrin 127.