Kujtimet e Klajdit (15)

Ime më më thotë në mëngjes se po më kërkon dikush nga lokali dhe se është vonë, se duhet të iki në punë! I përgjigjem se “nuk do shkoj më në punë”, se “jam i lodhur”, se “duhet të lexoj” e se “më mjafton kjo përvojë, tani e mësova se çfarë është puna”…

Më shikon me dyshim… Më shikon me të njëjtët sy zhbirues me të cilët më ka parë të rritem, me të cilët më ka njohur deri në skutat më të thella të shpirtit tim. E shikoj edhe unë, e për herë të parë e kuptoj që tashmë në rrugën që kam nisur i jam larguar shumë….

Edhe ajo, si gjithë të tjerët vazhdon rrugën tjetër, rrugën e vjetër.

Ndërsa unë iki…