Garuesja e parë transgjinore në garën e më të bukurës, Miss Universi, ka treguar për krenarinë që ndjen si e para vajzë transgjinore që merr pjesë në një kompeticion të tillë. Angela Ponce, Miss Spanja, ka përfaqësuar vendin e saj në konkursin e bukurisë që u zhvillua ditën e diel në kryeqytetin tailandez, Bangkok.
Në një video ku vetë-prezantohej, Angela duket e prekur dhe mes lotësh tregon: “Shpresoj që një ditë të jem pjesë e një bote më të mirë ku të gjithë jemi të barabartë”. Një tjetër ndjesi që ajo ndjen është dhe përgjegjëshmëria, si e para garuese nga komuniteti transgjinor. “Më jep vërtet shumë motivim dhe jam krenare që ia dola të arrij deri këtu”.
Ponce theksoi ndër të tjera rëndësinë për të folur seriozisht mbi sfidat dhe barrierat që komuniteti trans ndesh. “Mendoj se njerëzit po informohen gjithnjë e më shumë. Të gjitha paragjykimet dhe qëndrimet diskriminuese e kanë burimin tek keqinformimi. Unë gjithnjë iu them njerëzve se ajo çfarë ndiej nuk është fakti që ndihem si grua. Unë jam një grua” shprehet Miss-i për CNN.
/k.m/
Burimi: CNN
You may also like
Historiaime.al është një zë i pavarur në mbrojtje të të drejtave të njeriut. Ne raportojmë si për shkeljet e të drejtave të njeriut ashtu edhe për histori njerëzore që i promovojnë këto të drejta. Ky projekt synon të ndryshojë qëndrimet jo fort etike karshi të drejtave të njeriut nga ana e medias kombëtare si ajo e shkruar, ashtu edhe ajo vizive dhe media e re online.