Cherry Vann, peshkopja e Monmouth, është në garë për t’u zgjedhur si kryepeshkopja e parë në Kishën e Uellsit.
Pas daljes në pension të John Davies, zgjedhja për një kryepeshkop të ri të Uellsit ka bërë histori në shumë pika.
Përveçse garon një grua lesbike, gjysma e gjashtë kandidatëve janë gra. Vann do të ishte gjithashtu kryepeshkopja e parë në një partneritet civil të të njëjtit seks.
Kjo vjen më pak se pesë vjet pas zgjedhjes së peshkopes së parë grua të Kishës, Joana Penberthy.
Nëse zgjidhet një grua në këtë garë, kjo do ta bënte Uellsin vendin e parë në Mbretërinë e Bashkuar që voton një grua në pozicionin më të lartë.
Në kohën e zgjedhjes së saj si peshkope e Monmouth, Vann tha se shpresonte që njerëzit LGBT+ do ta merrnin emërimin e saj si një shenjë shprese. Megjithatë, ajo ka mohuar gjithashtu se do të përdorë pozicionin e saj brenda kishës për të bërë fushatë për martesën e të njëjtit seks.
Që nga tetori 2021, kisha në Uells ka lejuar bekime për martesat e të njëjtit seks.
Martesa e të njëjtit seks vazhdon të jetë një pikë mosmarrëveshjeje në të gjitha emërtimet në Mretërinë e Bashkuar.
Kisha e Anglisë vazhdon të mohojë bekimet për martesat e të njëjtit seks, si dhe të refuzojë t’i kryejë ato martesa vetë, duke këmbëngulur që anëtarët e komunitetit lgbt të klerit të mbeten beqarë.
Megjithatë, kisha Episkopale Skoceze ka lejuar martesat e të njëjtit seks që nga viti 2017. Në mënyrë të ngjashme, kisha Metodiste mbështeti me shumicë dërrmuese një propozim për të lejuar martesën e të njëjtit seks këtë qershor. Emërtime të tjera në Mretvrinë e Bashkuar që lejojnë martesat e të njëjtit seks përfshijnë kuakerët në Britani dhe Kishën e Reformuar të Bashkuar.
Kryepeshkopi i ri i kishës në Uells do të zgjidhet nga e hëna (6 dhjetor) dhe Kolegjit Zgjedhor prej 42 anëtarësh do t’i jipen deri në tre ditë për të bërë zgjedhjen e tij. Nëse një vendim nuk merret brenda kësaj kohe, ai i kalon Kolegjit të Ipeshkvijve. /Agon Rexhepi
Burimi: https://www.pinknews.co.uk/2021/12/06/church-in-wales-archbishop-female-gay-cherry-vann/
You may also like
Historiaime.al është një zë i pavarur në mbrojtje të të drejtave të njeriut. Ne raportojmë si për shkeljet e të drejtave të njeriut ashtu edhe për histori njerëzore që i promovojnë këto të drejta. Ky projekt synon të ndryshojë qëndrimet jo fort etike karshi të drejtave të njeriut nga ana e medias kombëtare si ajo e shkruar, ashtu edhe ajo vizive dhe media e re online.