Mbështetje për mbi 100 individë LGBTI+ në nevojë

Pandemia ka prekur si të gjithë grupet e tjera të shoqërisë, edhe komunitetin LGBTI+.

Sipas një ankete të kryer nga Aleanca LGBT gjatë muajve të pandemisë, rezulton se prej pandemisë humbën vendin e punës rreth 20.6 përqind e personave të komunitetit, duke e sjellë papunsinë midis personave LGBTI+ në Shqipëri në 47%.*

Nisur nga kjo situatë e vështirë social-ekonomike Aleanca LGBTI dhe Streha LGBTI ndërmorën masa të menjëhershme për t’i ardhur në ndihmë personave LGBTI që u goditën më së shumti nga pasojat e pandemsë së Covid-19.

Nga muaji Mars deri në muajin Shator Aleanca dhe Streha kanë mbështetur me 624 paketa ushqimore rreth 117 persona të komunitetit LGBTI.

Rreth 16 anëtarë të komunitetit LGBTI+ u strehuan në shërbimin e Strehës, gjatë periudhës Maj-Gusht (824 netë qëndrimi).

Aleanca dhe Streha kanë mbështetur përmes rimbursimit të qirasë 28 anëtarë të komunitetit LGBTI+.

Një fokus i veçantë i është kushtuar shëndetit të personave më vulnerabël, ku janë mbështetur me medikamente 25 anëtarë të komunitetit, ndërsa 23 prej tyre marrë shërbime në qendrat shëndetësore përmes ndërmjetësimit të organizatave.

Gjjatë kësaj periudhe pranë Aleancës LGBTI janë testuar për sëmundje seksualisht të transmetueshme 342 persona, dhe kanë marrë këshillim rreth SST-ve 473 persona.

Mbështetja e drejtpërdrejtë do vazhdoj dhe në muajt në vijim për personat në nevojë, të cilët mund të kontaktojnë me organizatat përmes rrjeteve sociale për të marrë shërbimet dhe përkrahjen e nevojshme.

*sipas të dhënave të mbledhura nga Aleanca LGBT
Burimi i fotos: Aleanca LGBT