Pjesë e projektit I Choose EU, ishte dhe realizimi i një studimi mbi perceptimet e qytetarëve shqiptare mbi integrimin në BE dhe zbatimin e ligjeve për të drejtat e njeriut.
Studimi është realizuar nga Dr. Elda Zotaj dhe M.Sc. Gentiola Madhi dhe Qendra Streha si pjesë e projektit me fokus mbrojtjen e vlerave të demokracisë përmes integrimit europian.
Ky studim synon të ofrojë një panoramë të perceptimeve të të rinjve në përgjithësi dhe të grupeve vulnerabël dhe të margjinalizuara në veçanti, mbi procesin e integrimit të Shqipërisë në Bashkimin Europian, si dhe se si ata e shohin nivelin e zbatimit të kuadrit ligjor në fuqi mbi respektimin e të drejtave të njeriut.
Në këtë studim u realizuan gjithsej 423 pyetësorë në Tiranë, Durrës, Shkodër, Gjirokastër dhe Korçë, përmes intervistave të drejtëpërdrejta (301), anketave online (122) si dhe 10 intervista gjysmë të strukturuara më përfaqësues të organizatave të shoqërisë civile, aktivistë për të drejtat e njeriut dhe përfaqësues të institucioneve publike.
Të ndarë në dy kampione, njëri i kryer gjatë takimeve në terren dhe në workshope e kampioni tjetër online, vlerësimi i përgjithshëm i të dy kampioneve na jep të dhëna mbi njohuritë që këto individë kanë rreth proceseve integruese të vendit dhe Bashkimit Evropian si dhe të drejtat e tyre apo zbatueshmërinë e ligjeve që mbrojnë këto të drejta në vendin tonë.
Perceptimi mbi respektimin e katër prej të drejtave themelore të njeriut 
Perceptimi mbi respektimin e katër prej të drejtave themelore të njeriut (2)
Përsa i përket mbrojtes së të drejtave të njeriut, pjesa më e madhe e të anketuarve mendojnë se ka ende punë për të bërë përsa i përket respektimit të të drejtave të tyre.
Në anketë vërehet se besimi te institucionet është ende i dobët dhe se rastet e diskriminimit ende nuk raportohen në masë, pavarësisht përpjekjeve të institucioneve për të qenë më të ndjeshëm dhe reagues ndaj rasteve të diskriminimit.
Një tjetë e dhënë shqetësuese është dhe dëshria që komunitetet e margjinalizuara në vend kanë për tu larguar e për të emigruar jashtë Shqipërisë, dhe masa më e madhe e tyre në forma të parregullta të emigracionit.
Nga 301 të anketuar në terren, 81.1% e tyre (248) deklarojnë se kanë menduar të largohen nga vendi, ndërsa 3.6% e tyre ende nuk kanë konsideruar një mundësi të tillë. Nga grupi i personave që dësirojnë të largohen, 74.1% e tyre shohin emigracionin e paligjshëm si mundësinë më të mirë dhe arsyeja kryesore e emigrimit është arsyeja ekonomike.
Studimi i plote:
Studimi vjen si produkt i punës 1 vjeçare të kryer nga Qendra Streha dhe Pro-LGBT, pjesë e projektit I Choose EU, i financuar nga Delegacioni i Bashkimit Evropian në Tiranë dhe i zbatuar nga Ministria e Financave dhe Ekonomisë (CFCU Albania).
