Me rastin e Ditës Ndërkombëtare Kundër Homofobisë dhe Transfobisë, më 17 maj 2021, Komiteti Holandez i Helsinkit, në bashkëpunim me OJQ-të shqiptare Aleanca LGBTI dhe Pro-LGBT, ka publikuar një broshurë informuese për viktimat e krimeve të urrejtjes, gjuhës së urrejtjes dhe / ose diskriminimit bazuar në identitetin gjinor ose orientimi seksual.
Broshura, e cila është pjesë e fushatës së ndërgjegjësimit brenda projektit për Luftimin e diskriminimit dhe mbrojtjen e të drejtave LGBTQI + në Shqipëri, funksionon si një udhëzues për viktimat se çfarë të bëjnë dhe ku të drejtohen për mbështetje.
Nëse keni përjetuar një akt dhune ose armiqësie për shkak të asaj që ju përfaqësoni apo se dikush mendon se ju jeni, ju mund të keni qenë viktimë e një incidenti urrejtjeje ose krimi të urrejtjes.
Krimet e urrejtjes ndodhin për shkak të paragjykimeve ose armiqësive për shkak të aftësisë së kufijzuar, racës, fesë, orientimit seksual ose identitetit gjinor të një personi. Krimet e urrejtjes janë krime të motivuara nga paragjykimet.
Një rol të madh në përcaktimin e krimeve si krime të urrejtjes është përcaktimi nëse ato janë kryer kundër anëtarëve (të supozuar) të grupeve të shtypura historikisht. Gjithashtu, karakteristikat e mbrojtura me ligj përmendura më sipër, luajnë gjithashtu një rol kryesor në përcaktimin e një incidenti si një krim (të mundshëm) të urrejtjes.
Historiaime.al është një zë i pavarur në mbrojtje të të drejtave të njeriut. Ne raportojmë si për shkeljet e të drejtave të njeriut ashtu edhe për histori njerëzore që i promovojnë këto të drejta. Ky projekt synon të ndryshojë qëndrimet jo fort etike karshi të drejtave të njeriut nga ana e medias kombëtare si ajo e shkruar, ashtu edhe ajo vizive dhe media e re online.